Kolossay 2

1Sin kee tamaa Lawdikeyalle tanemih arhxiyuk, tamaa nif kee nifih yi tubleh sodhdhamah arhxiyuk, aaginale naba gixlo liyom yoh taarhagoona sinak farha. 2Tayim lel, ten afcaado aydukumusnan geyteh kaxanoh inkidde yamadhdhawna, thummut yekkiinih lel kaamil kin fahaamat gadda yeellinyaako, tamaa Yallih mashthir kin Masiix yaarhagoona ciloh kinni. 3Umbuka xikmah cukrar kee irhga adde sucutteh tanem lel kayya kinni. 4Tayim sinak arhxiyuk anem lel akkinnanti takkeh iggidin waanih sin doolabamko kinni. 5Anu nabseh sinlih anniye wayo kibah, qalbeeko sinlih aniyo. Sin mece xijxijo kee Masiixidde litin imaanhi tiraare ableyaako xedenak aniyo.

Masiix araxah geytimta aniina

6Amaydo, Masiix kin Yeesus Maddara balih akah kabbatteeniikah, kaa araxalle gerhanta. 7Kayyadde rimid dhirhiiteenih carsimtenyaako, tamaa akah tudrusiiniikah imaanalle isbita, xamde lel eymengaanta.

8Akkinnanti Masiix araxah akkekkah, xiyaw kas balih foyya kin doolabah, xiyaw cayda kee caalamti ufayit hi xaylahi araxah sin yabbirhek selitanta. 9Yalli inkoh ishi migeh kaa nabsedde siga. 10Atin lel tamaa umbuka reeza kee mas-uuliyahi amo kin kayyah temmeegiinih tanin. 11Atin lel Masiix araxah yakke askok-kalumuh, tamaa xazotta kin nabse kaleyaako, gabah yakke askok-kalumuh akkekkah, kaa araxah askok-kalum abteenih tanin. 12#Rooma 6:4Anthammaqhah kaalih tumuccugin, xaylah rabaako kaa uguse Yallahi ciyyoh teemeniinih atin gantah kaalih ugutten. 13#Efesos 2:1-5Atin lel, tamaa sinni umaani kee askok-kalum akko akkinnixe xazottah rabeh suge marak, kaalih yane mara sinak abe. Yalli umbuka ni umaani nolle xabe. 14#Efesos 2:15Tamaa ni taksiseh ni didde kuuk tine cidat shahaada dhintolle tunkuttubeh tineya kaleh yane. Tayim lel masqalak yinkiyeyaako kinni asac-isheh yanem. 15Mas-uuliin kee reezonko yislibeh kaamil kin sariigalla geyeyaako, umman tiyahi nifille masqal araxah ten xoolayshe.

Walaa inketti limo hinnim sin raacishe wayoo

16 # Rooma 14:1-6 Amaydo, bettimtam kee tamuccubemih, hido lel cidih hido alsi biloh cid hido lel Sambutti zacabah walaa inketti sin afride wayoo. 17Tayim tamaa tamaato lemhi silal kinni, rummah tanem laakin Masiix kinni. 18Walaa inketti amnanabbinnixe tiyah yimmingideh malaykutuh yacbudeya limo hinnim sin raacishe wayoo. Tagina leti, tamaa mablol meceetih caddoysho arhxuk, amficinnixe xazottahi niyah xaffuwa tiya kinni. 19#Efesos 4:16Ta gina-le xiyaw tamaa amoolih yirhibbishiinih miyaniini. Ta amooko umbuka nabsi muyfuluu kee ramuduh qath-yerhxeh inkidde yindhibbirheh yane. Nabsi lel Yallaako yamiite carsah cara.

20Atin ta caalamti ufayit hi xaylahi araxah Masiixlih rabteenih tekkiinimko, aymih kinni, ta caalamti mara balih, tee dhintoh tangizziinim? 21Amaa dhinto lel: “Mabbarhin, akko mirhacamin, mirhagin” tarhxem kinni. 22Ta dhintot lel tamaa xiyaw labcadah tekkem kinamhi sabbatah, inkoh aban gedda talayem kinni. 23Ta dhintot lel rummah xiyaw sinneh iraaren diin kee amnonobba hinam iggidah, xirrimotuh nabse dhacumaatih taqhtsicem kinniyaako, xikma lemih iggida. Ta dhintot makko male, xazottat farhih deeso yakko lel mirhiica.

Currently Selected:

Kolossay 2: SCC

Highlight

Copy

Compare