briv tsu di Yidn 11

kapitel elf

1emune ober iz der bitochen fun di zachn, oif velche men hoft, an ibertsaigung fun zachn, vos men zet nisht. 2vorem durch der doziker hoben di zkeinem bakumen an eides. 3durch emune zenen mir maseg, az di veltn zenen gemacht gevoren durch dem vort fun Hashem, azoi, az vos se vert gezen iz nisht gemacht gevoren fun dem, vos dershaint. 4durch emune hot Hevel makrev geven a beser korben tsu Hashem vi Kayin, durch velchen er hot derhalten an eides, az er iz a tsadik, ven Hashem hot eides gezogt oif zaine matonus; un durch velchen hagam er iz geshtorben redt er doch noch alts. 5durch emune iz Chanoch avekgenumen gevoren, az er zol nisht zen dem toit, un iz nisht gefunen gevoren, vail Hashem hot im avekgenumen; vorem eider er iz avekgenumen gevoren, hot er bakumen dos eides, az er iz geven voilgefelen tsu Hashem; 6on emune ober iz nisht meglech im voiltsugefelen; vail der, vos dernentert zich tsu Hashem muz gloiben, az er iz, un az er vet zain a goiml sachar tsu di, vos zuchen im. 7durch emune hot Noach, ven er iz gevorent gevoren fun Hashem benegeie zachn, vos men hot noch nisht gezen, mit yiras shomaim geboit a teva tsu rateven zain hoizgezind; durch velcher er hot farurteilt di velt un iz gevoren a yoiresh fun der tsedokes, vos iz fun emune. 8durch emune hot Avraham gehorcht, ven er iz gerufen gevoren, aroistsugein tsu an ort, vos er hot gezolt bakumen far a yerushe; un iz aroisgegangen, nisht visendik, vuahin er geit. 9durch emune hot er zich oifgehalten in dem land fun der havtachah vi a fremder in a fremd land, voinendik in getseltn mit Yitschakn un Yaakovn, di mityoreshim fun der zelbiker havtachah; 10vorem er hot gehoft oif der shtot, vos hot feste yesoides, vemes architekt un boimaister iz Hashem. 11durch emune hot oich Sarah bakumen di kraft trogendik tsu veren un tsu geboiren, hagam zi hot shoin gehat dergreicht a tife elter, vail zi hot gehalten, az der, vos hot tsugezogt, iz bagloibt; 12als poiel yoitse zenen oich fun einem, shoin kimat a toiten, geboiren gevoren azoi fil, vi di mase shteren fun himel un vi dos zamd baim breg yam—nisht tsum ibertseilen. (Bereshis 22:17) 13zei ale zenen geshtorben in gloiben un hoben nisht bakumen di havtoches, nor bloiz zei gezen fundervaitns, un zich gefreidt mit zei, un hoben moide geven, az zei (alein) zenen fremde un vanderer oif der erd. 14vorem di, vos zogen azelches, machen klor, az zei zuchen a heimland. 15un volten zei in zinen gehat yents land, fun velchen zei zenen aroisgegangen, volten zei gehat genug gelegenheit zich tsuriktsukeren. 16zei bageren ober itst a besers, dos heist a himlish (land); tsulib vos Hashem shemt zich nisht mit zei, gerufen tsu veren zeier G‑t; vorem er hot tsugegreit far zei a shtot.

17durch emune hot Avraham makrev geven Yitschakn, ven er iz oisgepruvt gevoren; der, vos hot ongenumen di havtoches, hot gebrengt tsu (der Akedah) zain Ben Yochid; 18tsu vemen es iz gezogt gevoren: in Yitschakn vet dir gerufen veren zomen; 19rechenendik, az Hashem iz imshtand im oiftsveken oich fun di toite; funvanen er hot im take tsurikbakumen bederech moshal. 20durch emune hot oich Yitschak gebentsht Yaakovn un Esau vegen tsukunftike zachn. 21durch emune hot Yaakov baim shtarben gebentsht yedn fun Yosefs zin, un zich gebukt, (ongelent) oifen kop fun zain shteken (targum hashivim). 22durch emune hot Yosef baim shtarben dermont di kinder Yisroel fun zeier aroisgein (fun Mitsrayim); un zei bafoilen vegen zaine beiner.

23durch emune iz Moshe bahalten gevoren fun zaine elteren drai chadoshim lang, vail zei hoben gezen, az er iz a shein kind, un hoben zich nisht geshrokn far dem kenigs bafel. 24durch emune hot Moshe, ven er iz grois gevoren, zich opgezogt tsu heisen Pharaohs tochters zun, 25oisveilendik a sach liber tsu laiden mit Hashems folk, vi a hanoe tsu hoben oif a geviser tsait fun dem fargenign fun zind, 26haltendik di charpe funem Moshiach far a greser ashires vi di oitseres fun Mitsrayim, vail er hot geblikt oif der sachar fargeltung. 27durch emune hot er farlozt Mitsrayim, nisht shrekendik zich far dem kenigs grimtsoren; vorem er hot zich geshtarkt, vi er volt gezen im, vemes ponem men ken nisht zen. 28durch emune hot er gemacht dem Pesach un dos shpritsen dos blut, kedei der mashches fun di bikkurim zol zei nisht onriren. 29durch emune zenen zei aribergegangen dem yam sof, vi oif trukener erd, vos di Mitsrayim hoben farzucht un zenen dertrunken gevoren. 30durch emune zenen di moiern fun Yericho aingefalen, nochdem vi men hot zei arumgeringlt ziben teg. 31durch emune iz Rachav hazoine nisht umgekumen mit di umgloibike, vail zi hot oifgenumen di mergalim besholem. 32un vos noch zol ich zogen? vorem es vet mir felen tsait tsu dertseilen vegen Gid'on, Barak, Shimshon, Yiftach, Dovid un Shmuel un di neviim; 33velche hoben durch emune aingenumen kenigraichn, geton gerechtikeit, dergreicht havtoches, farshtopt di mailer fun leibn, 34oisgeloshen di kraft fun faier, antlofen fun der sharf fun der shverd, shtark gevoren fun shvachkeit, gevoren giboirim in milchome, gemacht fremde chaioles antloifen. 35froien hoben tsurikbakumen zeiere toite durch techiyas hameysim; un andere zenen gepainikt gevoren, nisht onnemendik kein bafrayung, kedei zei zolen dergreichen a beser techiyas hameysim; 36un andere zenen oisgepruvt gevoren durch shpot un shlek un oich durch keitn un tfise; 37zei zenen geshteinikt gevoren, oisgepruvt gevoren, durchgezegt gevoren, geshtorben dem toit fun der shverd, arumgegangen in shofen un in tsign fel, geven in noit, untergedrikt, shlecht bahandlt, 38vos di velt iz zei nisht vert geven; zei hoben geblondzhet in midboryes: un oif berg, in heilen un in di lecher fun der erd. 39un zei ale, vemen es iz gegeben gevoren an eides durch emune, hoben nisht mekabl geven di havtachah, 40vail Hashem hot foroisgezen epes besers far undz, kedei zei zolen nisht veren shleymesdik on undz.

Currently Selected:

briv tsu di Yidn 11: OYBCLATN

Highlight

Copy

Compare