Mathiơ 11
11
1Tơl Yêsu pơtă br̂ơi môt hyĕn tui ñu pluh dua r̂ăng jr̂ŏng boih, nŭn ñu biă đuĕ mơ̆ng anŭn, nao pơto dăp yô r̂ă r̂oi pơ plơi pơkŏn-pơkŏn.
Yôhan Ƀatem pơđơi môt hyĕn tui ñu kơña Yêsu
(Lŭk 7:18-35)
2Pah ơi Yôhan Ƀatem dŏ tăm sang khŭk,#An Mat 14:3. ñu hmĭ gr̂ư̆ buă Yang Krih ngă, nŭn Yôhan pơđơi môt hyĕn tui ñu, nao kơña Yang Krih: 3«Hiư̆m, ih ne yơh, djơ̆ pô Ơi Adai uăn ti br̂ơi r̂ai?#An Doh 118:26; Yôh 11:27. Lơ mơi ti dŏ yong pô pơkŏn dŏng ah?» 4Yêsu pơhiăp til glaĭ: «Nao r̂ă br̂ơi Yôhan mơ̆ng nŏ yĕt gô-ih hmĭ, dăp nŏ yĕt gô-ih ƀôh, 5mơnuih bôm thâo ƀôh, mơnuih lơwen thâo bat, mơnuih djơ̆ r̂oh huai glaĭ hiam, mơnuih tr̂ĭl thâo hmĭ, mơnuih djai dĭp glaĭ, dăp mơnuih hin-hr̂ơĭ hmĭ a r̂ă r̂oi klơi phr̂âo hiam mơ̆n.#An Êsai 35:4-6; 61:1. 6Nŭk-nua yơh, mơnuih pă dŏ ngư̆ gơjăp bĭ dơdu bŭt mơ̆ng kâo.»
Yêsu i Yôhan Ƀatem
7Pah môt hyĕn tui Yôhan biă tr̂uh mơ̆ng anŭn, nŭn Yêsu r̂ă thâo mơ̆ng ơi Yôhan br̂ơi mơnuih lô dŏ jŭm dăl ñu, ñu laĭ: «Gô-ih biă nao ep nŏ yĕt pơ čol dơdang? Gô-ih nao ep phŭn tr̂ang gô nao r̂ai yua angĭn đơč ah? Bĭ ôh. 8Lơ gô-ih biă nao ep nŏ yĕt? Gô-ih nao ep mơnuih buh hnă hiam ah? Bĭ le. Ƀlŏng lăng wŏ! Mơnuih buh hnă hiam, gơñu dŏ tăm sang ơi pơtao đơč. 9Jơ̆ nĭng nŭn, yua yĕt gô-ih nao? Nao ep nŏ yĕt dŏng? Nao ep pô ba pơhiăp Ơi Adai ah? Djơ̆ yơh. Plai dŏng, kâo laĭ br̂ơi gô-ih, ñu bĭ djơ̆ ha tô̆ pô ba pơhiăp đơč ôh. Buă ñu ngă gơnĭt hloh mơ̆ng buă ñu ba pơhiăp Ơi Adai dŏng. 10Yôhan ne yơh djơ̆ a čih čr̂oh tăm hla pơhiăp Ơi Adai laĭ:
“Ep! Kâo pơđơi mơnuih kâo ha r̂ăng nao hlâo mơ̆ng ih,
Ñu ti pơkr̂a br̂ơi glan gah năp ih.”#Klơi ne tô̆ mơ̆ng Mal 3:1.
11Kâo r̂ă br̂ơi gô-ih dơdi laĭ, bih mơnuih a pơpôn r̂ai mơ̆ng lŏn kơnah, bĭ hmâo mơnuih lơi pr̂ŏng hloh mơ̆ng Yôhan Ƀatem ôh. Plai mơnuih anĕt hloh mơ̆ng r̂ăng, tăm môt mơnuih Ơi Adai wai-lăng, pô nŭn pr̂ŏng hloh mơ̆ng Yôhan dŏng. 12Tô̆ mơ̆ng nôk Yôhan Ƀatem tr̂uh pơ nêne, klơi Ơi Adai wai-lăng jai kơtang tui,#11:12 Jơ̆ ta laĭ klơi Ơi Adai wai-lăng jai kơtang tui lơ ta laĭ «R̂ăng bơgăng glaĭ klơi Ơi Adai wai-lăng mơ̆ng klơi khui ƀiah» dua tô̆ nŭn djơ̆ Krĭk soh-sel. plai dŏng mơnuih khui ƀiah čiăng sua tô̆ klơi Ơi Adai wai-lăng nŭn mơ̆n.#11:12 Jơ̆ ta laĭ mơnuih khui ƀiah čiăng sua tô̆ klơi Ơi Adai wai-lăng lơ ta laĭ «Mơnuih kiăng gơñu khŏm r̂ôn-r̂an mă tô̆ klơi Ơi Adai wai-lăng dơdi» dua tô̆ nŭn djơ̆ Krĭk soh-sel. 13Yua gr̂ư̆ môt ba pơhiăp Ơi Adai, dăp klơi juăt Môsê, bih klơi nŭn gơñu r̂ă čr̂oh hlâo tơl pơ nôk Yôhan mơ̆n. 14Jơ̆ gô-ih ngư̆, kâo r̂ă br̂ơi gô-ih, Yôhan nŭn yơh, ñu Êliya, pô ti r̂ai hlâo Yang Krih.#11:14 Malaki pô ba pơhiăp Ơi Adai r̂ă čr̂oh hlâo laĭ Êliya ti r̂ai hlâo mơ̆ng Yang Krih. An Mal 4:5; Mat 17:10-13 . 15Lơi hmâo amăng ngai, br̂ơi hmĭ wŏ!
16«Hiư̆m, kâo čiăng pơyap mơnuih nôk ne mơ̆ng nŏ yĕt? Mơnuih nôk ne pơyap hla ti nă muai dŏ ben wang ƀon a ƀuo, ôl nao r̂ai duă gŏp gơñu laĭ: 17“Mơi hyŭp đing dŏt#11:17 Đing dŏt Khme laĭ “ខ្លុយ.” br̂ơi gô-ih, plai gô-ih git suang ôh, mơi čŏk hia, plai gô-ih git kơ-ŭ-kơ-uăn le.” 18Yua Yôhan ñu r̂ai bĭ ƀŏng mơñŭm,#An Mat 3:4; Lŭk 1:15. gô-ih laĭ: “Ñu yang set ngă.” 19Gah kâo Nă Mơnuih r̂ai dăp ƀŏng dăp ñŭm, gô-ih laĭ: “Ep wŏ! Mơnuih ne khô ƀŏng dăp ga ñŭm pai, gŏp juăt ñu mơnuih tĭ puŏn hr̂ŏm mơnuih hmâo klơi glaĭ!”#An Mat 9:10-11. Plai klơi lơgơi dŏng, r̂ăng ti yap laĭ djơ̆, yua r̂ăng ƀôh buă ñu ngă.»
Kơnap-tap yơh plơi pă bĭ pơlih bŭt
(Lŭk 10:13-15)
20Jr̂ŏng nŭn Yêsu pơhiăp nao dr̂ă-dr̂ă pơ plơi pơkŏn-pơkŏn, yua gơñu ƀôh lô buă myang mơsêh Yêsu ngă, plai gơñu git pơlih bŭt-tai ôh. 21«Ơ plơi Kôrasin, ih kơnap-tap yơh! Ơ plơi Ƀêtsaiđa,#11:21 Nă plơi Kôrasin dăp nă plơi Ƀêtsaiđa gơñu sô̆n-sat Yuđa. Dua boh plơi nŭn dŏ mơ̆ng Galilê. An Lŭk 9:10 . ih kơnap-tap yơh! Jơ̆ plơi Tirôh dăp plơi Siđôn#11:21 Plơi Tirôh dăp plơi Siđôn plơi môt sô̆n-sat pơkŏn a i gơñu ngă set jat. Dua boh plơi nŭn dŏ jĕ Galilê. An Êsai 23:1-18; Êsê 28:2-24; Mat 15:21 . ƀôh buă myang mơsêh gô-ih ƀôh, nŭn gơñu ti pơlih bŭt-tai mơ̆ng đim yơh, wŏt buh jiă kơpâo dăp tô̆ pul ƀuoi mơ̆ng kŏ gơñu.#11:21 Mơ̆ng đim r̂ăng buh jiă kơpâo dăp tô̆ pul ƀuoi mơ̆ng kŏ čiăng pơƀôh mơ̆ng klơi kơ-ŭ-kơ-uăn. An Yôn 3:5-9 . 22Kâo r̂ă br̂ơi gô-ih, tơl r̂ơi tr̂ĕ kơđi, plơi Tirôh hr̂ŏm plơi Siđôn ti dơdu iă mơ̆ng gô-ih dŏng. 23Gah ih dŏng, ơ plơi Kapơnơ̆m!#11:23 Yêsu juăt dŏ pơ plơi Kapơnơ̆m. Plơi nŭn dŏ mơ̆ng ƀon Galilê. An Mat 4:13 . Hiư̆m, ih khư̆t laĭ, Ơi Adai ti pô̆ đĭ gô-ih pơ adai dih ah? Hmâo ôh! Ih ti tr̂ŭn nao pơ plơi tâo djai!#Klơi ne tô̆ mơ̆ng Êsai 14:13-15. Jơ̆ plơi Sôđô̆m#An Phŭn 19:24-28. ƀôh buă myang mơsêh ih ƀôh, plơi nŭn ti dŏ gơjăp hayoh khă tơl r̂ơi ne. 24Kâo r̂ă br̂ơi gô-ih, tơl r̂ơi tr̂ĕ kơđi, plơi Sôđô̆m ti dơdu iă mơ̆ng gô-ih dŏng.»
Yêsu bơni Ma ñu
(Lŭk 10:21-22)
25Pah anŭn Yêsu pơhiăp laĭ: «Ơ Ma, ih Khua mơ̆ng adai dih dăp lŏn kơnah he mơ̆n! Kâo bơni ih, yua ih bơdŏp bih klơi ne#11:25 Klơi ne čiăng laĭ klơi ñu pơto mơ̆ng klơi hơdĭp Yôhan dăp klơi ñu pơto mơ̆ng klơi Ơi Adai wai-lăng. An Mat 11:2-19 . mơ̆ng môt lơgơi dăp môt thâo kơđi, plai ih pơƀôh klơi nŭn br̂ơi mơnuih hmâo bŭt hla ti nă muai čiăng gơñu thâo kr̂ăn.#An Mat 13:11; 1Kô 1:26-29. 26Ơ Ma, djơ̆ yơh! Yua bŭt-tai ih čiăng hla ne yơh. 27Bih nŏ yĕt-yĕt Ma kâo mop br̂ơi kâo soh-sel. Bĭ hmâo lơi thâo kr̂ăn Nă, ha tô̆ Ma đơč thâo, wŏt bĭ hmâo lơi thâo kr̂ăn Ma le, hmâo ha tô̆ nă dăp môt mơnuih Nă čiăng pơƀôh br̂ơi gơñu thâo kr̂ăn Ma.»#An Yôh 1:18; 17:25-26.
28«Ơ bih mơnuih gleh dăp mơnuih gui tr̂ă! R̂ai pơ kâo wŏ, kâo ti br̂ơi gô-ih bơdơi.#An Biă 33:14. 29Glăm tô̆ ek koi kâo wŏ, dăp hyĕn mơ̆ng kâo, nŭn gô-ih ti hmâo klơi bơdơi tăm bŭt-tai,#An Yêr 6:16. yua kâo mơnuih thâo dŏ yô̆ wŏt bŭt ƀlôm.#An Sak 9:9; Phi 2:7-8. 30Yua ek koi kâo ƀôñ, dăp buă kâo djôl mơ̆n.»#An 1Yôh 5:3.
© 2024, Wycliffe Bible Translators, Inc.