Galaatiya 6
6
Sittiya cuuka uyquca
1Yi saculo, akkinnanti umaanidde yindhibbirhemko, Ufayi adde yane marak, mece-mariinooti ufayelle kaa edebbaanta. Isheh cakanadde saytak lel xeelassit. 2Sittiyahi cuuka uqhucanta. Taginah Masiix sercat taskamaloona kitin. 3Akkinnanti walaa inkim maki hanuk, ishedde yekkelemko, ishe doolaba. 4Laakin ummanti ishi ciyyo yamarmaroo, amaymik sarrah, kaa zoobattihimih akkekkah, ishimih falito kinni. 5Amayim lel, ummanti ishi cuuka yaaqhaco kinamhi sabbatah kinni.
6Tamaa Yallih waanitta yadruseti lel umbuka mecemko ishi mudarrislih xazziilitoo. 7Midoolabimina! Ummanti azziriinnanim orbishito kinamhi sabbatah, Yalli digir male. 8Amayim lel ishi xazottah arhxuk yazriyeti, xazottaako liya orbisho kinni. Ufayeh arhxuk yazriyeti laakin, Ufayeko umman geedit aniina orbisho kinni. 9Niya cide waynemko, yamiite waqhtedde orbishno kinomhi sabbatah, mecaani abaanamalle abboohose waynoo. 10Amaydo, caashir geyinnan gedda, umman tiyah mecaani abnoo, fertoh lel tamaa imaanah ni sacul kin marah.
Abayshimat asuuso kee barakä
11Anu inni gabah aaginale naba xuruufuh sinalle aktubiyuk anem ubula. 12Askok-kalum abtoona sin xaylisho farha mari, tamaa xazottah yamnanabbo farha mara kinon. Tayim abak yaniinim lel Masiix masqalhi sabbatah haddaanimaanamko ciloh kinni. 13Tamaa askok-kalum abe mari gantah sinneh sercat mirhawrhaana, laakin usun sin xazottah falitoona ciloh, askok-kalum abtoona sinak farhan. 14Anu laakin, caalam yottah masqalak akah takarimte, anu lel caalamah masqalak akah takarime Yeesus Masiix masqalko bextih, aki falo yottaako mirix-tarhxoo. 15Askok-kalum abaanam yakko, askok-kalum abe wayaanam nafaaca male. Tamficem cusub makhaaliqho kinni. 16Inkoh ta arax kataa mara kee Yallih mara kin Israa-eel xiyawah maaxiyo kee raxma takkoo.
17Anu inni nabsek Yeesus xubbur ooqhoceh aniyomhi sabbatah, taymik sarrah walaa inketti yi ayribbishe wayoo.
18Yi saculo, ni Maddara kin Yeesus Masiix nicma sin ufayelih takkoo. Amin.
Currently Selected:
Galaatiya 6: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
