1 Korintos 9

Bawlos ishi xaqqeeko raaca

1Anu inni finja maliyo? Anu fartotta makiyo? Anu ni Maddara kin Yeesus maballiyo? Atin Maddari araxah yi ciyyoh mawco makini kitiinim? 2Aki maralle fartotta akke waya gedda, sinalle fartotta kiyo, amayim lel Maddari araxah yi fartottoyishnanhi maxtam sina kinamhi sabbatah kinni.

3Yi yamarmaro farha marah yi mogti tatiya kinni. 4Benno kee naacabo xaqqe malino? 5Aki fartottit, Maddari sacul kee Keefa abeenim balih taamine tiyä numah ninneelih bishshinno xaqqe malino? 6Hido lel yotta kee Barnabas bisa kinni tushtuqhuleh betto xaqqe hinam? 7Ishi solaadih beetak caskarto yakke tiyah miyatti yane? Cinab yatkileyaako daro akko beetinnixe tiyah miyatti yane? Hido xan akko aacubekkah medderot zan aba tiyah miyatti yane?

8Tayim inni amooko arhxem kinni? Sercat yarhxem tayim balih makini? 9#Gabbaacime Sercat 25:4; 1 Timoteyos 5:18 Moosat sercat: “Ilaw yaskiyyide beceerih af maarhayin” yarhxiinim tunkuttubeh tane. Yalli becaradde kinniho macal-abitak yanem? 10Ingirooko ni zacabah makini waanisham? Tamaa yaxruseti cagah yaxraso, yaskiyyideti lel cagah yiskiyyideyaako sinni gide geyoona ciloh nottah arhxuk kinni yunkuttubem. 11#Rooma 15:27Nanu Ufayim sinadde nizriyemko, sinko ni farhshishsham beynam nabam kinniho? 12Aki xiyaw sinlih xazziilitoona ta xaqqe yeelliinimko, nanu amayimko naba xaqqe malino?

Yakko kibah, nanu Masiix mece ware desnam hidhdhah, ummannim curak nanenkah, ta xaqqe matnaafacino. 13#Gabbaacime Sercat 18:1Maqhdas caredde yashtuqhule mari sinni folo maqhdas careeko geyaanam kee amaa mazbaxalle yakhdume mari lel amaa sadaqhadde yangaliinim mitaarhigiini? 14#Maatiyos 10:10; Luukas 10:7Amayim balih, mece ware warroysha mari mece wareeko yamnabarroona alle tanem Maddari amre yoxoyeh yane.

15Anu laakin ta xaqqeeko inkim matnaafaciyo, tayim sinalle aktubiyuk anem lel wulim yoh abtoona ciloh maki. Akkinnanti ta yi falok foyya akko abamko rabi yolle tashshe. 16Mece ware warroyshak inniyemko akah falitam maliyo. Tayim lel raacinnixem abo yolle taneya kinamhi sabbatah kinni. Mece ware warroyshe wayemko lel yi careyta! 17Tayim inni farhih abemko casbe liyo, farhekkah abemko laakin asxadaadar amaanah yolle yomxoyemhi sabbatah kinni. 18Yi casbi ayim kinni haye? Mece ware warroyshak, mece waredde liyo xaqqe inkoh atneefecekkah, mece ware amaa ginah yaxaynim kinni.

19Anu ummanimko inni finja liyo hanuk, mango mara aksabo ciloh, umman tiyahi garuzzo innek abe. 20Yahuud aksabo ciloh Yahuudulle Yahuuddo balih ekke. Sercat geridde yane maralle lel inneh sercat geridde maaniyo hanuk, sercat geridde yane mara aksabo ciloh sercat geridde yane tiya balih ekke. 21Sercatko irolle yane maralle lel anu inneh Masiix sercat hi geridde kibah Yallih sercatko irolle maaniyo hanuk, sercatko irolle yane mara aksabo ciloh sercatko irolle yane tiya balih ekke. 22Rukut maralle rukut mara aksabo ciloh, rukut tiya ekke. Farhinnan araxah garo gargeero ciloh, umman maralle ummanim ekke. 23Tayim lel kaa barakä tenlih angalo ciloh mece wareh arhxiyuk abam kinni.

24Ardat araxalle inkoh yammookomiinim kee tenko inketti bisa ashshowa beyam mitaarhigiini? Amaydo amaa ashshowa geytoona ciloh ommookoma. 25Ta ardah yammookome mari ummanimko sinni nabse yabbirhin. Ta mari tayim abaanam amaa urhurh waqhtedde yalaye bor beyoona kinni, nim laakin alayinnixem kinni. 26Amaydo, anu bursaale hin tiya balih maarde. Xaaxatta yaatuke tiya balih, gummaadeh mangaace. 27Aki xiyawah warroyshamko sarrah, anu inneh haddaanime tiya akkemko, inni nabse abbirheh inne dhawrha.

Currently Selected:

1 Korintos 9: SCC

Highlight

Copy

Compare