1 Korintos 3

Barhsa kaniisadde

1Yi saculo, anu laakin xazottat mara kee Masiixidde kaddih zabul kin mara balih kibah, Ufayi adde yane mara balih sinlih waanisho mirhiiciyo. 2#Cibraan 5:12-13Kafin folo bettaanam gufteenih mitaniinimhi sabbatah, xan sin qaqcuse. Kado gantah tinqirribiinih mitaniini. 3Amayim lel atin kaddih xazottat mara kitiinimhi sabbatah kinni. Sin fanadde ashshiino kee gica tanem, xazottat mara tekkiinih, udduuniyaatim abten gedda makini? 4#1 Korintos 1:11-12Sinko wuliti: “Anu Bawlos kataa”, wuliti lel: “Anu Abolloos kataa” yarhxe gedda, udduuniyat mara tekkiinih bisa makini?

5Hido Abolloos aymotta kinni? Bawlos aymotta kinni? Ten araxah akko teemenin khaddamte kinon. Yalli akaa akah ten dhirhiyeekah lel yakhdumin. 6#Fartottit hi Abittot 18:4-11,24-28Anu itkile, Abolloos yeefece, Yalli laakin carishe. 7Tamaa carisha Yalla kibah, amaa yatkile tiya yakko, yaaficeti walaa inkim maki. 8Tamaa yatkile tiya kee yaafice tiya lem kinon, ummanti ishi-ishi xawal balih ishi casbe geyo kinni. 9Nanu Yallaalih khidma yangale mara kino. Atin Yallih dhage, Yallih camaara kitin.

10Anu Yalli yoh yoxoye nicmah dhiiceena kin naddaaq balih dhishe masarratalle aketti ginak yane. Akkinnanti lel aaginah alle ginam selito kaalle tane. 11Amayim lel, tamaa dhishshiimeh yane masarratko bextih, akim dhisho dhiicati miyane. Amaati lel Yeesus Masiix kinni. 12Akkinnanti ta masarrat hi bukalle dahab, fidda, limo-le dhayit, boxo, cashsho, xasar ginati yinniyemko, 13amaa lellec isheh yayballaw kinamhi sabbatah, umman tiyahi ciyyo tamadhdhago kinni. Amayim lel amaa ciyyo girah tamadhdhago kinamhi sabbatah ummanti ciyyooko ayim abem, amaa gira isheh tacakkano kinni. 14Akkinnanti masarrat bukalle gina ciyyo akah tisbitemko, usuk ishi casbe kabbaato kinni. 15Akkinnan tiyaako ciyyo akko xarartemko, yakhsaro kinni. Usuk isheh gargeerimo kinni, laakin tamaa girat araxah bisa kinni gargeerimam.

16 # 1 Korintos 6:19; 2 Korintos 6:16; Efesos 2:21 Atin Yallih macbad kitiinim kee Yallih Ufayi sinadde sigam mitaarhigiini? 17Akkinnanti Yallih macbad yeyleemko, Yalli kaa yaylawo kinni. Yallih macbad quddus kinni, atin lel ta maqhdas care kitin.

18Walaa inketti ishe doolabe wayo. Sinko akkinnanti kadit waqhtedde kas-le tiya ishe yekkelemko, kas-le tiya yakko ciloh duuda yakkoo. 19#Ayyuub 5:13Amayim lel ta caalamti kas Yallih nifille duudiino kinamhi sabbatah kinni. Amaymih lel: “Kas-le mara ten siixoh ten yabbirhe” yarhxiinim, 20#Zaabur 94:11kee malammih: “Kas-le marahi xisaab foyya kinam Maddari yaarhige” yarhxiinim tunkuttubeh tane. 21Walaa inketti xiyawalle falite wayoo. Amayim lel, ummannim sinim kinni, 22Bawlos hido Abolloos, hido Keefa, hido caalam, hido aniina, hido rabi, hido yane waqhte, hido yamaato le waqhte, inkoh sinim kinni, 23atin lel Masiix mara kitin, Masiix lel Yallih tiya kinni.

Currently Selected:

1 Korintos 3: SCC

Highlight

Copy

Compare