Mathiơ 26
26
Klơi bơgĭt čiăng pơdjai lôi Yêsu
(Mak 14:1-2; Lŭk 22:1-2; Yôh 11:45-53)
1Tơl Yêsu pơhiăp klơi nŭn jr̂ŏng boih, nŭn ñu pơhiăp hr̂ŏm môt hyĕn tui ñu, 2ñu laĭ: «Gô-ih thâo kr̂ăn boih, dŏ dua r̂ơi dŏng tơl r̂ơi ƀŏng huă klơi gao,#An Biă 12:1-27; Juăt 16:1-8. nŭn r̂ăng ti mop lôi kâo Nă Mơnuih br̂ơi r̂ăng pŏng lôi mơ̆ng kơyâo pơkăl.»#An Mat 20:18-19.
3Pah anŭn môt tha ngă yang,#26:3 Môt tha ngă yang nŭn, hla hr̂ă Mathiơ mơ̆ng đim a čih mơ̆ng ngan pơanah čih thim laĭ: «Môt tha ngă yang wŏt môt gru pơto klơi juăt Môsê.» An Mak 14:1-2. dăp môt kŏng-tha sô̆n-sat Yuđa, gơñu pơtŭm gŏp gơñu#An Doh 2:2. ti lan sang khua ngă yang, anăn ƀŏ ñu Kaipha. 4Môt gơñu bơgĭt gŏp gơñu čiăng mă klĕ Yêsu, jr̂ŏng nŭn pơdjai lôi ñu. 5Plai dŏng, gơñu laĭ: «Anăm ngă plah-wah r̂ơi ƀŏng huă klơi gao ne ôh, huĭ nă plơi lan br̂al-ngal.»
Đahmơi ha r̂ăng tuh ia ƀâo hiam mơ̆ng kŏ Yêsu
(Mak 14:3-9; Yôh 12:1-8)
6Pah Yêsu dŏ mơ̆ng plơi Ƀetthani, tăm sang Simôn, pô djơ̆ r̂oh pah ahlâo, 7nŭn hmâo đahmơi ha r̂ăng mŭt r̂ai pơ Yêsu, ñu djă ba ia ƀâo hiam tăm get bohtâo, ia ƀâo nŭn hmâo kha dr̂ă jat, jr̂ŏng nŭn ñu tuh ia ƀâo hiam mơ̆ng kŏ Yêsu, pah ñu dŏ ƀŏng huă. 8Tơl môt hyĕn tui Yêsu ƀôh nĭng nŭn, bŭt gơñu hêl jat, gơñu laĭ: «Yua yĕt ih ngă pơhuač hla nŭn? 9Jơ̆ ih ba nao ƀuo lôi tô̆ len nŭn, ček br̂ơi mơnuih hin hiam hloh.» 10Plai Yêsu thâo mơ̆ng klơi nŭn, nŭn ñu pơhiăp hr̂ŏm gơñu: «Yua yĕt gô-ih hiăp thămlai lôi mŏ nĭng nŭn? Ñu ngă buă hiam br̂ơi kâo. 11Yua gô-ih hmâo mơnuih hin dŏ hr̂ŏm gô-ih nao-nao,#An Juăt 15:11. plai kâo dŏng, bĭ dŏ hr̂ŏm gô-ih hayoh ôh.#An Mat 9:15. 12Buă mŏ tuh ia ƀâo hiam mơ̆ng dr̂ơi-jĕn kâo hla ne, nŭn ñu met-set br̂ơi klơi a dŏl kâo. 13Kâo r̂ă br̂ơi gô-ih dơdi laĭ, tăm tăl-ƀăl lŏn kơnah, pơ ƀon pă a r̂ă r̂oi klơi phr̂âo hiam, nŭn r̂ăng ti r̂ă mơ̆ng buă mŏ ne ngă mơ̆n, čiăng bơdŏl glaĭ ñu.»
Pô mop lôi Yêsu
(Mak 14:10-11; Lŭk 22:3-6)
14Pah anŭn tăm môt hyĕn tui Yêsu pluh dua r̂ăng, hmâo ha r̂ăng, anăn ƀŏ ñu Yuđah Iskar̂iyô̆t,#An Mat 10:4. ñu nao pơ môt tha ngă yang, 15ñu kơña laĭ: «Jơ̆ kâo mop lôi Yêsu pơ gô-ih, nŏ yĕt gô-ih ti br̂ơi kâo lĕ?» Môt nŭn mă br̂ơi ñu len pr̂ăk klâo pluh kăk.#An Biă 21:32; Sak 11:12. 16Tô̆ mơ̆ng anŭn, Yuđah sem r̂ơi mông, čiăng mop Yêsu br̂ơi môt gơñu.
Yêsu ƀŏng huă klơi gao hr̂ŏm môt hyĕn tui ñu
(Mak 14:12-21; Lŭk 22:7-13, 21-23; Yôh 13:21-30)
17R̂ơi blŭng mơ̆ng r̂ơi nŭmpăng bĭ hmâo pơi,#An Biă 12:18-20. môt hyĕn tui r̂ai pơ Yêsu, gơñu kơña laĭ: «Ơ gru, pơ ƀon pă ih čiăng mơi pơkr̂a br̂ơi ih ƀŏng huă klơi gao?»#An Juăt 16:5-8. 18Yêsu til glaĭ: «Hmâo đahkơi ha r̂ăng tăm plơi Yêrusalĕm, br̂ơi gô-ih nao wŏ pơ ñu, r̂ă laĭ: “Gru, ñu laĭ hla ne, ‘Kâo ti ƀŏng huă klơi gao hr̂ŏm môt hyĕn tui kâo mơ̆ng sang ih, yua r̂ơi mông Ơi Adai pơkă br̂ơi kâo#An Yôh 13:1. jĕ tơl boih.’”» 19Nĭng nŭn yơh, môt hyĕn tui, gơñu ngă tui buă Yêsu pơđơi, jr̂ŏng nŭn gơñu pơkr̂a klơi ƀŏng huă klơi gao.
20Tơl klăm boih, Yêsu ƀŏng huă hr̂ŏm môt hyĕn tui ñu pluh dua r̂ăng. 21Pah gơñu dŏ ƀŏng huă, Yêsu pơhiăp laĭ: «Kâo r̂ă br̂ơi gô-ih dơdi laĭ, tăm môt gô-ih hmâo ha r̂ăng ti mop lôi kâo.» 22Nŭn môt hyĕn tui, gơñu hyŏk hơning kơtang jat, gr̂ư̆ gơñu kơña Yêsu lơi ha wŏt, lơi ha wŏt: «Ơ khua, djơ̆ kâo ah?» 23Yêsu til glaĭ: «Pô čeo nŭmpăng tăm pian hr̂ŏm kâo, pô nŭn yơh ti mop lôi kâo.#An Doh 41:9. 24Kâo Nă Mơnuih djơ̆ ti nao dơdi, hla ti a čih čr̂oh mơ̆ng kâo tăm hla pơhiăp Ơi Adai.#An Êsai 53:7-9. Plai dŏng, kơnap-tap yơh pô mop lôi kâo Nă Mơnuih! Pha laĭ a bĭ pơpôn r̂ai ñu, nŭn hiam hloh.» 25Pah anŭn Yuđah pô mop lôi Yêsu, kơña laĭ: «Ơ r̂aƀi!#26:25 R̂aƀi nŭn hiăp Hêbrơ čiăng laĭ «Gru.» Hiư̆m, djơ̆ kâo ah?» Yêsu til glaĭ: «Ih pô yơh laĭ!»
Klơi Yêsu ƀŏng bơgop
(Mak 14:22-26; Lŭk 22:14-20; 1Kô 11:23-25)
26Pah gơñu ƀŏng huă, Yêsu mă nŭmpăng bơni đĭ Ơi Adai, jr̂ŏng nŭn ñu wŏk pha br̂ơi môt hyĕn tui ñu, dăp laĭ: «Mă ƀŏng wŏ, ne dr̂ơi-jĕn kâo.» 27Tŏ tui dŏng, ñu mă kơčok bơni đĭ Ơi Adai, jr̂ŏng nŭn ñu pha br̂ơi môt gơñu dăp laĭ: «Br̂ơi bih gô-ih ñŭm wŏ mơ̆ng kơčok ne,#An 1Kô 10:16-17. 28yua ne dr̂ah kâo, “Dr̂ah ngă klơi bơgop bơnom”#Klơi ne tô̆ mơ̆ng Biă 24:8. [phr̂âo]#26:28 Hla hr̂ă Mathiơ hađăp jat mơ̆ng đim a čih mơ̆ng ngan bĭ hmâo ôh boh hiăp phr̂âo. Hla hr̂ă dơdơi iă pơanah hmâo, pơanah bĭ hmâo. An Lŭk 22:20 . Ơi Adai kă čr̂oh hr̂ŏm nă plơi lan ñu, dr̂ah kâo yơh tuh br̂ơi mơnuih lô-lĭn, čiăng klaih lôi klơi glaĭ gơñu.#An Yêr 31:31-34. 29Kâo r̂ă br̂ơi gô-ih, tô̆ mơ̆ng ane nao pơ năp kâo bĭ ñŭm pai boh ƀâo ne dŏng tah, khă tơl r̂ơi Ma kâo ngă pơtao wai-lăng mơ̆ng lŏn kơnah, nŭn kâo ti ñŭm pai boh ƀâo phr̂âo hr̂ŏm gô-ih.» 30Nŭn gơñu če bơni Ơi Adai lŭč ha r̂oh boih, jr̂ŏng nŭn gơñu biă nao pơ kŏ čĭ Ôliw.
Yêsu r̂ă thâo hlâo mơ̆ng klơi Pêtrôih ti hơngah ñu
(Mak 14:27-31; Lŭk 22:31-34; Yôh 13:36-38)
31Pah anŭn Yêsu pơhiăp hr̂ŏm gơñu: «Mlăm ne gô-ih ti lôi r̂aih lôi kâo, yua tăm hla pơhiăp Ơi Adai a čih čr̂oh hlâo laĭ: “Kâo ti teh pô čiă triw, jr̂ŏng nŭn phung triw ti kơpr̂ah br̂u-br̂a.”#Klơi ne tô̆ mơ̆ng Sak 13:7. 32Plai dŏng, dơdơi mơ̆ng Ơi Adai bơdĭp glaĭ kâo, kâo ti nao pơ Galilê hlâo gô-ih.»#An Mat 28:16-17. 33Pêtrôih laĭ: «Wŏt bih-tih mơnuih lôi r̂aih lôi ih ơ mơ̆n, plai kâo bĭ lôi r̂aih lôi ih ôh.» 34Yêsu pơhiăp glaĭ pơ ñu: «Kâo r̂ă br̂ơi ih dơdi laĭ, klăm ne hlâo nŭ ka djŏ, ih ti hơngah lôi kâo klâo wŏt.»#An Mat 26:75. 35Pêtrôih til glaĭ pơ ñu: «Wŏt kâo djai hr̂ŏm ih ơ mơ̆n, kâo bĭ hơngah lôi ih ôh!» Jr̂ŏng nŭn bih môt hyĕn tui Yêsu, gơñu hiăp hla nŭn mơ̆n.
Yêsu iâo-laĭ tăm suŏn Getsêmani
(Mak 14:32-42; Lŭk 22:39-46)
36Jr̂ŏng nŭn Yêsu nao hr̂ŏm môt hyĕn tui ñu, tơl pơ ƀon ha boh a iâo Getsêmani, nŭn Yêsu pơhiăp hr̂ŏm gơñu, ñu laĭ: «Dŏ ben ha ane hŏ, gon kâo nao iâo-laĭ pơ dih.» 37Nŭn ñu jak Pêtrôih, dăp nă Sêƀêđê dua r̂ăng#An Mat 4:21. nao hr̂ŏm ñu. Pah anŭn bŭt Yêsu ngot-hơning dăp hyŏk kơtang jat. 38Jr̂ŏng nŭn ñu pơhiăp hr̂ŏm gơñu, ñu laĭ: «Bŭt kâo ngot-hơning kơtang jat#An Doh 42:5-6. iă ti djai, br̂ơi dŏ gok ha ane hr̂ŏm kâo wŏ.» 39Pah Yêsu bat nao pơ năp ha sĕt, ñu bon kô̆p ƀŏ ñu pơ kơnah, jr̂ŏng nŭn iâo-laĭ: «Ơ Ma kâo! Pha laĭ kơčok#26:39 Kơčok ne Yêsu hiăp pơyap mơ̆ng klơi ñu ti tô̆ klơi kơnap-tap mơ̆ng kơyâo pơkăl. An Êsai 51:17; Mat 20:22. ne thâo gao lôi kâo, br̂ơi gao lôi wŏ. Plai anăm tui bŭt-tai kâo ôh, br̂ơi tui hloi bŭt-tai ih čiăng.» 40Jr̂ŏng nŭn Yêsu wŏt glaĭ pơ môt hyĕn tui ñu, ƀôh gơñu dŏ pĕt. Nŭn ñu pơhiăp hr̂ŏm Pêtrôih: «Hiư̆m, gô-ih bĭ anăm ĕñ ôh dŏ gok hr̂ŏm kâo ha mông đơč? 41Br̂ơi dŏ gok iâo-laĭ wŏ, gô-ih huai lĕ mơ̆ng klơi long-lăng,#26:41 Jơ̆ ta laĭ klơi long-lăng lơ ta laĭ «Klơi plui,» dua tô̆ nŭn djơ̆ Krĭk soh-sel. An Mat 6:13 . yua bŭt hăt jat, plai dr̂ơi-jĕn dơdu.» 42Yêsu nao iâo-laĭ ti dua dŏng: «Ơ Ma kâo, pha laĭ klơi ne bĭ thâo gao lôi kâo ôh, br̂ơi wŏ kâo ñŭm djơ̆ tui bŭt-tai ih čiăng.»#An Mat 6:10. 43Tơl Yêsu wŏt glaĭ, ñu ƀôh môt hyĕn tui ñu dŏ pĕt dŏng, yua săl ta gơñu bĭ anăm blang tah. 44Nŭn ñu biă đuĕ mơ̆ng môt gơñu ha wŏt dŏng, dăp iâo-laĭ ti klâo, pơhiăp hla ti nŏ đăp mơ̆n. 45Jr̂ŏng nŭn, ñu glaĭ r̂ai pơ môt hyĕn tui ñu, dăp laĭ gơñu: «Hiư̆m, gô-ih dŏ pĕt, dŏ bơdơi dŏng lĕ? Ep wŏ, mông a pơkă jĕ ti tơl yơh, kâo Nă Mơnuih r̂ăng ti mop br̂ơi pơ ngan mơnuih hmâo klơi glaĭ. 46Gŭ wŏ! Nah ta, nao bĕ! Ep, pô mop lôi kâo r̂ai jĕ ti tơl boih.»
R̂ăng mă Yêsu
(Mak 14:43-50; Lŭk 22:47-53; Yôh 18:3-12)
47Pah Yêsu dŏ nŏng pơhiăp, nŭn Yuđah tơl r̂ai, ñu pô hyĕn tui ha r̂ăng tăm môt pluh dua r̂ăng nŭn mơ̆n. Ñu ba r̂ai mơnuih lô-lĭn djă đao djă klŏ. Bih gơñu nŭn, môt tha ngă yang dăp môt kŏng-tha sô̆n-sat Yuđa pơđơi r̂ai. 48Pô mop lôi Yêsu, ñu r̂ă thâo hlâo hla ne: «Ơi pă kâo čô̆m, ơi nŭn yơh, gô-ih mă ñu hŏ!» 49Yuđah r̂ai tăñ pơ Yêsu, ñu laĭ: «Ơ r̂aƀi,#An Mat 26:25. ih ak-oi mơ̆n?» Jr̂ŏng nŭn ñu čô̆m Yêsu. 50Yêsu pơhiăp hr̂ŏm Yuđah, ñu laĭ: «Ơ jiăng, ih r̂ai čiăng ngă nŏ yĕt, br̂ơi ih ngă nŏ nŭn wŏ!» Jr̂ŏng nŭn môt mơnuih lô nŭn r̂ai mă Yêsu. 51Pah anŭn hmâo ha r̂ăng tăm môt dŏ hr̂ŏm Yêsu, ñu suă đĭ đao, koh hlŭn khua ngă yang ha r̂ăng, djơ̆ amăng ngai ñu, tĕ lôi hĕ. 52Pah anŭn Yêsu pơhiăp hr̂ŏm ñu: «Jek glaĭ đao ih tăm r̂ŭm ñu wŏ, yua mơnuih pă djă đao, ñu ti djai yua mơ̆ng đao mơ̆n. 53Hiư̆m, ih khư̆t laĭ, kâo bĭ thâo ôh dueh mơ̆ng Ma kâo, br̂ơi ñu pơđơi môt ling-jang lô hloh mơ̆ng pluh dua phung#26:53 Tơhan Rôm ha phung hmâo năm bâo r̂ăng. r̂ai dŏng kâo tăñ?#An 2Pơtao 6:17. 54Jơ̆ ngă nĭng nŭn, hiư̆m mơ̆ng thâo bơjr̂ŏng lôi hla hr̂ă Ơi Adai pơhiăp laĭ, klơi ne ti hmâo dơdi?» 55Mơ̆ng mông nŭn Yêsu pơhiăp nao pơ mơnuih bơlô nŭn, ñu laĭ: «Hiư̆m, kâo ne mơnuih yô pŭn r̂ăng ah, gô-ih mơ̆ng r̂ai mă kâo, djă đao djă klŏ nĭng nŭn? R̂ĭm r̂ơi kâo dŏ ben pơto tăm lan sang yang, plai gô-ih bĭ mă kâo le. 56Plai dŏng, bih buă ne r̂ai čiăng bơjr̂ŏng lôi hla hr̂ă môt ba pơhiăp Ơi Adai.» Pah anŭn môt hyĕn tui, bih gơñu klaih lôi Yêsu, jr̂ŏng nŭn gơñu đuĕ dŏp.#An Mat 26:31.
Môt tha ngă yang tr̂ĕ kơđi Yêsu
(Mak 14:53-65; Lŭk 22:54-55, 63-71; Yôh 18:13-14, 19-24)
57Jr̂ŏng nŭn môt mă Yêsu ba nao ñu pơ Kaipha, khua ngă yang. Pơ anŭn môt gru pơto klơi juăt Môsê, dăp môt kŏng-tha pơtŭm gŏp gơñu mơ̆ng ƀon nŭn. 58Pêtrôih bat tui klon Yêsu mơ̆ng taih, khă tơl pơ lan sang khua ngă yang, jr̂ŏng nŭn ñu mŭt nao ben hr̂ŏm môt gak, čiăng thâo buă nŭn tơl pơ nŭč ñu ti jr̂ŏng hiư̆m pă. 59Gah môt tha ngă yang dăp môt khua tr̂ĕ kơđi, gơñu sem mơnuih pơhaih ƀlơl mơ̆ng Yêsu, čiăng pơdjai lôi ñu, 60plai dŏng, gơñu sem bĭ ƀôh klơi glaĭ Yêsu ôh, wŏt hmâo mơnuih lô r̂ai pơhaih ƀlơl ơ mơ̆n.#An Doh 27:12. Tơl pơ nŭč ñu, hmâo mơnuih dua r̂ăng#An Juăt 19:15. mŭt r̂ai, 61gơñu r̂ă laĭ: «Pô ne laĭ: “Kâo thâo bơr̂ăm lôi sang yang, jr̂ŏng nŭn bơdŏng glaĭ mơ̆ng klâo r̂ơi.”»#An Yôh 2:19. 62Pah anŭn khua ngă yang gŭ dŏ dŏng đĭ kơña Yêsu: «Hiư̆m pă lĕ, klơi môt mơnuih ne săl ih? Ih bĭ hmâo ôh, klơi til glaĭ?» 63Yêsu dŏ đŏng khĭm.#An Êsai 53:7. Nŭn khua ngă yang pơđơi ñu: «Br̂ơi ih r̂ă đĭ tŏng wŏ ti năp Ơi Adai Yang Hơdĭp! Pha laĭ ih Yang Krih Nă Ơi Adai dơdi,#An Mat 4:3. nŭn r̂ă br̂ơi mơi he wŏ.» 64Yêsu til glaĭ pơ ñu: «Ih pô yơh laĭ. Plai kâo r̂ă br̂ơi gô-ih, tô̆ mơ̆ng ane nao pơ năp, gô-ih ti ƀôh kâo Nă Mơnuih dŏ ben gah nuă Pô Kơtang Myang, dăp r̂ai ngŏ kơthŭl gơnăm mơ̆ng adai dih.»#An Doh 110:1; Đan 7:13; Mat 16:27; 24:30. 65Pah anŭn khua ngă yang hek lôi ao ñu pô, dăp r̂ă laĭ: «Pô ne hiăp pơmat Ơi Adai yơh! Hiư̆m ta dŏ yong čiăng hmâo mơnuih r̂ă pơhaih dŏng ah? Nêne gô-ih hmĭ pô ne hiăp pơmat boih. 66Gô-ih khư̆t hiư̆m pă?» Gơñu til glaĭ: «Pô ne găl djai yơh!»#An Lêwi 24:16. 67Pah anŭn r̂ăng kơčuh ia bah mơ̆ng ƀŏ Yêsu, dăp sŭk ñu. Mơnuih pơanah dŏng pah meng ñu,#An Êsai 50:6. 68dăp laĭ: «Ơ Yang Krih, laĭ lăng koh, lơi teh ih?»
Pêtrôih hơngah Yêsu
(Mak 14:66-72; Lŭk 22:56-62; Yôh 18:15-18, 25-27)
69Mông nŭn Pêtrôih dŏ ben ti lan sang. Hmâo đahmơi hlŭn ha r̂ăng r̂ai pơ Pêtrôih, ñu laĭ: «Ih he mơ̆n dŏ hr̂ŏm Yêsu nă plơi Galilê!» 70Plai Pêtrôih, ñu hơngah ti năp mơnuih bih nŭn, ñu laĭ: «Kâo bĭ thâo kr̂ăn nŏ yĕt ih hiăp ôh!» 71Tơl Pêtrôih biă mơ̆ng anŭn nao pơ bah amăng jang, hmâo đahmơi hlŭn ha r̂ăng dŏng ƀôh ñu, dăp r̂ă br̂ơi môt dŏ ha anŭn, ñu laĭ: «Pô ne dŏ hr̂ŏm Yêsu nă plơi Nasaret.» 72Ñu hơngah ha wŏt dŏng, ñu laĭ: «Kâo hiăp sĭt dơdi noh! Kâo bĭ thâo kr̂ăn mơnuih nŭn ôh.» 73Dơdơi mơ̆ng anŭn ha ƀiă, môt dŏ ha anŭn nao pơ Pêtrôih, gơñu laĭ: «Dơdi yơh, ih gŏp gơñu mơ̆n, yua hmĭ ih hiăp, mơi thâo jel boih.» 74Jr̂ŏng nŭn Pêtrôih hơkat dăp tŏm-tĕ ñu pô, ñu laĭ: «Kâo bĭ thâo kr̂ăn mơnuih nŭn ôh!» Nŭn nŭ djŏ đĭ ha anŭn he boih. 75Pêtrôih kơčăng glaĭ klơi Yêsu pơhiăp laĭ: «Hlâo nŭ ka djŏ, ih ti hơngah lôi kâo klâo wŏt.»#An Mat 26:34. Nŭn ñu biă đuĕ dăng hia ñi kr̂aih.
Currently Selected:
Mathiơ 26: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.