2 Korintos 4

Mece warih ifo

1Amaydo, Yallih raxmah ta khidma neellek sarrah, niya micidna. 2Nanu laakin xoola kinam ambulluwe waytaya xabneh nane. Yallih nifille lel amaa rumma umman tiyahi afcaadodde cadimbililih kab-ishnah ninne nayshidhdhigenkah, siixo lem hido Yallih waani taybiddilem abnamko xinneh nane. 3Tamaa nanu warroyishna mece wari alfiimemko, tamaa alawuk yane maraako kinni alfiimeh yanem. 4Tenim lel, ta caalamti yalli, mece warehi ifo, tamaa Yallih misle kin Yeesus Masiix nabne yabliinimko, aamininnixe marahi xangal alifeh yane. 5Yeesus Masiix Maddara kinam, nanu lel Yeesus idhdhadde sin garuuza kinom kibah, ninni zacabah maki warroyishnam. 6#Erhedhdhö 1:3Tamaa: “Ditedde ifi iffoo” yerhxe Yalli, tamaa Yeesus Masiix nifille yumbulluwe Yallih nabnehi irhgat ifo noh yaxaw ciloh, ni afcaadolle ifishe.

Cukra kallat citrodde

7Laakin naba xayli Yallih tiya kibah, ni tiya makinam tamadhdhago ciloh, ta cukra kallat citrorudde lino. 8Nanu umman ummanimih nantseebebe, laakin minalaye; abnam sorhna, laakin niya minagrice; 9haddaanimna, laakin mixinnitimino, namuttukeh radna, laakin minalaye; 10Yeesus aniina ni nabsedde tamballaw ciloh, umman gedda Yeesus rabahi xunsus ninni nabsedde naaqhuce. 11Yeesus aniina ni nabsedde tamballaw ciloh lel, nanu ta aniina-le marak, Yeesusuh arhxuk umman gedda rabih ni asxayik yanin. 12Amaydo, rabi nottadde, aniina laakin sinadde ashtuqhuluk tane.

13 # Zaabur 116:10 Tamaa: “Eemene, amaymih lel waanishe” yarhxiinim tunkuttubeh akah taneekah, inki caynah imaan ufaye linomhi sabbatah, nanu lel naamine, amaymih lel waanishna, 14tamaa Maddara kin Yeesus uguseti, notta gantah Yeesuslih ni uguso kinam kee sinlih kaa nifille ni baaho kinam naarhige. 15Tayim inkoh sin nafaacah kinni, amayim lel nicma akah tamxaye mari ammanguk tammange gedda, Yallahi nabneh gaxta xamde ziyaaddo ciloh kinni.

16Amaydo, niya micidna. Ni nabsi irooko baarrowemih, addat ni nabsi maaxi yamaato kinni yacussubem. 17Ta sissik urhurh waqhtih ni waaxelti lel, agaagim hin umman geedit cilish nabne noh yaxaw kinni. 18Nanu lel tamaa tambulluwemidde akkekkah, ambulluyinnixemidde kinni kulux-narhxem. Amayim lel tamaa tambulluwem tillabtam kinni, ambulluyinnixem laakin umman geediitim kinamhi sabbatah kinni.

Currently Selected:

2 Korintos 4: SCC

Highlight

Copy

Compare