Popular Bible Verses from Kolossay 3

Share

Sinne-sinneh sittiya dhicteenih, akkinnanti akkinnan tiyaako yassimingide gedda, sittiyalle xabtaanam. Tamaa Maddari akah sinalle xabeekah, sittiyalle xabtoona sinalle tane.

Baarholle tanemille akkekkah, tamaa agana tanemille sinni niya hayanta.

Abinnannim, xiyawah aba mara balih akkekkah, Maddarah aba mara balih rummaahit afcaadooko abanta.

Amaydo, yinqiddise mara kee yinkixxine mara Yalli dooreya, afcaadot naxrurta le mara akah kitiiniikah, mecaani, amnanabbe wayaanam, xiyaawinna kee curtayyo saritanta.

Masiix waanitta gaddaalitteh sinadde sigtoo, umbuka xikmah lel sittiya tuydurusiinih sittiya aydukumusanta. Sinni afcaadooko Yalla xamdishitteenih lel mazmuur, faylat qanna kee nazme abanta. Abinnannimidde lel, waanih yakko abittoh, inkoh Maddara kin Yeesus migacalle abanta. Amaymih lel kaa araxah Abba kin Yallah xamde edebbaanta.

Umbuka tayimhi bukalle lel, tamaa ummannim kaamil kin samarah inkidde yarhuwe kaxano saritanta.

Masiixlih rabaako ugutteenih tekkiinimko, tamaa agana Masiix Yallih mizgi gabooko alle defeyeh yanelle tanem wagiyanta.

Tamaa inki nabse tekkiinih deeco sinah alle tekke Masiix salaam sin afcaadodde reezoo. Xamde lel eddebbaanta.

Amaydo tamaa baarhootim kinam sinadde taneya: uma-xibar, cibdaan, bacaalagino, uma farhi kee tamaa asnaamah yacbudiinim kin hirfe igdifanta.

Amayim lel atin rabteenih tanin, sin aniina lel Masiixlih Yalladde sucutteh tanemhi sabbatah kinni.

Kado laakin tayim: kura, xurtaame, umaani, waato, uma waani sin afko inkoh asac-ishshoona sinalle tane.

Basoohit nabse kaa ciyyoolih asac-ishsheenih taniinimhi sabbatah, sittiyalle mizirabbitina. Ishi khaaliqhih yammangado lel irhgah yucussube cusub nabse saritteenih tanin.

Ko baacilo, sinni sayyo ikxina kibah alle masrayna.

Ko cindhaamo, Maddari kixinamhi sabbatah ummanimih sinni dhaltoyya oobbaanta.

Ko sayyo, Maddaradde basak-arhxinnan xibarah sinni baacilih im-izzizanta.