2 Korintos 10
10
Bawlos ishi khidmah abe deeso
1Anu, Bawlos, sin nifille amnonobba hin tiya, sinko akuula lel tirir tiya yi yakkale marak, inneh Masiix mecaani kee naxrurtah sin dhaacimak aniyo. 2Sinalle amiite gedda, fidbeelih tiririk akah waanishaakah yok abtaanamko sin dhaacimak aniyo. Tamaa udduuniyat araxah marnam ni yakkale maralle laakin, tiririk alle adabbo dhiica. 3Udduuniyat araxah walaa marno kibah, udduuniyat araxah dhiba maabna. 4Ni dhibahi aslaxa lel udduuniyaatim akkekkah, dhacuma difaac akah dumusna Yallih xayla lino. 5Taginah lel, Yallahi irhgah didde kin zirabti mablol kee umman amnonobba dumusna. Umman xasaab lel nabbirheh Masiixih akah yam-izzizeekah akko abna. 6Sin am-azzaz kaamil yakke gedda, tamaa inkoh am-izzizinnixe mara naqhtsaco ninqirribeh nane.
7Atin irooko bisa ablii tanin. Akkinnanti Masiix tiya kinamah ishe yeemenemko, usuk akah kinniikah nanu gantah Masiix mara kinom yaarhago kaalle tane. 8Tamaa Maddari sin dumusnanah akkekkah sin carsah noh yoxoye reeza, amayimko dagum ziyaadisheh falitemko gantah, akah xoolashshiito makiyo. 9Inni jawawubuh abeh sin mashshiisho farhem makkalina. 10Amayim lel, xiyawko gari: “Kaa jawawub cilisham kee siriyam kinni, kaa table gedda laakin rukut tiya kinni; kaa waani lel makko male” yarhxiinimhi sabbatah kinni. 11Tamaa gina-le mari lel nanu jawaaballe zibodde aninuk narhxem, nanniye gedda abnam kinam yaarhagoonaa. 12Tamaa sinneh sinne yaysherheerhege maraalih ninne hayno hido agaagishno minadbile. Usun sinne-sinneh sittiya yaqheesiinih sittiyaalih sinne agaagishan gedda, usun fahme hin mara kinon.
13Nanu laakin, sina gantah gufnandah, tamaa Yalli isheh noh yoxoye ciyyoh wakalelle kibah, amayimko foorolle falinno makino. 14Sina walaa gufe waye mara balih, ninni qiyaasko foorolle falitak minanino. Rummah lel afti gabolle Masiix mece ware bahteh sinalle temeetem notta kinni. 15Nanu ninni ciyyoh wakaleeko foorolle, aki mari adde xawalen khidmah mifalinna. Ni cag yekkemko, sin imaan akah anabuk yaneekah, noh yomxoye ciyyoh wakali sin fanadde nabaatih yafiddinem kinni. 16Amayim lel, aki marahi geridde tekke ciyyolle falitekkah, sinko tillabneh, aki baarholle mece ware warroyishno ciloh kinni. 17#Ermiyaas 9:24“Falitinnanti Maddarah falitoo” yarhxiinim tane. 18Maddari yaysherheerhege tiya kinni kabbat geyati kibah, isheh ishe yayshidhdhige tiya maki.
Currently Selected:
2 Korintos 10: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
