Mathiơ 25
25
Klơi pơyap mơ̆ng dr̂a pluh r̂ăng
1«Pah anŭn, klơi Ơi Adai wai-lăng pơyap hla ti dr̂a pluh r̂ăng,#25:1 Dr̂a pluh r̂ăng nŭn gŏp juăt dr̂a ha r̂ăng ti dŏ kơi. Dr̂a pluh r̂ăng nŭn dŏ gon tơkă nă dăm ti dŏ bơnai, jr̂ŏng nŭn čông ñu nao pơ sang ƀŏng huă klơi dŏ kơi bơnai. djă phui đeng nao tơkă nă dăm ti dŏ bơnai. 2Tăm môt dr̂a nŭn hmâo ma r̂ăng pơtŏ, ma r̂ăng lơgơi. 3Pah dr̂a pơtŏ djă ba phui đeng, gơñu bĭ tr̂ing pơhlom ba pr̂êng ôh. 4Plai gah môt dr̂a lơgơi dŏng, gơñu djă ba phui đeng, dăp tr̂ing pơhlom ba pr̂êng čr̂oh mơ̆ng get čai gơñu mơ̆n. 5Tơl nă dăm kaih r̂ai, bih môt gơñu pĕt gui.#An 1Thês 5:6. 6Tơl iăl mlăm gơñu hmĭ r̂ăng iâo hr̂ek laĭ: “Ep, nă dăm, ñu tơl r̂ai yơh! Nao tơkă ñu wŏ!” 7Bih dr̂a nŭn bơdih đĭ, jr̂ŏng nŭn gơñu pơkr̂a phui đeng gơñu pô. 8Dr̂a pơtŏ pơhiăp hr̂ŏm dr̂a lơgơi, gơñu laĭ: “Pha br̂ơi mơi pr̂êng gô-ih pơanah he wŏ, yua phui đeng mơi iă ti bơdăm boih.” 9Plai dr̂a lơgơi laĭ: “Bĭ ôh, huĭ bĭ klăp mơi pô dăp môt gô-ih he mơ̆n. Br̂ơi gô-ih nao blơi pr̂êng gô-ih pô pơ sang a ƀuo wŏ.” 10Pah môt gơñu nao blơi pr̂êng, nă dăm tơl r̂ai, jr̂ŏng nŭn môt dr̂a pr̂ăp lôi hlâo lơdjĕt, gơñu mŭt hr̂ŏm nă dăm nao ƀŏng huă klơi bơdŏ kơi bơnai, jr̂ŏng nŭn r̂ăng kr̂ĭ lôi amăng klĕp. 11Dơdơi mơ̆ng anŭn, dr̂a pơtŏ tơl r̂ai mơ̆n, jr̂ŏng nŭn gơñu iâo: “Ơ khua, ơ khua! Pih br̂ơi mơi bah amăng he wŏ!” 12Plai nă dăm til glaĭ: “Kâo r̂ă br̂ơi gô-ih dơdi laĭ, kâo bĭ thâo kr̂ăn gô-ih ôh.”»#An Mat 7:22-23. 13Jr̂ŏng nŭn Yêsu laĭ dŏng: «Nĭng nŭn mơ̆n, br̂ơi gô-ih dŏ kr̂ăp wŏ, yua gô-ih bĭ thâo r̂ơi mông nŭn ôh#25:13 Gô-ih bĭ thâo r̂ơi mông nŭn ôh nŭn, hla hr̂ă Mathiơ mơ̆ng đim a čih mơ̆ng ngan pơanah čih thim laĭ: «Gô-ih bĭ thâo r̂ơi mông ôh kâo Nă Mơnuih ti tơl r̂ai.» An Mat 24:44 . .»#An Mat 24:42, 44, 50.
Klơi pơyap mơ̆ng khua mop br̂ơi len hlŭn ñu
(Lŭk 19:11-27)
14«Klơi Ơi Adai wai-lăng pơyap hla ti đahkơi ha r̂ăng jiăm ñu ti biă yô čal pơkŏn, nŭn ñu iâo môt hlŭn, čiăng mop čr̂oh dr̂ăm-gơnăm br̂ơi gơñu. 15Ñu br̂ơi len ha r̂ăng ma bâo kăk, ha r̂ăng dŏng dua bâo kăk, dăp ha r̂ăng dŏng ha bâo kăk,#25:15 Ma bâo kăk, dua bâo kăk, ha bâo kăk, nŭn Krĭk laĭ, «Ma kăk Đalăn, dua kăk Đalăn, ha kăk Đalăn.» Ha kăk Đalăn dơmô kha a ngă buă 20 thŭn. ñu br̂ơi gơñu ha r̂ăng ha r̂ăng tui buă gơñu anăm ngă. Nŭn ñu biă đuĕ. 16Pô tô̆ ma bâo, ñu mă len kăk biă nao sem ƀŏng tăñ, jr̂ŏng nŭn ñu hmâo kơmlai ma bâo dŏng. 17Pô tô̆ dua bâo, ñu ngă hla nŭn mơ̆n, hmâo kơmlai dua bâo dŏng. 18Plai pô tô̆ ha bâo, ñu biă nao klơi kơnah dŏl lôi len kăk khua ñu. 19Wĭ r̂ơi mơ̆ng anŭn, khua môt hlŭn nŭn, ñu wŏt glaĭ, jr̂ŏng nŭn ñu khư̆t glaĭ len mơ̆ng môt gơñu. 20Pah anŭn pô tô̆ len ma bâo kăk djă r̂ai ma bâo dŏng, ñu laĭ: “Ơ khua! Ih mop br̂ơi kâo ma bâo. Ne ep wŏ, kâo kơmlai ma bâo dŏng.” 21Khua ñu pơhiăp hr̂ŏm ñu: “Ơ hlŭn hiam dăp kơpă! Ih ngă hiam yơh! Yua ih ngă kơpă mơ̆ng dr̂ăm sĕt-mĕt, nŭn yơh kâo ti bơdŏ br̂ơi ih wai-lăng dr̂ăm lô dŏng.#An Mat 24:45-47. Mŭt r̂ai mơ-ak hr̂ŏm khua ih wŏ.” 22Pô tô̆ len dua bâo kăk ñu mŭt r̂ai mơ̆n, ñu laĭ: “Ơ khua! Ih mop br̂ơi kâo dua bâo. Ne ep wŏ, kâo kơmlai dua bâo dŏng.” 23Khua ñu pơhiăp hr̂ŏm ñu: “Ơ hlŭn hiam dăp kơpă! Ih ngă hiam yơh! Yua ih ngă kơpă mơ̆ng dr̂ăm sĕt-mĕt, nŭn yơh kâo ti bơdŏ br̂ơi ih wai-lăng dr̂ăm lô dŏng. Mŭt r̂ai mơ-ak hr̂ŏm khua ih wŏ.” 24Dơdơi mơ̆ng anŭn, pô tô̆ len ha bâo kăk, ñu mŭt r̂ai mơ̆n, ñu laĭ: “Ơ khua, kâo thâo kr̂ăn ih mơnuih tăng-nĭng, ih yuă pơ ƀon ih bĭ jŭ, ih pơƀô̆ pơ ƀon ih bĭ jai. 25Yua nŭn yơh, kâo huĭ, kâo tô̆ len ih ba nao dŏl lôi tăm kơnah. Hĕ, tô̆ glaĭ len ih ne wŏ.” 26Plai khua ñu laĭ: “Ơ hlŭn set dăp alah! Ih thâo kr̂ăn laĭ kâo yuă pơ ƀon kâo bĭ jŭ, kâo pơƀô̆ pơ ƀon kâo bĭ jai. 27Jơ̆ nĭng nŭn, yua yĕt ih bĭ ba nao len kâo pơ mơnuih bơblĭ len#25:27 Mơnuih bơblĭ len nŭn Khme laĭ “អ្នកចងការ.” lĕ? Nŭn kâo ti tô̆ glaĭ len kâo hr̂ŏm kha kơmlai ñu mơ̆n. 28Nĭng nŭn yơh, br̂ơi gô-ih tô̆ glaĭ wŏ len mơ̆ng pô ne, jr̂ŏng nŭn mop br̂ơi pô hmâo ha mưn dŏng. 29Yua lơi hmâo boih, a ti br̂ơi thim dŏng, nŭn ñu ti hmâo lơbeh-lơbai. Lơi pô bĭ hmâo, wŏt nŏ yĕt ñu hmâo, nŭn a ti tô̆ glaĭ mơ̆n.#An Mat 13:12; Lŭk 8:18. 30Plai hlŭn bĭ hmâo kha ne, ba nao glŏm lôi ñu gah wang tăm ƀon kơnăm-hyeng, pơ anŭn ti hmâo klơi čŏk hia dăp kĕ gơi.”»#An Mat 8:12; 22:13.
Klơi tr̂ĕ kơđi bih-tih sô̆n-sat
31«Tơl kâo Nă Mơnuih r̂ai mơ̆ng klơi gơdr̂ih-gơdr̂ŏng kâo, dăp bih môt ling-jang kâo r̂ai hr̂ŏm mơ̆n, nŭn kâo ti dŏ ben mơ̆ng gr̂e pơtao gơdr̂ih-gơdr̂ŏng kâo.#An Mat 16:27; 19:28. 32Gr̂ư̆ sô̆n-sat ti r̂ai pơtŭm gŏp gơñu gah năp kâo, nŭn kâo ti pơklah pơpha gơñu dua gah,#An Mat 13:49. hla ti pô čiă čĭm pơklah pơpha triw mơ̆ng be. 33Kâo ti čr̂oh triw gah nuă, be dŏng gah djao. 34Pah anŭn kâo pơtao ti pơhiăp nao pơ môt mơnuih dŏ gah nuă: “Ơ bih mơnuih Ma kâo br̂ơi klơi nŭk-nua! Mŭt r̂ai tô̆ klơi Ơi Adai wai-lăng wŏ, klơi nŭn yơh dr̂ăm pơđŏk gô-ih Ơi Adai pr̂ăp čr̂oh br̂ơi, tô̆ mơ̆ng phŭn Ơi Adai bơjr̂ŏng lŏn kơnah. 35Yua pah kâo lơpa gô-ih pha br̂ơi kâo hnă ƀŏng, pah kâo mơhao gô-ih pha br̂ơi kâo ia ñŭm, pah kâo mơnuih tuai gô-ih hăp tô̆ kâo, 36pah kâo dŏ blŭn gô-ih pha br̂ơi kâo hnă buh, pah kâo wă gô-ih r̂ai kơña-bla kâo, pah kâo djơ̆ khŭk gô-ih r̂ai čuă kâo mơ̆n.”#An Êsai 58:6-7; Yak 1:27. 37Pah anŭn môt mơnuih kơpă ti kơña kâo: “Ơ Khua Yang! Pah bêl mơi ƀôh ih lơpa, jr̂ŏng nŭn pha br̂ơi ih hnă ƀŏng, lơ ƀôh ih mơhao, jr̂ŏng nŭn pha br̂ơi ih ia ñŭm? 38Pah bêl mơi ƀôh ih mơnuih tuai, jr̂ŏng nŭn hăp tô̆ ih, lơ ƀôh ih dŏ blŭn, nŭn pha br̂ơi ih hnă buh? 39Pah bêl mơi ƀôh ih wă lơ djơ̆ khŭk, jr̂ŏng nŭn nao kơña-bla ih?” 40Jr̂ŏng nŭn kâo pơtao ti pơhiăp nao pơ gơñu: “Kâo r̂ă br̂ơi gô-ih dơdi laĭ, pah gô-ih ngă br̂ơi mơnuih anĕt hloh tăm môt yŏng dơi kâo ne, nŭn gô-ih ngă br̂ơi kâo boih.”#An Mat 10:40-42. 41Jr̂ŏng nŭn, kâo ti pơhiăp nao pơ môt mơnuih dŏ gah djao: “Ơ mơnuih Ơi Adai hơtŏm! Đuĕ taih mơ̆ng kâo wŏ,#An Mat 7:23. mŭt nao tăm phui ƀŏng nao-nao hayoh, ƀon a pơkr̂a čr̂oh khua yang set dăp môt ling-jang tui ñu mơ̆n! 42Yua pah kâo lơpa gô-ih bĭ pha br̂ơi kâo hnă ƀŏng, pah kâo mơhao gô-ih bĭ pha br̂ơi kâo ia ñŭm, 43pah kâo mơnuih tuai gô-ih bĭ hăp tô̆ kâo, pah kâo dŏ blŭn gô-ih bĭ pha br̂ơi kâo hnă buh, pah kâo wă dăp djơ̆ khŭk gô-ih bĭ r̂ai kơña-bla kâo le.” 44Pah anŭn gơñu ti til glaĭ: “Ơ Khua Yang! Pah bêl mơi ƀôh ih lơpa lơ mơhao, lơ ih mơnuih tuai, lơ ih dŏ blŭn, lơ ih wă lơ djơ̆ khŭk, jr̂ŏng nŭn mơi bĭ dŏng ih?” 45Jr̂ŏng nŭn, kâo ti pơhiăp nao pơ gơñu: “Kâo r̂ă br̂ơi gô-ih dơdi laĭ, pah gô-ih bĭ ngă br̂ơi mơnuih anĕt hloh tăm môt yŏng dơi kâo ne, nŭn gô-ih bĭ ngă br̂ơi kâo le.” 46Jr̂ŏng nŭn, môt mơnuih set nŭn ti tô̆ klơi tr̂ĕ kơđi kơnap-tap nao-nao hayoh, plai gah môt mơnuih kơpă dŏng, gơñu ti mŭt tăm klơi hơdĭp nao-nao hayoh.»#An Đan 12:2; Kal 6:8.
© 2024, Wycliffe Bible Translators, Inc.