Mathiơ 19
19
Klơi klaih kơi bơnai
(Mak 10:1-12)
1Tơl Yêsu pơhiăp bih klơi nŭn jr̂ŏng boih, nŭn ñu biă đuĕ mơ̆ng Galilê mŭt nao pơ Yuđa, hang gah dih hnoh ia Yuđăn. 2Hmâo mơnuih lô kĕt-keng jak gŏp gơñu tui nao Yêsu, pơ anŭn Yêsu ngă pơhuai br̂ơi klơi wă-nuă gơñu.
3Nŭn môt Pharasi nao kơña long-lăng Yêsu, gơñu laĭ: «Hiư̆m, tui klơi juăt Môsê, đahkơi hmâo sĭt mơ̆n klaih bơnai, yua mơ̆ng kơđi yĕt-yĕt ơ mơ̆n?» 4Yêsu til glaĭ: «Hiư̆m, gô-ih bĭ čăm ôh? Klơi gô-ih juăt an, pô bơjr̂ŏng mơnuih mơ̆ng blŭng, “Ñu bơjr̂ŏng gơñu đahkơi wŏt đahmơi.”#Klơi ne tô̆ mơ̆ng Phŭn 1:27. 5Nŭn ñu laĭ: “Yua nĭng nŭn yơh, đahkơi ti biă đuĕ mơ̆ng mĭ ma ñu pô, nao dŏ klep hr̂ŏm bơnai ñu, nŭn dua gơñu ti jr̂ŏng glaĭ sa dr̂ơi-jĕn.”#Klơi ne tô̆ mơ̆ng Phŭn 2:24. 6Nĭng nŭn yơh, gơñu bĭ djơ̆ dua r̂ăng dŏng tah, gơñu sa dr̂ơi-jĕn đơč. Hla nŭn, nŏ yĕt Ơi Adai bơgop br̂ơi boih, anăm br̂ơi mơnuih pơklah lôi ôh.» 7Nŭn môt Pharasi kơña ñu: «Jơ̆ nĭng nŭn, yua yĕt ơi Môsê pơtă br̂ơi r̂ăng čih hla hr̂ă klaih lôi bơnai, čiăng bơnai ñu biă đuĕ mơ̆ng ñu hla nŭn?»#An Juăt 24:1-4. 8Yêsu hiăp til glaĭ pơ gơñu: «R̂ai mơ̆ng gô-ih găng bŭt đơč, yua nŭn yơh Môsê mơ̆ng br̂ơi gô-ih klaih bơnai, plai mơ̆ng phŭn blŭng bĭ djơ̆ hla nŭn ôh. 9Kâo r̂ă br̂ơi gô-ih, lơi pô klaih bơnai (bơnai ñu bĭ djơ̆ mơnuih ngă tă-tăn ôh), jr̂ŏng nŭn ñu nao dŏ bơnai pơkŏn dŏng, ñu nŭn ngă kao kŏ yơh. [Lơi pô dŏ bơnai r̂ăng klaih, ñu nŭn ngă kao kŏ mơ̆n]#19:9 Lơi pô dŏ bơnai r̂ăng klaih ñu nŭn ngă kao kŏ mơ̆n nŭn hla hr̂ă Mathiơ hađăp jat mơ̆ng đim a čih mơ̆ng ngan bĭ hmâo ôh nŭč jlan ne. Hla hr̂ă dơdơi iă pơanah hmâo, pơanah bĭ hmâo. An Mat 5:32 . .»#An Mat 5:31-32; 1Kô 7:10-11. 10Nŭn môt hyĕn tui hiăp hr̂ŏm Yêsu, gơñu laĭ: «Jơ̆ đahkơi bĭ hmâo sĭt klaih bơnai hla nŭn, lôi dŏ bơnai hiam hloh.» 11Plai Yêsu hiăp til glaĭ: «Bĭ djơ̆ bih mơnuih ôh anăm ngă tui klơi gô-ih laĭ ne, ha tô̆ mơnuih Ơi Adai pha br̂ơi đơč thâo ngă. 12Yua hmâo mơnuih pơlao bĭ thâo dŏ bơnai biă r̂ai mơ̆ng čian mĭ ñu, mơnuih pơlao pơanah dŏng bĭ thâo dŏ bơnai r̂ai mơ̆ng r̂ăng pơkŏn pơčr̂ao lôi, dăp hmâo mơnuih pơanah ngă hla ti mơnuih pơlao, gơñu bĭ dŏ bơnai,#19:12 Mơnuih pơanah ngă hla ti mơnuih pơlao gơñu bĭ dŏ bơnai nŭn Krĭk laĭ «Hmâo mơnuih pơlao pơanah dŏng pơčr̂ao lôi ñu pô.» Klơi nŭn Yêsu hiăp pơyap mơ̆ng mơnuih git dŏ bơnai ôh yua čiăng ngă buă Ơi Adai. yua gơñu čiăng ngă buă klơi Ơi Adai wai-lăng. Lơi thâo tô̆ klơi ne, br̂ơi tô̆ wŏ.»#An 1Kô 7:7-9, 32.
Yêsu pha br̂ơi nă muai klơi nŭk-nua
(Mak 10:13-16; Lŭk 18:15-17)
13Jr̂ŏng nŭn r̂ăng ba r̂ai môt nă muai pơ Yêsu, čiăng Yêsu ah ngan iâo-laĭ br̂ơi gơñu, plai môt hyĕn tui Yêsu, gơñu khă môt nŭn. 14Nŭn Yêsu laĭ: «Br̂ơi nă muai r̂ai pơ kâo wŏ, anăm khă gơñu ôh, yua Ơi Adai ti wai-lăng mơnuih hmâo bŭt hla ti môt nă muai ne.»#An Mat 18:3. 15Yêsu ah ngan ngŏ môt nă muai nŭn, jr̂ŏng nŭn ñu biă đuĕ mơ̆ng anŭn.
Mơnuih bơdr̂ŏng kơña Yêsu
(Mak 10:17-31; Lŭk 18:18-30)
16Pah anŭn hmâo đahkơi ha r̂ăng r̂ai pơ Yêsu kơña laĭ: «Ơ gru, kâo ti ngă buă hiam yĕt, kâo mơ̆ng hmâo klơi hơdĭp nao-nao hayoh?» 17Yêsu til glaĭ: «Yua yĕt ih kơña kâo mơ̆ng buă yĕt hiam hla nŭn lĕ? Hmâo ha r̂ăng đơč hiam. Jơ̆ ih hăt mŭt tăm klơi hơdĭp, br̂ơi ih ngă tui klơi juăt Môsê pơtă wŏ.»#An Lêwi 18:5; Kal 3:11-12. 18Đahkơi nŭn kơña laĭ: «Klơi pơtă yĕt pơanah?» Yêsu pơhiăp laĭ, «Anăm pơdjai mơnuih ôh, anăm ngă kao kŏ, anăm klĕ, anăm r̂ă pơhaih ƀlơl ôh, 19pơpô̆ bơyom wŏ mĭ ma ih,#Klơi ne tô̆ mơ̆ng Biă 20:12-16. ha tô̆ dŏng, khăp wŏ mơnuih dŏ jŭm dăl ih kal ih khăp ih pô.»#Klơi ne tô̆ mơ̆ng Lêwi 19:18. 20Muai dăm nŭn laĭ glaĭ: «Kâo ngă tui bih klơi pơtă nŭn.#19:20 Kâo ngă tui bih klơi pơtă nŭn, hla hr̂ă Mathiơ mơ̆ng đim a čih mơ̆ng ngan pơanah čih thim laĭ: «Kâo ngă tui bih klơi pơtă nŭn mơ̆ng kâo dŏ muai.» An Mak 10:20 . Nŏ yĕt kâo dŏ kơƀah dŏng?» 21Yêsu til glaĭ: «Jơ̆ ih čiăng hiam tôm-tĕč,#An Mat 5:48. br̂ơi ih nao ƀuo lôi dr̂ăm-gơnăm ih, jr̂ŏng nŭn tô̆ len nŭn ček br̂ơi mơnuih hin, nŭn ih ti hmâo dr̂ăm-gơnăm a r̂ăk čr̂oh pơ adai dih.#An Mat 6:20-21. Jr̂ŏng nŭn ih pô đuĕ tui kâo wŏ.» 22Tơl muai dăm nŭn hmĭ nĭng nŭn, ñu hơning, yua ñu hmâo dr̂ăm-gơnăm lô jat, jr̂ŏng nŭn ñu biă đuĕ mơ̆ng Yêsu.
23Nŭn Yêsu pơhiăp hr̂ŏm môt hyĕn tui ñu, ñu laĭ: «Kâo r̂ă br̂ơi gô-ih dơdi laĭ, mơnuih bơdr̂ŏng kơnap jat ti mŭt tăm klơi Ơi Adai wai-lăng. 24Kâo r̂ă br̂ơi gô-ih dŏng laĭ, čĭm ôt mŭt tăm amăng jr̂ŭm, ƀôñ hloh mơ̆ng mơnuih bơdr̂ŏng mŭt tăm klơi Ơi Adai wai-lăng.» 25Tơl môt hyĕn tui hmĭ nĭng nŭn, gơñu khư̆t pliw tăm bŭt gơñu jat, gơñu laĭ: «Jơ̆ nĭng nŭn, lơi ti thâo tô̆ klơi pơklaih?» 26Yêsu ep nao pơ gơñu dăp pơhiăp laĭ: «Mơnuih bĭ anăm ngă buă ne ôh, plai Ơi Adai dŏng, ñu anăm ngă bih-tih buă.»#An Phŭn 18:14; Yôp 42:2.
27Pah anŭn Pêtrôih til glaĭ: «Ƀôh mơi, mơi klaih lôi bih nŏ yĕt-yĕt, đuĕ tui ih.#An Mat 4:18-22. Hla nŭn nŏ yĕt mơi ti hmâo?» 28Yêsu pơhiăp glaĭ: «Kâo r̂ă br̂ơi gô-ih dơdi laĭ, dơdơi kăl, kâo Nă Mơnuih ti dŏ ben mơ̆ng gr̂e pơtao gơdr̂ih-gơdr̂ŏng kâo, mơ̆ng lŏn kơnah a pơkr̂a glaĭ phr̂âo. Pah anŭn gô-ih môt đuĕ tui kâo, ti dŏ ben mơ̆ng gr̂e pơtao pluh dua boh mơ̆n, jr̂ŏng nŭn gô-ih ti tr̂ĕ br̂ơi kơđi pluh dua phung wang Israel.#An Mat 25:31; 1Kô 6:2; Pơƀôh 3:21; 20:4. 29Bih mơnuih klaih lôi sang ñu pô, yŏng dơi mai dơi, mĭ ma, nă-bă, dăp hua, yua ñu tui kâo,#19:29 Yua ñu tui kâo nŭn Krĭk laĭ «Yua ƀŏ kâo.» pô nŭn ti hmâo glaĭ sa jr̂ŏng ha tuh dŏng, wŏt ñu ti mă tô̆ klơi hơdĭp nao-nao hayoh jr̂ŏng dr̂ăm pơđŏk ñu he mơ̆n.#An Mat 6:33. 30Plai dŏng, lô mơnuih hlâo, ti jr̂ŏng glaĭ dơdơi, wŏt mơnuih dơdơi, ti jr̂ŏng glaĭ hlâo dŏng.»#19:30 Mơnuih hlâo pơyap mơ̆ng mơnuih a yap gơnĭt, mơnuih dơdơi pơyap mơ̆ng mơnuih a yap bĭ gơnĭt. An Mat 20:16.
© 2024, Wycliffe Bible Translators, Inc.