Mathiơ 27
27
R̂ăng ba nao Yêsu pơ ơi Pilat
(Mak 15:1; Lŭk 23:1-2; Yôh 18:28-32)
1Tơl dih guah, môt tha ngă yang, dăp môt kŏng-tha sô̆n-sat Yuđa, bih gơñu bơgĭt gŏp gơñu, čiăng pơdjai lôi Yêsu. 2R̂ăng čă Yêsu ba nao mop br̂ơi pơ ơi Pilat, khua tr̂ing mơ̆ng Yuđa.#An Mat 20:19.
Yuđah pơdjai ñu pô
(Buă 1:18-19)
3Tơl Yuđah pô mop lôi Yêsu, ñu ƀôh r̂ăng tr̂ĕ kơđi ti pơdjai lôi Yêsu, nŭn ñu uah kơtang jat. Ñu tô̆ len pr̂ăk klâo pluh kăk,#An Mat 26:14-15. ba glaĭ pơ môt tha ngă yang dăp môt kŏng-tha, 4wŏt pơhiăp laĭ: «Kâo ngă glaĭ yơh, yua kâo mop lôi dr̂ah mơnuih kơpă.» Gơñu til glaĭ: «Yĕt ti djơ̆ pơ mơi lĕ? Kơđi ne kơđi ih pô đơč!» 5Ñu glŏm lôi len pr̂ăk nŭn tăm sang yang, jr̂ŏng nŭn ñu biă đuĕ, nao r̂ot pô ñu.#An Buă 1:18-19. 6Nŭn môt tha ngă yang dôñ len pr̂ăk nŭn dăp pơhiăp laĭ: «Len pr̂ăk ne ta bĭ hmâo sĭt čr̂oh tăm hip a pơyŏl ôh, yua len pr̂ăk ne kha dr̂ah mơnuih.»#An Juăt 23:18. 7Tơl gơñu bơgĭt gŏp gơñu jr̂ŏng boih, nŭn gơñu tô̆ len pr̂ăk ba nao blơi hua pô man gŏ, čr̂oh ƀon a dŏl tâo môt sô̆n-sat pơkŏn. 8Yua nŭn yơh r̂ăng mơ̆ng iâo hua nŭn laĭ «Hua dr̂ah» khă tơl r̂ĭm r̂ơi ne. 9Buă nŭn čiăng bơjr̂ŏng lôi klơi pơhiăp Yêrêmie, pô ba pơhiăp Ơi Adai, ñu r̂ă čr̂oh hlâo laĭ: «Gơñu tô̆ len pr̂ăk klâo pluh kăk, len pr̂ăk nŭn yơh nă čo Israel pơkă čr̂oh kha ti blơi mơnuih nŭn, 10jr̂ŏng nŭn, gơñu tô̆ len pr̂ăk ba nao blơi hua pô man gŏ, hla ti Khua Yang pơtă br̂ơi kâo.»#Klơi ne tô̆ mơ̆ng Sak 11:12-13.
Ơi Pilat kơña Yêsu
(Mak 15:2-5; Lŭk 23:3-5; Yôh 18:33-38)
11Mông nŭn Yêsu dŏ dŏng gah năp Pilat khua tr̂ing, nŭn Pilat kơña ñu: «Hiư̆m, ih pơtao nă plơi lan Yuđa ah?»#An Mat 2:2. Yêsu til glaĭ: «Ih pô yơh laĭ.» 12Plai dŏng, pah môt tha ngă yang dăp môt kŏng-tha săl Yêsu, nŭn ñu bĭ til glaĭ ôh. 13Pah anŭn Pilat kơña ñu: «Hiư̆m, ih bĭ hmĭ ôh, dơm klơi gơñu săl ih?» 14Dơm klơi gơñu săl Yêsu, wŏt ha kho Yêsu bĭ til glaĭ le,#An Mat 26:62-63. nŭn yơh ngă br̂ơi khua tr̂ing tuêl kơtang jat.
Pilat kơña «Ƀaraƀah lơ Yêsu?»
(Mak 15:6-15; Lŭk 23:13-25; Yôh 18:39—19:16)
15R̂ĭm thŭn, tơl r̂ơi ƀŏng huă klơi gao, khua tr̂ing juăt pih lôi mơnuih djơ̆ khŭk ha r̂ăng, mơnuih pă nă plơi lan hăt. 16Pah anŭn, hmâo mơnuih djơ̆ khŭk ha r̂ăng a i ñu mơnuih ngă set jat, a iâo ñu Ƀaraƀah.#27:16 Hla hr̂ă Mathiơ mơ̆ng đim a čih mơ̆ng ngan pơanah laĭ «Ƀaraƀah Yêsu,» pơanah dŏng laĭ ha tô̆ «Ƀaraƀah»đơč. «Ƀaraƀah» djơ̆ phung, «Yêsu» djơ̆ ƀŏ. Mơ̆ng nôk nŭn hmâo mơnuih lô a iâo ƀŏ «Yêsu.» 17Tơl gơñu pơtŭm gŏp gơñu boih, nŭn Pilat kơña gơñu: «Hiư̆m, gô-ih čiăng kâo pih br̂ơi gô-ih pô lơi, Ƀaraƀah, lơ Yêsu a iâo Yang Krih?» 18Pilat kơña hla nŭn yua ñu thâo kr̂ăn laĭ, môt gơñu mop Yêsu pơ ñu, yua gơñu nač. 19Pah ñu dŏ ben ƀon tr̂ĕ kơđi, bơnai ñu pơđơi r̂ăng nao r̂ă thâo ñu: «Anăm ngă kơđi nŏ yĕt hr̂ŏm mơnuih kơpă nŭn ôh, yua guah ne kâo lơpơi ƀôh mơ̆ng ñu, ngă br̂ơi kâo kơnap-tap jat.» 20Plai môt tha ngă yang dăp môt kŏng-tha, gơñu pơsôl nă plơi lan dueh pih lôi Ƀaraƀah, gah Yêsu dŏng, pơdjai lôi. 21Khua tr̂ing pơhiăp nao pơ gơñu ha wŏt dŏng, ñu laĭ: «Tăm môt dua r̂ăng ne, lơi gô-ih čiăng kâo pih lôi?» Gơñu til glaĭ: «Ƀaraƀah.» 22Pilat kơña gơñu: «Jơ̆ nĭng nŭn, gô-ih čiăng kâo ngă hiư̆m pă hr̂ŏm Yêsu a iâo Yang Krih ne?» Bih gơñu til glaĭ: «Pŏng lôi ñu pơ kơyâo pơkăl wŏ» 23Pilat kơña gơñu: «Hiư̆m? Buă yĕt ñu ngă set?» Plai gơñu ôl đĭ jai kơtang tui: «Pŏng lôi ñu pơ kơyâo pơkăl wŏ!»
Pilat mop Yêsu br̂ơi r̂ăng pŏng lôi ñu pơ kơyâo pơkăl
24Tơl Pilat ƀôh laĭ, ñu bĭ thâo ngă nŏ yĕt dŏng tah, dăp iă ti hmâo klơi seo-gơñeo, nŭn ñu tô̆ ia r̂ao ngan ñu, ti năp nă plơi lan, ñu pơhiăp laĭ: «Kơđi ne kơđi gô-ih pô đơč,#An Mat 27:4. kâo bĭ đom mơ̆ng dr̂ah mơnuih ne ôh.»#An Juăt 21:6-9. 25Bih nă plơi lan til glaĭ: «Ai mơi wŏ dăp nă čo mơi, lăp đom dr̂ah ñu.»#An Mat 23:35-36; Buă 5:28. 26Pah anŭn Pilat klaih lôi Ƀaraƀah br̂ơi gơñu, jr̂ŏng nŭn pơđơi r̂ăng buăt Yêsu mơ̆ng wĕ bơdŭl,#An Êsai 50:6; 53:5. dăp mop br̂ơi r̂ăng pŏng lôi ñu pơ kơyâo pơkăl.
Môt tơhan hiăp pơmat Yêsu
(Mak 15:16-20; Yôh 19:2-3)
27Pah anŭn môt tơhan khua tr̂ing ba nao Yêsu mŭt tăm kơđông tơhan, dăp pơtŭm bih môt tơhan#27:27 Môt tơhan nŭn hmâo 600 r̂ăng. r̂ai dŏ jŭm dăl Yêsu. 28Gơñu toh lôi khô ao Yêsu, jr̂ŏng nŭn tô̆ ao phyông myah bơbuh br̂ơi ñu, 29jr̂ŏng nŭn gơñu guang jr̂ơi tuă br̂ơi mơ̆ng kŏ ñu hla ti muôk pơtao, dăp tô̆ gai tr̂ang čr̂oh br̂ơi mơ̆ng ngan nuă ñu, jr̂ŏng nŭn gơñu tŏ ŭt ti năp ñu, dăp hiăp pơmat laĭ: «Bon kơkuh ih, ơi pơtao nă plơi lan Yuđa!»#An Êsai 53:3. 30Gơñu kơčuh ia bah mơ̆ng Yêsu, dăp mă glaĭ gai tr̂ang mơ̆ng ngan ñu, teh kŏ ñu. 31Jr̂ŏng gơñu hiăp pơmat Yêsu jr̂ŏng boih, nŭn gơñu toh lôi ao phyông, jr̂ŏng nŭn bơbuh glaĭ khô ao ñu pô, nŭn ba nao ñu, ti pŏng lôi mơ̆ng kơyâo pơkăl.#An Êsai 53:7.
R̂ăng pŏng lôi Yêsu
(Mak 15:21-32; Lŭk 23:26-43; Yôh 19:17-27)
32Pah gơñu biă nao, gơñu pŏ đahkơi plơi Kirên ha r̂ăng, anăn ƀŏ ñu Simôn, gơñu bơgŏ ñu glăm br̂ơi kơyâo pơkăl Yêsu. 33Tơl gơñu tr̂uh pơ ƀon a iâo «Gôlgôtha,» čiăng laĭ «Čĭ klang kŏ,» 34nŭn gơñu tô̆ ia pai boh ƀâo lŭk hr̂ŏm ia phĭ br̂ơi Yêsu ñŭm,#An Doh 69:21. tơl ñu yah lăng, ñu git ñŭm dŏng tah. 35Jr̂ŏng a pŏng lôi ñu pơ kơyâo pơkăl boih, gơñu mă snôt ček pơpha gŏp gơñu khô ao Yêsu#27:35 Hla hr̂ă Mathiơ mơ̆ng đim a čih mơ̆ng ngan pơanah čih thim pơ nŭč jlan ne laĭ: «Buă ne čiăng bơjr̂ŏng lôi klơi pô ba pơhiăp Ơi Adai r̂ă čr̂oh hlâo laĭ: “Gơñu ček pơpha gŏp gơñu hnă buh kâo, dăp mă snôt tô̆ khô ao kâo.”» An Yôh 19:24..#An Doh 22:18. 36Jr̂ŏng nŭn gơñu dŏ ben gak Yêsu pơ anŭn. 37Ngŏ kŏ Yêsu gơñu pŏng hơđang a čih mơ̆ng kơđi r̂ăng phong ñu: «Pô ne anăn ƀŏ ñu Yêsu, ñu pơtao nă plơi lan Yuđa.»
38Pah anŭn r̂ăng pŏng mơnuih klĕ dua r̂ăng mơ̆ng kơyâo pơkăl jĕ hr̂ŏm ñu mơ̆n,#An Êsai 53:12. ha r̂ăng gah nuă, ha r̂ăng gah djao. 39Bih mơnuih bat găn ha anŭn, gơñu hiăp pơmat Yêsu dăp tah kŏ,#An Doh 22:7; 109:25. wŏt pơhiăp laĭ: 40«Ơ pô bơr̂ăm lôi sang yang dăp bơdŏng glaĭ mơ̆ng klâo r̂ơi!#An Mat 26:61; Yôh 2:19. Br̂ơi pơklaih ŏng pô wŏ! Jơ̆ ŏng nă Ơi Adai dơdi,#An Mat 4:6. tr̂ŭn mơ̆ng kơyâo pơkăl wŏ.» 41Môt tha ngă yang dăp môt gru pơto klơi juăt Môsê wŏt môt kŏng-tha, gơñu hiăp pơmat ñu hla nŭn mơ̆n, gơñu laĭ: 42«Ñu pơklaih br̂ơi r̂ăng, plai ñu bĭ thâo pơklaih ñu pô ôh. Ñu pơtao čal Israel! Br̂ơi ñu tr̂ŭn mơ̆ng kơyâo pơkăl wŏ, nŭn ta mơ̆ng ngư̆ ñu! 43Ñu hơ-ĭn Ơi Adai. Pha laĭ Ơi Adai čiăng ñu, br̂ơi Ơi Adai pơklaih ñu wŏ!#Klơi ne tô̆ mơ̆ng Doh 22:8. Yua ñu pơhiăp laĭ: “Kâo nă Ơi Adai.”» 44Mơnuih klĕ dua r̂ăng a pŏng lôi gơñu jĕ hr̂ŏm Yêsu mơ̆ng kơyâo pơkăl, gơñu hiăp pơmat Yêsu hla nŭn mơ̆n.
Yêsu djai
(Mak 15:33-41; Lŭk 23:44-49; Yôh 19:28-30)
45Tô̆ mơ̆ng yang r̂ơi dŏng, tơl pơ mông klâo jĕ klăm, adai kơnăm-hyeng gom lôi bih čal nŭn.#An Êmôh 8:9. 46Ai-ñu wang mông klâo, Yêsu iâo đĭ kr̂aih, ñu laĭ: «Êli êli! Lama saƀăčthani?» Čiăng laĭ: «Ơ Ơi Adai kâo, ơ Ơi Adai kâo! Yua yĕt ih klaih lôi kâo?»#Klơi ne tô̆ mơ̆ng Doh 22:1. 47Hmâo mơnuih pơanah dŏ dŏng jĕ ha anŭn hmĭ nĭng nŭn, gơñu laĭ: «Pô ne iâo ơi Êliya boih!» 48Hmâo đahkơi ha r̂ăng, đuĕ nao tăñ tô̆ pông, ñŭk tăm ia pai săm, nŭn pŏn mơ̆ng gai pơyŏl đĭ čiăng Yêsu iăp.#An Doh 69:21. 49Plai mơnuih pơanah dŏng hiăp laĭ: «Gon ƀơĭ, ep lăng Êliya r̂ai pơklaih ñu mơ̆n thâo!» 50Yêsu iâo đĭ kr̂aih ha wŏt dŏng, jr̂ŏng nŭn ñu tĕ pr̂an. 51Pah anŭn he boih, seng a păng tăm sang yang,#An Biă 26:31-33. tơhek mơ̆ng ngŏ tr̂uh pơ yô̆, jr̂ŏng dua blah, lŏn kơnah pơpĭ tơtăl wŏt bohtâo dŭt-dŭt mơ̆ng kơnah kơđang klah lôi mơ̆ng gŏp ñu mơ̆n, 52pơsat pŏk đĭ, wŏt tâo mơnuih lơgoh hiam#27:52 Mơnuih lơgoh hiam nŭn pơhiăp mơ̆ng mơnuih ngư̆ Ơi Adai. djai mơ̆ng đim lô dĭp glaĭ, 53jr̂ŏng nŭn biă đuĕ mơ̆ng pơsat. (Dơdơi mơ̆ng Yêsu dĭp glaĭ, môt lơgoh hiam nŭn mŭt tăm plơi Yêrusalĕm plơi lơgoh hiam, pơƀôh br̂ơi mơnuih lô ƀôh.) 54Plai khua tơhan, dăp môt tơhan dŏ gak Yêsu, tơl gơñu ƀôh lŏn kơnah pơpĭ tơtăl, dăp bih buă biă r̂ai nĭng nŭn, gơñu huĭ kơtang jat, dăp pơhiăp laĭ: «Pô ne nă Ơi Adai dơdi yơh!» 55Ti ha anŭn, hmâo đahmơi lô dŏ ep mơ̆ng taih, bih đahmơi nŭn juăt bat tui Yêsu mơ̆ng Galilê, yua gơñu ngă br̂ơi buă Yêsu.#An Lŭk 8:1-3. 56Tăm môt đahmơi nŭn, hmâo Mari plơi Mađala, hr̂ŏm Mari mĭ Yakô̆p Yôsep, wŏt bơnai Sêƀêđê.#27:56 Bơnai Sêƀêđê nŭn Krĭk laĭ «Mĭ môt nă đahkơi Sêƀêđê.» An Mat 20:20.
Klơi a dŏl Yêsu
(Mak 15:42-47; Lŭk 23:50-56; Yôh 19:38-42)
57Tơl jĕ klăm hmâo đahkơi bơdr̂ŏng ha r̂ăng tơl r̂ai, ñu nă plơi Arimathê, anăn ƀŏ ñu Yôsep, ñu mơnuih hyĕn tui Yêsu mơ̆n. 58Ñu nao pơ Pilat dueh tâo Yêsu. Jr̂ŏng nŭn Pilat pơđơi r̂ăng mop tâo nŭn pơ ñu. 59Yôsep mă tâo pŏn mơ̆ng jiă tih hiam, 60jr̂ŏng nŭn ñu pơđih tâo tăm pơsat phr̂âo, pơsat nŭn ñu phă čr̂oh lôi hlâo. Nŭn ñu bơglŭng bohtâo dŭt ha boh kr̂ĭ lôi bah amăng pơsat, jr̂ŏng nŭn ñu glaĭ. 61Mari plơi Mađala dăp Mari mĭ Yakô̆p Yôsep, gơñu dŏ ben gah năp pơsat.
Môt tơhan gak pơsat
62Ha r̂ơi dơdơi dŏng (djơ̆ r̂ơi Saƀat#27:62 R̂ơi Saƀat, Khme laĭ r̂ơi “សៅរ៍.” R̂ơi Saƀat nŭn Krĭk laĭ «R̂ơi dơdơi mơ̆ng r̂ơi a met-set.» R̂ơi a met-set djơ̆ r̂ơi “សុក្រ.”), môt tha ngă yang dăp môt Pharasi r̂ai pơtŭm gŏp gơñu ti năp Pilat, 63gơñu laĭ: «Ơ khua, môt mơi dŏ čăm klơi pô ƀlơl nŭn hiăp pah ñu dŏ dĭp, ñu laĭ: “Kloh klâo r̂ơi, kâo ti dĭp glaĭ dŏng.”#An Mat 16:21; 17:23; 20:19. 64Nĭng nŭn yơh, dueh mơ̆ng ih pơđơi r̂ăng nao gak pơsat nŭn, khă tơl r̂ơi ti klâo, huĭ môt hyĕn tui ñu nao klĕ tô̆ tâo,#27:64 Klĕ tô̆ tâo nŭn, hla hr̂ă Mathiơ mơ̆ng đim a čih mơ̆ng ngan pơanah čih thim laĭ: «Klĕ tô̆ tâo mŏt mlăm.» An Mat 28:13. jr̂ŏng nŭn gơñu ti r̂ă br̂ơi nă plơi lan: “Ñu dĭp glaĭ mơ̆ng môt djai boih.” Jơ̆ nĭng nŭn, klơi ƀlơl dơdơi ne ti set hloh mơ̆ng ahlâo dŏng.» 65Pilat pơhiăp nao pơ gơñu: «Gô-ih tô̆ wŏ môt tơhan gak,#27:65 Jơ̆ ta laĭ gô-ih tô̆ wŏ môt tơhan gak lơ ta laĭ «Gô-ih hmâo boih môt tơhan gak,» dua tô̆ nŭn djơ̆ Krĭk soh-sel. br̂ơi gơñu nao gak gơnĭt, tui gô-ih thâo.» 66Nĭng nŭn yơh, gơñu nao hr̂ŏm môt tơhan gak, čĕ kơnăl lôi bah amăng pơsat,#27:66 Čĕ kơnăl lôi bah amăng pơsat čiăng laĭ gơñu tô̆ wĕ lơ lŏn lơ lĭn, čĕ mơ̆ng bohtâo tăm bah amăng pơsat nŭn, čiăng thâo kr̂ăn laĭ jơ̆ r̂ăng mŭt tăm pơsat, nŏ a kơnăl nŭn ñu ti pliw lôi mơ̆ng blŭng. čiăng thâo mơnuih mŭt klĕ.
© 2024, Wycliffe Bible Translators, Inc.