2 Korintos 9
9
Yaamine marah Yerusaalemille yamxaye xato
1Kado, tamaa yinqiddise marah takke khidmahi zacabah sinalle aktubem mifarhshishsha. 2Amayim lel atin xattimtoona litin mece farhi aarhigemhi sabbatah: “Akhaayalle tane sacul xattimoona boodifaako taahe yinqirribiinih yanin” arhxeh sin zacabah Makedooniyaati xiyawalle falita. Sin qeera lel tenko mango mara uguugusse. 3Laakin tamaa sin zacabah ta gondodde abne falo foyya takkemko, anu akah erhxeekah tinqirribiinih sugtoona, amaa sacul sinalle farak aniyo. 4Akke wayemko, Makedooniyaako gari yottaalih yemeetiinih, atin anqirribekkah sugteenimko, sin zacabah abne imaanah, notta bisa akkekkah, atin gantah xoolashshittaanamko ciloh kinni. 5Amaymih, tamaa tookomiinih taxawna wacde akah sayten muttuxuwa tinqirribeh sugto ciloh, amaa sacul yookomiinih sinalle yamaatoona ten dhaacimo farhshishsham yoh tumbulluwe. Taginah lel sinni winah kibah xaylah abteenim makinam tamidhdhige.
Xedenak yaxaye tiya
6Gondo tatiyä kinni: daddagumuh yazriyeti daddagumuh orbisho kinni; mangih yizriyeti lel mangum orbisho kinni. 7Yalli xedenak yaxaye tiya kixinamhi sabbatah, ummanti farhekkah hido xaylah akkekkah, ishi afcaadodde akah yexeesebeekah yaxaw kaalle tane. 8Yalli ummanimidde sin farhshishsham umman gedih geyteenih, umman mece abitto taymangoona ciloh, nicma sinah yaymango dhiica. 9#Zaabur 112:9Amaymih tayim tunkuttubeh tane:
“Usuk amaa ginah kele,
usuk baaxentitih yoxoye;
kaa xaqqi umman geddah mara.”
10Tamaa yazriye tiyah zara, teeloh lel folo yaxayeti, atin tazriin zara sinah yeymengeh, sin xaqqih orba lel sinah ziyaadisho kinni. 11Umman gedda xinda-le mara takkoona, umman ginah sin gaddaalisho kinni. Usun lel ni araxah Yalla xamdishitoona kinon. 12Ta atin abak tanin khidma, tamaa yinqiddise marah farhshishsham yaxaynim bisa akkekkah, Yallah xadde hin mango xamde akah gaxtaakah yakkeedo abtam kinni. 13Ta atin abak tanin khidmah, mango mari Yalla yaynaboona kinon. Amayim lel tamaa atin Masiix mece wareh abten shahaadaako tamiite maabboh, amayim balih inkoh ten kee aki marah atin xindaalih abten xatohi sabbatah kinni. 14Tamaa sinah tomxoyeh tane qiyaas hin Yallih nicmahi sabbatah, mango kaxanoolih dhaaco sinah aban. 15Tamaa taye kinni yerhxiinih adde waanishoona taanan kaa muttuxuwah, Yallah xamde takkoo!
Currently Selected:
2 Korintos 9: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
