1 Korintos 8

Asnaamah tamxaye folo

1Asnaamah tamxayemhi zacabah lel: “Inkoh irhga linom” naarhige. Ta irhga amnonobba katayishsha, kaxani laakin xiyaa carisha. 2Akkinnanti akkinnannim yaarhige ishe yekkelemko, tamaa yaarhigem, yaarhago akah eedda araxah maki. 3Laakin akkinnanti Yalla yikxinemko, usuk Yallah mudhdhugto kinni.

4Amaydo, asnaamah tomxoyem beetaanam: “Asnaam rummaahit aniina malem” kee “Inki Yalla kibah, aketti miyanem” naarhige. 5Yakko kibah, carshelle hido baarholle “yallit” yarhxiinih akah deecimaanamko, rummah mango yallit kee maddarit yanin. 6Nottah laakin inki Yalli yane, amaati lel Abba kinni. Ummannim kaako kinni, nanu lel kayyah marna. Inki Maddari lel yane, amaati lel Yeesus Masiix kinni. Ummannim kaa araxah kinni, nanu lel kaa araxah marna.

7Yakko kibah ta irhga ummanti maleya. Gari laakin kalxa asnaamlih luuk yiniinimih, asnaamah tomxoyem beetan, ten rukut afcaadohi dhaw akko yarhxeyaako, xaraamedde sayan. 8Folo Yallalle kab ni miishsha. Xabnemko nok tanqusem male, bennemko noh ossam male. 9Ta sin xaqqi laakin tamaa rukut mara andafishsham yakkek selita. 10Wuli xiyawti, amaa irhga le kotta, asnaam caredde defeyteh ku yublemko, amaa afcaado akko rukutti, asnaamah tomxoyem beeto aydukum-yarhxo maki? 11Amaydo, Masiix kaa idhdhadde akah rabe, rukut sacal, ku irhgah alayi yane. 12Taginah, sin saculuk zambe abak kee amaa rukut ten afcaado akko biyaakishak, Masiixik zambe abaa tanin. 13Amaydo, folo yi sacal andafishshah yekkemko, inni sacal andafishamko, caduruh xazo beeto makiyo.

Currently Selected:

1 Korintos 8: SCC

Highlight

Copy

Compare