1 Korintos 5

Uma-xibar kaniisadde

1 # Gabbaacime Sercat 22:30; Leewiiti Sheekhino 18:8 Uma-xibar sin addadde yanem sinak amabbik tane. Ta gina le uma-xibar inkinnah Aki-marahi addalle gantah miyakke. Fertoh ishi abbahi numaalih dhiinati sinadde yane. 2Atin lel amnanabbuk tanin! Sarreh taxzanoona makini sinalle tanem? Tayim abeti sin addaako yacrhawo.

3Anu nabseh sinko mirix-erhxeh inniyemih, qalbeh sinlih aniyo; sinlih aniyom balih lel ta ginalem abe tiya mece geddaakoh kaa ifrideh aniyo. 4Atin Maddara kin Yeesus migacalle takattin gedda, anu lel ni Maddara kin Yeesus xaylaalih, qalbeh sinlih aniyok, 5Maddari lellec kaa ufayi gargeerimo ciloh, kaa xazotta talawki ta xiyawto Sheethanah kaa uxuwa.

6 # Galaatiya 5:9 Sin falo mimece. Dago ayci cagun kaamilik mulxusam mitaarhigiini? 7#Muuca 12:15Muluxinnixe cusub cagun takkoona ciloh, baarrowe ayco asac-isha. Atin rummah ayco malitiini. Masiix, ni Faasigi leemi yumruxxudeh yane. 8#Muuca 13:7; Gabbaacime Sercat 16:3Amaydo, tamaa baarrowe aycoh, hido xisde kee umaanit araxah akkekkah, lilla kee rummah cid abinno.

9Uma-xibar abta xiyawlih tangaloona sinalle mitanem inni jawaabadde sinalle uktubeh ine. 10Tayim laakin ta caalamti uma-xibar, hido hirfe-lem kee barheerha, hido asnaamah tacbudemidde kab-marhxina yarhxiinim maki. Akke wayemko, ta caalamko irolle tawcoona sinalle tine macna kinni. 11Anu sinalle aktubiyuk anem, tamaa “Yaamine tiya kiyo” yarhxe uma-xibar le, hido huruf, hido asnaamah yacbude tiya, hido waatimeena, hido sakraan, hido barheerhatto kin tiyaalih tangaliinimko ciloh kinni. Tenlih gantah bettaanamko kinni. 12#Gabbaacime Sercat 13:5; 17:7Anu kaniisaako irolle yane mara afrado, ayim adde yok telee? Atin tamaa addadde yane mara makini tafradoona sinalle tanem? 13Tamaa irolle yane mara tafridem Yalla kinni. “Uma xiyawto sinni fantaako hadana.”

Currently Selected:

1 Korintos 5: SCC

Highlight

Copy

Compare