Kolossay 3

Cusub nabse hashshit

1 # Zaabur 110:1 Masiixlih rabaako ugutteenih tekkiinimko, tamaa agana Masiix Yallih mizgi gabooko alle defeyeh yanelle tanem wagiyanta. 2Baarholle tanemille akkekkah, tamaa agana tanemille sinni niya hayanta. 3Amayim lel atin rabteenih tanin, sin aniina lel Masiixlih Yalladde sucutteh tanemhi sabbatah kinni. 4Tamaa sin aniina kin Masiix yamidhdhige gedda, amaydo atin gantah nabnedde kaalih tamadhdhagoona kitin.

5Amaydo tamaa baarhootim kinam sinadde taneya: uma-xibar, cibdaan, bacaalagino, uma farhi kee tamaa asnaamah yacbudiinim kin hirfe igdifanta. 6Tayimhi sabbatah tamaa kaa aabbinnixe maralle Yallih kura amiituk tane. 7Atin gantah wuli gedda tayim abak marak tinin. 8Kado laakin tayim: kura, xurtaame, umaani, waato, uma waani sin afko inkoh asac-ishshoona sinalle tane. 9#3:9 Efesos 4:22Basoohit nabse kaa ciyyoolih asac-ishsheenih taniinimhi sabbatah, sittiyalle mizirabbitina. 10#Erhedhdhö 1:26; Efesos 4:24Ishi khaaliqhih yammangado lel irhgah yucussube cusub nabse saritteenih tanin. 11Masiix ummannim kee umman tiyah kinni kibah, talle Giriik xiyawto, Yahuuddo, askok-kalum abe tiya, askok-kalum abinnixe tiya, godobotta, Iskuteesti xiyawto#3:11 Iskuteesti xiyawto Roomaati xiyaw mangum afeededinnixe xiyawko garo balih ablii yinin mara, garuzzo kee finja-le mibarhisha.

12 # Efesos 4:2 Amaydo, yinqiddise mara kee yinkixxine mara Yalli dooreya, afcaadot naxrurta le mara akah kitiiniikah, mecaani, amnanabbe wayaanam, xiyaawinna kee curtayyo saritanta. 13#Efesos 4:32Sinne-sinneh sittiya dhicteenih, akkinnanti akkinnan tiyaako yassimingide gedda, sittiyalle xabtaanam. Tamaa Maddari akah sinalle xabeekah, sittiyalle xabtoona sinalle tane. 14Umbuka tayimhi bukalle lel, tamaa ummannim kaamil kin samarah inkidde yarhuwe kaxano saritanta. 15Tamaa inki nabse tekkiinih deeco sinah alle tekke Masiix salaam sin afcaadodde reezoo. Xamde lel eddebbaanta. 16#Efesos 5:19-20Masiix waanitta gaddaalitteh sinadde sigtoo, umbuka xikmah lel sittiya tuydurusiinih sittiya aydukumusanta. Sinni afcaadooko Yalla xamdishitteenih lel mazmuur, faylat qanna kee nazme abanta. 17Abinnannimidde lel, waanih yakko abittoh, inkoh Maddara kin Yeesus migacalle abanta. Amaymih lel kaa araxah Abba kin Yallah xamde edebbaanta.

Santo yaamine marahi xawazah

18 # Efesos 5:22; 1 Bithroos 3:1 Ko sayyo, Maddaradde basak-arhxinnan xibarah sinni baacilih im-izzizanta. 19#Efesos 5:25; 1 Bithroos 3:7Ko baacilo, sinni sayyo ikxina kibah alle masrayna. 20#Efesos 6:1 Ko cindhaamo, Maddari kixinamhi sabbatah ummanimih sinni dhaltoyya oobbaanta. 21#Efesos 6:4Ko abbubo, niya cidaanak sinni cindham mikurrayshina. 22#Efesos 6:5-8Ko garuuzaw, ummanimih baarhot sinni manabottit, tamaa xiyaw sinah yabloona, hido xiyaw xedenishshoona akkekkah, sinni afcaadooko Maddara mashshitteenih ten oobbaanta. 23Abinnannim, xiyawah aba mara balih akkekkah, Maddarah aba mara balih rummaahit afcaadooko abanta. 24Amayim lel sinni casbeh amaa miiraas Maddaraako kabbattoona kitiinim teerhegiinih abanta. Atin Maddara kin Yeesus kinni akhdumuk taniinim. 25#Gabbaacime Sercat 10:17; Efesos 6:9Umaani abati tamaa abeh yane umaanih yaffadaw kinni. Yallaalih babbarhishnan miyane.

Currently Selected:

Kolossay 3: SCC

Highlight

Copy

Compare