Galaatiya 1
1
Salaamta
1Xiyawko hido xiyaw araxah akkekkah, Yeesus Masiix kee tamaa rabaako kaa uguse Abba kin Yallahi araxah fartotta yekke Bawlos 2kee inkoh yottaalih tane saculko, Galaatiyalle yane kanaayis fanah:
3Ni Abba kin Yalla kee Maddara kin Yeesus Masiixko nicma kee maaxiyo sinlih takkoo. 4Ni Maddari, ta kado yane uma waqhteeko ni yeyyeece ni Yalla kee ni Abbahi farhih, ni zambeh arhxuk ishe yoxoye. 5Kayyah lel umman gedda kee umman gedih nabne takkoo. Amin.
Aki mece wari miyane
6Tamaa Masiix nicmahi araxah sinah deecime tiya, tayidhdha dheh xabak taniinim kee aki mece warelle afkunuk taniinim cibra yolle tekkih tane. 7Tayim laakin, xiyawko gari Masiix mece ware sawaloona farheenih kinni sin gobbishak yaniinim kibah, aki mece wari yaneh maki. 8Laakin, walaa notta yakko, carsheeko malaykatti ta nanu sinalle warroyishne mece wareeko barhsimtem sinalle warroyshemko, abaaro-le yakkoo. 9Tamaa awwalah akah nerhxeekah, kado malammih arhxiyuk ane: akkinnanti tamaa atin kabbatten mece wareeko barhsime tiya sinalle warroyshemko, abaaro-le yakkoo.
10Anu xiyaw cawat wagiyak aniyo woole Yallih cawata? Hido lel xiyaw xedenisho farhak aniyo? Anu kaddih xiyaw xedenisho farhak anniyeedo, Masiix garuzzo akke mirhaarhiyo.
Bawlosuh Yalli akah deecima
11Yi saculo, tamaa anu sinalle warroyshe mece wari, xiyawko makinam taarhagoona farha. 12Yeesus Masiix waxyehi araxah kinni kabbaatem kibah, xiyawko mikabbaatiyo, xiyawko lel milabcaadiyo. 13#Fartottit hi Abittot 8:3; 22:4-5; 26:9-11Basoh Yahuud diin katayak ine gedda, Yallih kaniisa mangum uma ginah hadanak inem kee, aylawo icikkineh inem toobbiinih tanin. 14#Fartottit hi Abittot 22:3Amaa Yahuud diinille lel yi xiyawadde mango yi barmaleeko ashshiyuk ine, inni abbubhi caydalle lel mango qeera luuk ine. 15#Fartottit hi Abittot 9:3-6; 22:6-10; 26:13-18Yalli inni inahi garbadde aniyuk yi dooreh, ishi nicmah yoh deecimeh, 16Aki-marahi addadde kaa zacabah mece ware warroysho ciloh, usuk ishi Barha yi yayballaw farhe gedda, anu walaa inkettaalih mizatteyinniyo. 17Yi basolle yine fartottit ablo Yerusaalem fanah gantah mawciyooki, Carabti baarho fanah edeeh, sarrah malammih Dimaashqa fanah gaxe.
18Adooxa iggidak sarrah lel Keefa gufo Yerusaalem fanah ewceyaako kaalih koonan kee taman lellectiya suge. 19Maddari sacal kin Yacqoobko bextih walaa inki fartotta maballiyo. 20Ta sinalle aktubiyuk anem zirab makinamah Yalli yi shaahid kinni! 21Sarrah Suuriya kee Kilikiya fanah edee. 22Yahuudiyalle tine Masiix kanaayis laakin nif kee nifih yi aarhiguk miyiniini. 23“Tamaa ni hadanak yineti, tamaa wuli gedda yaylawo farhak yine imaanhi zacabah warroyshak yane” arhxuk bisa aabbuk yinin. 24Usun lel yi sabbatah Yalla yeynebin.
Currently Selected:
Galaatiya 1: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
