2 Korintos 13
13
Abayshimat asuuso
1 #
Gabbaacime Sercat 19:15
Anu maddaxit gedda kinni sinalle amiitiyuk anem. Akkinnan gondo lel lamma hido adooxa shaahid-hi seththeeh dhishshimto alle tane. 2Tamaa basoh zambe abe mara kee inkoh aki xiyaw, malammih sinalle emeete gedda ten asuuseh iniyo. Kado lel dherhille ekkeh ten asuusak aniyo. Taymik sarrah emeetemko lel walaa inketta akko xabo makiyo. 3Tayim lel Masiix yi araxah waanishak yanemhi daliil fadhdhaanamhi sabbatah kinni. Usuk sin fanadde xayla le tiya kibah, rukut tiya maki. 4Usuk ruktah masqalak takarime, Yallih xaylah laakin mara. Nanu kayyadde rukut mara kino, sinlih abnamah laakin Yallih xaylah kaalih marno kino.
5Atin imaan litiinim kee sinne icikkina. Sinne imirmira. Hido Yeesus Masiix sinadde yanem atin sinneh mitaarhigiini? Akke wayemko rummah cakanalle raddeenih tanin! 6Nanu cakanalle miraacinom taarhagoona cag liyo. 7Atin umaani abtaanamko lel Yalla dhaacimna. Amayim lel nanu amaa cakanalle raace marah walaa nimmingidemih, atin xaqqe kinam abtoona ciloh kibah nanu cakanalle racnemih maki. 8Nanu rummah kibah, rummaati diddeh walaa inkim abno mirhicna. 9Nanu rukut mara, atin lel birthic mara kitiinimih xedeneenit kino. Nanu dhaaco akah abnam lel atin mece agalguluh yucussube mara takkiinim kinni. 10Tayimhi sababah: Maddari yoh yoxoyeh yane reeza akah carisho kibah akah dumuso makinamhi sabbatah, amiite gedda inni reeza etneefeceh sinalle aytiriremko kinni, sinko mirixtah aniyuk tayim sinalle aktubiyuk anem.
Abayshimat salaamta
11Abayshimalle, yi saculo, xedenanta. Mece agalguluh yucussube mara takkoona ixiggira, sittiya aydukumusanta, sittiyaalih emseeneya, maaxiyodde maranta, kaxano kee maaxiyoh Yalli lel sinlih yakkoo. 12Tinqiddise fugtoh sittiyak salaam-erhexa. 13Yinqiddise mari inkoh salaamat sinak yarhxin.
14Maddara kin Yeesus Masiix nicma kee Yallih kaxano, amayim balih Quddus kin Ufayehi agle sinlih takkoo.
Currently Selected:
2 Korintos 13: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
