2 Korintos 8
8
Xindah yaxawna aydukumusaanam
1 #
Rooma 15:26
Yi saculo, Makedooniyaati kanaayisidde tomxoye Yallih nicma taarhagoona sinak farhna. 2Amayim lel, naba cakanah tsabaabadde dhacuma wayto luuk yinin hanuk, wasan hin xeden loonimhi sabbatah, wasan hin xinda-le mara kinon. 3Sinni farhih sinni dhicille, sinni dhicko gantah bukalle yoxoynimih inneh shaahid kiyo. 4Yinqiddise marahi xatoh takke khidmadde macruufuh gaba yassagalloona dhacumaatih ni dhaacimen. 5Tamaa nanu akah ilalneekah akkekkah lel, erherhih Maddarah, sarrah lel Yallih farhih nottah sinne yoxoyin. 6Amayimhi idhdhah, tamaa akah erherhisheh yineekah, ta xindaati abitto abayshima gudduuso, Tiitos dhaacimneh nanino. 7Tamaa ummannimih yashshe mara akah kitiiniikah: imaanah, waanih, irhgah, ummanimidde mece farhi kee nottah litin kaxanoh, ta xindaati abitto gantah yashshe mara tika.
8Tayim arhxem sin aamaro akkekkah, laakin aki marahi mece farhiilih oybolooloyeh, sin kaxani rumma kinam kee amarmaro ciloh kinni. 9Ni Maddara kin Yeesus Masiix nicma taarhigin; atin kaa waytoh gaddaalittoona ciloh, gaddaale kinni hanuk sinah arhxuk baaxite. 10Anu ta gondodde sinah mecemih liyo mablo tatiya kinni. Atin boodifa yaxaynim erherhishshen bisa akkekkah, taxawna gantah farhi luuk tinin. 11Amaydo kado, tamaa ciyyo abayshanta. Amayim lel tamaa abtoona luuk tinin farhi, ciyyot abayishnanlih tamsaanawo ciloh, sinni dhic balih abanta. 12Farhi tinniyemko, amaa muttuxuwa kabbaatimtam xiyawti lem balih kibah, aalle wayam balih maki. 13Tayim lel tenah akah tar-hawo, atin lel waqhaaqhacittoona erhxeh akkekkah, agaagim yannaw alle tanemhi sabbatah kinni. 14Sin xayi kadit waqhtedde ten farhshishsham taskamalo, ten xayi lel sin farhshishsham tiskimileh agaagim yannaw ciloh kinni. 15#Muuca 16:18Amaymih lel: “Mangum yesketteti raacishem male, dagum yesketteti lel wayto male” yarhxiinim tunkuttubeh tane.
Tiitosti sukuuku
16Tamaa anu sinah liyoh iggidin mece farhi Tiitosti afcaadodde haye Yallah xamde takkoo. 17Tiitos ni dhaacimto kabbaate bisa akkekkah, laakin ishi winah kinni mece farhiilih sinalle amiituk yanem. 18Kaalih lel mece warehi warroyishnanah umbuka kanaayis yassokootin sacal sinalle dhirhiyak nane. 19Amayim bisa maki, Maddari nabne kee xatoh lino mece farhi nayballaw ciloh muttuxuwa nasxadaadaro abna gerhodde ni goorisho kanaayis kaa dooreenih yanin. 20Tayim lel ta xinda-mece muttuxuwa asxedeederinuk caddaalimnamko ciloh abnam kinni. 21#Fartottit hi Abittot 24:16; Rooma 12:17Ni bursaale lel Yallih nifille bisa akkekkah, xiyaw nifille gantah mecaani abaanam kinni. 22Mangole gedda mangumudde kaa nimirmireyaako mece farhi lem akko neerhege aki sacal gantah tenlih sinalle dhirhiyak nane. Kado lel sina meceetih yeemenemhi sabbatah awwalko ziyaada mece farhi abiteh yane. 23Tiitos yekkemko, usuk yi zoobatto kee sin nafaacah yottaalih khidma yangale tiya kinni. Ni sacul yekkemko lel, Masiix nabneh kanaayis faren mara kinon. 24Amaydo, ta mara sinni kaxano kee nanu sin zacabah akah falinnem tamaa kanaayisti nifille ten uybulluwa.
Currently Selected:
2 Korintos 8: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
