1 Bithroos 5
5
Yallih medderohi zuwa
1Amaydo, anu tena balih naba tiya kee tamaa Masiix yuble waaxelti shaahid, amayim balih tamaa tamballaw kin nabnehi aglenta akah kiyookah, sinlih yane kaniisat naba mara asuusak aniyo. 2#Yohannis 21:15-17Sin fanadde tane Yallih meddero zuwanta, qasbiyah makiiki lel, tamaa Yalli akah sin abshiishe dhaarheekah, sinni farhih meceetih macalsita. Amficinnixe kasbeh makiiki lel, mece farhih abanta. 3Amaa medderoh mece misaal akah tika kibah, tamaa sin geridde tane meddero magzaynanta. 4Amaa Loynitti Nabati yamiite gedda, ahsisinnixe nabnet bor kabbattoona kitin. 5#Missilit 3:34Amayim balih, cindha-masok, naba marah im-izzizanta. “Yalli yamnanabbe marah didde, amnanabbinnixe marah lel nicma yaxaye” akah yarhxeekah, inkoh amnonobbi waytoh sittiya ukhdumanta.
6 #
Maatiyos 23:12; Luukas 14:11; 18:14 Amaydo, tamaa usuk isheh farha gedda xaf sin isho ciloh, sinne tuscundhuynih tamaa Yallih xayla-le gabahi geridde orobanta. 7Usuk sinah xaaliitamhi sabbatah lel, sinni shaqhla inkoh kayyalle cidanta. 8Himma-abitanta, selitanta. Tamaa sin didde kin ibliis lel, yacoorhotemhi goronuh goroxa lubak balih zabzab-arhxuk yane. 9Sinni imaanalle tisbitiinih lel kaa didde tika. Tamaa caalamko ummanille tane sin sacul lel taginah waaxelsiitak yaniinim taarhigin. 10Masiix araxah, umman geedit ishi nabnelle sinah deecime, umman caynah nabnehi Yalli, dago gedih waaxelsiitteenik sarrah, usuk sin yascassabo, sin yaysabato, sin yaysaraw kee sin sigisho kinni. 11Umman gedda xayli kayyah yakkoo. Amin.
Abayshimat salaamta
12 #
Fartottit hi Abittot 15:22,40 Tamaa umun kin sacalah able Silasti araxah, sin aydukumuso kee tayim rummaahit Yallih nicma kinam ayshadhdhago, ta urhurh farto sinalle uktubeh aniyo. Teyalle isbita. 13#Fartottit hi Abittot 12:12,25; 13:13; 15:37-39; Kolossay 4:10; Filmoon 1:24Tamaa Baabiloonulle geytimta, amayim balih doorimte kaniisa salaamat sinak tarhxe, yi barha kin Markos gantah amayim balih salaamat sinak yarhxe. 14Kaxani fugtoh sittiyak salaam-erhexanta.
Masiixidde yane marak lel inkoh maaxiyo sinlih takkoo.
Currently Selected:
1 Bithroos 5: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
