Mathiơ 18
18
Lơi pr̂ŏng hloh?
(Mak 9:33-37; Lŭk 9:46-48)
1Pah anŭn môt hyĕn tui r̂ai pơ Yêsu, gơñu kơña laĭ: «Lơi pr̂ŏng hloh mơ̆ng r̂ăng tăm môt mơnuih Ơi Adai wai-lăng?» 2Yêsu iâo r̂ai nă muai, mă čr̂oh br̂ơi ñu dŏ dŏng tŏng-kr̂ah môt gơñu, 3dăp pơhiăp laĭ: «Kâo r̂ă br̂ơi gô-ih dơdi laĭ, jơ̆ gô-ih bĭ pơlih bŭt-tai, hla ti bŭt-tai nă muai, nŭn gô-ih bĭ thâo mŭt tăm klơi Ơi Adai wai-lăng ôh.#An Doh 131:1-2. 4Nĭng nŭn yơh, lơi pơtr̂ŭn ñu pô hla ti nă muai ne, ñu nŭn pr̂ŏng hloh mơ̆ng r̂ăng tăm môt mơnuih Ơi Adai wai-lăng.#An Mat 20:27; 23:11-12. 5Lơi pô hăp tô̆ nă muai hla ne mơ̆ng ƀŏ kâo, nŭn ñu hăp tô̆ kâo boih.»#An Mat 10:40, 42.
Kơnap-tap yơh mơnuih ba br̂ơi r̂ăng ngă glaĭ
(Mak 9:42-48; Lŭk 17:1-2)
6«Plai dŏng, lơi pô ba br̂ơi mơnuih anĕt ha r̂ăng mơ̆ng môt ngư̆ kâo ne ngă glaĭ, hiam hloh br̂ơi r̂ăng tô̆ sô̆ng bohtâo dŭt kă mơ̆ng tơkoi ñu, jr̂ŏng nŭn ba nao tă lôi ñu tăm ia sĭ.#An 1Kô 8:9-13. 7Kơnap-tap yơh mơnuih mơ̆ng lŏn kơnah, yua hmâo klơi plui ba gơñu ngă glaĭ. Klơi plui nŭn tŏng ti hmâo, plai dŏng, kơnap-tap yơh, lơi pô plui r̂ăng.
8«Jơ̆ laĭ le ngan ih ba ih ngă glaĭ, nŭn čŏng glŏm lôi mơ̆ng ih wŏ. Pha laĭ ih hmâo ngan ha gah le ha gah đơč, mŭt nao tăm klơi hơdĭp, nŭn hiam hloh mơ̆ng ih hmâo ngan dua gah le dua gah, a ti glŏm lôi ih tăm phui ƀŏng nao-nao. 9Jơ̆ laĭ săl ta ih ha gah ba ih ngă glaĭ, khuĕk glŏm lôi wŏ. Pha laĭ ih hmâo săl ta ha gah đơč, mŭt nao tăm klơi hơdĭp, nŭn hiam hloh mơ̆ng ih hmâo săl ta dua, a ti glŏm lôi ih tăm wal phui.»#An Mat 5:29-30.
Klơi pơyap mơ̆ng triw ñă
(Lŭk 15:3-7)
10«Lơwăng hŏ, anăm ngă bơjr̂ăp ha r̂ăng mơ̆ng môt mơnuih anĕt ne ôh. Yua kâo r̂ă br̂ơi gô-ih, mơ̆ng adai dih, hmâo môt ling-jang ep-lăng#18:10 Môt ling-jang ep-lăng nŭn Krĭk bĭ hmâo boh hiăp «Ep-lăng» ôh, Krĭk laĭ «Môt ling-jang gơñu» đơč. môt mơnuih anĕt ne, ling-jang nŭn ƀôh ƀŏ Ma kâo kơtă-kơtă dŏ mơ̆ng adai dih.#An Buă 12:15. 11[Yua kâo Nă Mơnuih r̂ai čiăng dŏng mơnuih ñă].»#18:11 Hla hr̂ă Mathiơ hađăp jat mơ̆ng đim a čih mơ̆ng ngan bĭ hmâo ôh jlan 11 ne. Hla hr̂ă dơdơi iă pơanah hmâo, pơanah bĭ hmâo. An Lŭk 19:10 . 12«Pha laĭ đahkơi ha r̂ăng hmâo triw ha tuh, jr̂ŏng nŭn hmâo triw ha dr̂ơi wĕč-wŏl, yĕt ñu ti ngă? Ñu ti klaih lôi triw duapăn pluh duapăn dr̂ơi mơ̆ng kŏ čĭ, jr̂ŏng nŭn ñu ti bat yô sem triw wĕč-wŏl nŭn. Hiư̆m, bĭ djơ̆ ôh? 13Jơ̆ ñu ƀôh triw nŭn, kâo r̂ă br̂ơi gô-ih dơdi laĭ, ñu ti mơ-ak mơ̆ng triw nŭn hloh mơ̆ng triw duapăn pluh duapăn dr̂ơi bĭ wĕč-wŏl nŭn dŏng. 14Hla nŭn mơ̆n, Ơi Adai Ma gô-ih dŏ mơ̆ng adai dih, ñu bĭ čiăng ha r̂ăng mơ̆ng môt mơnuih anĕt ne ñă ôh.»
Ih ngă hiư̆m pă mơ̆ng mơnuih ngă glaĭ hr̂ŏm ih?
15«Pha laĭ hmâo yŏng dơi ha r̂ăng, ngă glaĭ hr̂ŏm ih, nŭn br̂ơi ih nao r̂ă pơto ñu ha dr̂ơi-jĕn ih hr̂ŏm ñu. Jơ̆ ñu hmĭ ih, nŭn ih ti hmâo glaĭ yŏng dơi ih.#An Lêwi 19:17; Kal 6:1; Yak 5:19-20. 16Jơ̆ ñu git hmĭ ih ôh, nŭn ih jak ba ha r̂ăng lơ dua r̂ăng dŏng nao hr̂ŏm ih, “Čiăng hmâo mơnuih dua klâo r̂ăng hmĭ hr̂ŏm, gô-ih mơ̆ng thâo jel gr̂ư̆ kơđi nŭn.”#Klơi ne tô̆ mơ̆ng Juăt 19:15. 17Pha laĭ ñu git hmĭ môt nŭn ôh, ba nao kơđi ne pơ môt sang jnŭm.#An 1Kô 6:1-6. Nŭn jơ̆ ñu bĭ hmĭ môt sang jnŭm le, nŭn yap ñu hla ti mơnuih sô̆n-sat pơkŏn lơ hla ti mơnuih tĭ puŏn.#An 1Kô 5:9-13; 2Thês 3:6, 14. 18Kâo r̂ă br̂ơi gô-ih dơdi laĭ, kơđi yĕt gô-ih kă mơ̆ng lŏn kơnah ne, nŭn Ơi Adai kă pơ adai dih boih, wŏt kơđi yĕt gô-ih kleh mơ̆ng lŏn kơnah ne, nŭn Ơi Adai kleh pơ adai dih mơ̆n.»#An Mat 16:19; Yôh 20:23. 19Ha tô̆ dŏng, kâo r̂ă br̂ơi gô-ih dơdi laĭ, tăm môt gô-ih pha laĭ hmâo dua r̂ăng mơ̆ng lŏn kơnah ne hmâo bŭt-tai ha tô̆ dueh nŏ yĕt mơ̆ng Ma kâo dŏ mơ̆ng adai dih, nŭn ñu ti ngă bơjr̂ŏng br̂ơi gô-ih he yơh. 20Yua ƀon pă hmâo dua klâo r̂ăng pơtŭm gŏp gơñu ing ƀŏ kâo, ƀon nŭn kâo dŏ hr̂ŏm môt gơñu mơ̆n.
Klaih lôi klơi glaĭ
21Pah anŭn Pêtrôih r̂ai pơ Yêsu dăp kơña laĭ: «Ơ khua, dơm wŏt kâo ti klaih br̂ơi yŏng dơi kâo, jơ̆ ñu ngă glaĭ hr̂ŏm kâo? Djơ̆ mơ̆n, gơi juh wŏt?» 22Yêsu til glaĭ pơ ñu: «Kâo r̂ă br̂ơi ih, bĭ djơ̆ juh wŏt đơč ôh, juh pluh juh wŏt dŏng.»
Klơi pơyap mơ̆ng hlŭn bĭ thâo pap
23«Hla nŭn, klơi Ơi Adai wai-lăng pơyap hla ti pơtao ha r̂ăng čiăng khư̆t glaĭ len hr̂ŏm môt hlŭn đom ñu. 24Pah pơtao dŏ khư̆t, nŭn r̂ăng ba r̂ai hlŭn ha r̂ăng đom len ơi pơtao kŏ lien kăk.#18:24 Kŏ lien kăk nŭn Krĭk laĭ «Ha mưn kăk Đalăn.» Ha kăk Đalăn dơmô kha a ngă buă 20 thŭn. 25Hlŭn nŭn bĭ hmâo len duh ôh, nŭn khua pơđơi r̂ăng ƀuo lôi ñu, dăp bơnai ñu, dăp nă ñu, wŏt bih dr̂ăm-gơnăm ñu hmâo, čiăng ba r̂ai duh nŏ ñu đom nŭn.#An 2Pơtao 4:1. 26Plai hlŭn nŭn tŏ ŭt bon kơkuh ti năp khua, ñu dueh alôm laĭ, “Ơ khua, ĕñ br̂ơi kâo he wŏ, kâo ti duh glaĭ gr̂ư̆ dơm kha kâo đom ih.” 27Khua nŭn hmâo bŭt-tai pap-dr̂ap ñu, nĭng nŭn ñu klaih lôi hlŭn nŭn, dăp lŏm lôi nŏ yĕt ñu đom he mơ̆n. 28Tơl hlŭn nŭn biă nao, ñu pŏ gop ñu ha r̂ăng, gop ñu nŭn ngă hlŭn hla ti ñu mơ̆n. Gop nŭn đom len ñu ha tuh kăk Đênari#18:28 Ha kăk Đênari nŭn, dơmô kha a ngă buă ha r̂ơi. đơč. Nŭn ñu mă ket tơkoi gop ñu dăp laĭ, “Duh glaĭ len ih đom kâo wŏ!” 29Nŭn gop ñu tŏ ŭt bon ti năp ñu dăp dueh alôm laĭ, “Ĕñ br̂ơi kâo he wŏ, kâo ti duh glaĭ ih.” 30Plai ñu bĭ phom ôh, dai ñu mă gop ñu ba nao čĕ khŭk, khă tơl ñu duh bih nŏ ñu đom ƀơĭ. 31Tơl gŏp ngă hlŭn hr̂ŏm ñu, gơñu ƀôh ñu ngă hla nŭn, bŭt gơñu hĭo-yua kơtang jat, nŭn jak gŏp gơñu nao r̂ă thâo br̂ơi khua gơñu gr̂ư̆ klơi nŭn. 32Jr̂ŏng nŭn khua ñu iâo r̂ai ñu, pơhiăp laĭ, “Ơ hlŭn set! Kâo lŏm lôi bih blao nŏ ih đom kâo, yua ih dueh alôm kâo. 33Hiư̆m, ih bĭ găl pap-dr̂ap br̂ơi gop ih ôh, hla ti kâo pap-dr̂ap br̂ơi ih?”#An Mat 6:12; Êph 4:32; Kôl 3:13. 34Khua hlŭn nŭn ñu hêl kơtang jat, ñu mă hlŭn nŭn ba nao br̂ơi r̂ăng ngă pơkơnap ñu, khă tơl ñu duh kloh nŏ ñu đom ƀơĭ. 35Nĭng nŭn mơ̆n, Ma kâo dŏ mơ̆ng adai dih, ñu ti ngă hr̂ŏm gô-ih hla nŭn mơ̆n, jơ̆ gô-ih bĭ klaih lôi yŏng dơi gô-ih bih bŭt-tai.»#An Mat 6:14-15; Yak 2:13.
Currently Selected:
Mathiơ 18: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.