Mathiơ 10
10
Môt hyĕn tui 12 r̂ăng
(Mak 3:13-19; Lŭk 6:12-16)
1Pah anŭn Yêsu iâo môt hyĕn tui ñu pluh dua r̂ăng, nŭn ñu br̂ơi gơñu hmâo sĭt kơtang thâo pơpŏl đuĕ yang set, dăp ngă pơhuai br̂ơi gr̂ư̆ klơi wă-nuă klơi kơnap-tap. 2Môt r̂ă tang Yêsu pluh dua r̂ăng nŭn,#An Buă 1:13. a iâo ƀŏ gơñu hla ne: Ti sa Simôn, a iâo ha tô̆ dŏng Pêtrôih, dăp Ŏndrê dơi ñu, wŏt nă Sêƀêđê a iâo Yakô̆p hr̂ŏm Yôhan dơi ñu, 3hmâo Philip dăp Ƀathôlômê, Thômah dăp Mathiơ pô tĭ puŏn, Yakô̆p nă Ălphai dăp Thađê,#10:3 Hla hr̂ă Mathiơ mơ̆ng đim a čih mơ̆ng ngan pơanah iâo Thađê, pơanah dŏng iâo «Lêƀê.» Ƀŏ dua tô̆ ne mơnuih ha r̂ăng đơč. 4Simôn môt Kanan#10:4 Môt Kanan nŭn čiăng laĭ môt dơgŭ glaĭ lŏn-ia Israel mơ̆ng sô̆n-sat Rôm. dăp Yuđah Iskar̂iyô̆t pô mop lôi Yêsu.#An Mat 26:14-16, 47; 27:3.
Môt 12 bat yô r̂ă r̂oi
(Mak 6:7-13; Lŭk 9:1-6)
5Môt pluh dua r̂ăng ne Yêsu pơđơi biă nao, wŏt pơtă laĭ: «Anăm nao pơ lŏn-ia môt sô̆n-sat pơkŏn, wŏt anăm mŭt tăm plơi môt sô̆n-sat Samari le.#An 2Pơtao 17:24. 6Br̂ơi gô-ih nao pơ phung triw ñă mơ̆ng plơi lan Israel hŏ.#An Yêr 50:6; Mat 15:24. 7Tơl gô-ih biă nao, br̂ơi r̂ă r̂oi laĭ, “Klơi Ơi Adai wai-lăng iă ti tơl boih.”#An Mat 3:2; 4:17. 8Ngă pơhuai mơnuih wă br̂ơi huai, r̂âo wŏ mơnuih djai br̂ơi dĭp glaĭ, wŏt ngă pơhuai mơnuih djơ̆ r̂oh br̂ơi hiam glaĭ, dăp pơpŏl đuĕ yang set br̂ơi biă mơ̆ng mơnuih. Gô-ih tô̆ mă đơč-đač, nŭn pha br̂ơi r̂ăng đơč-đač mơ̆n. 9Anăm yong sem maih, pr̂ăk, dăp len kăk teo ba tăm kơdjăng gô-ih ôh. 10Anăm djă ba gơdŭng wŏt ao dua blah, anăm djă klĭ juă hr̂ŏm gai jr̂a ôh, yua mơnuih ngă buă r̂ăng, ñu găl tô̆ hnă ƀŏng mơ̆ng r̂ăng mơ̆n.#An 1Kô 9:14; 1Tim 5:17-18. 11Ƀon pă plơi pă gô-ih mŭt nao, br̂ơi gô-ih kơña r̂ăng, lơi pô phom hăp tô̆ gô-ih, nŭn br̂ơi gô-ih dŏ mơ̆ng sang ñu, khă tơl gô-ih biă đuĕ. 12Tơl gô-ih mŭt tăm sang nŭn, br̂ơi gô-ih kơña-bla pô sang nŭn hŏ. 13Jơ̆ pô sang nŭn phom hăp tô̆, br̂ơi sang nŭn hmâo klơi nŭk-nua mơ̆ng gô-ih, pha laĭ ñu bĭ phom hăp tô̆ gô-ih, nŭn br̂ơi klơi nŭk-nua gô-ih wŏt glaĭ pơ gô-ih pô dŏng. 14Jơ̆ r̂ăng bĭ hăp tô̆ gô-ih, wŏt bĭ hmĭ pơhiăp gô-ih ôh, nŭn br̂ơi pôih lôi kơnah mơ̆ng le gô-ih, pah gô-ih biă đuĕ mơ̆ng sang nŭn, mơ̆ng plơi nŭn. 15Kâo r̂ă br̂ơi gô-ih dơdi laĭ, tơl r̂ơi tr̂ĕ kơđi, plơi Sôđô̆m hr̂ŏm plơi Kômôra#10:15 Plơi Sôđô̆m hr̂ŏm plơi Kômôra nŭn plơi môt sô̆n-sat pơkŏn, Ơi Adai bơr̂ăm lôi plơi dua boh nŭn bih blao, yua a i gơñu ngă set jat. An Phŭn 18:20-21; 19:1-28; Mat 11:24; 2Pê 2:6; Yuđ 1:7 . ti dơdu iă mơ̆ng plơi nŭn dŏng.»
Klơi bơjăm bơjuă
(Mak 13:9-13; Lŭk 21:12-17)
16«Ep hŏ! Kâo pơđơi gô-ih nao hla ti triw dŏ tŏng-kr̂ah phung sâo tan. Nĭng nŭn yơh, br̂ơi gô-ih dĕč hla ti alua, kơpă-hnŏng hla ti čĭm bơgŏm.#An Rôm 16:19; 1Kô 14:20. 17Lơwăng hŏ mơ̆ng mơnuih, yua gơñu ti ba gô-ih nao pơ môt khua tr̂ĕ kơđi, jr̂ŏng nŭn buăt gô-ih mơ̆ng wĕ tăm sang luôm gơñu.#An Buă 5:40; 22:19. 18R̂ăng ti ba nao gô-ih pơ khua plơi, dăp ti năp pơtao,#An Buă 25:24-26. yua gô-ih tui kâo, pah anŭn gô-ih ti r̂ă r̂oi mơ̆ng kâo br̂ơi môt gơñu wŏt môt sô̆n-sat pơkŏn he mơ̆n. 19Tơl r̂ăng ba nao gô-ih, anăm hyŏk ôh hiư̆m pă gô-ih ti hiăp, wŏt nŏ yĕt gô-ih ti laĭ, yua Ơi Adai ñu ti pha br̂ơi nŏ yĕt gô-ih ti hiăp mơ̆ng mông nŭn.#An Biă 4:12. 20Bĭ djơ̆ gô-ih pô ôh pơhiăp, Yang Bơngăt Ơi Adai Ma gô-ih, ñu yơh pô pơhiăp br̂ơi gô-ih.#An Buă 4:8. 21Pah anŭn yŏng dơi ti mop lôi yŏng dơi ñu pô, br̂ơi r̂ăng pơdjai, ma ti mop lôi nă, wŏt nă ti bơgăng glaĭ hr̂ŏm mĭ ma, dăp br̂ơi r̂ăng pơdjai lôi mĭ ma gơñu mơ̆n. 22Bih mơnuih ti hơ-ŏp gô-ih yua gô-ih tui kâo#10:22 Yua gô-ih tui kâo nŭn Krĭk laĭ «Yua ƀŏ kâo.».#An Mat 24:9; Yôh 15:18-21. Lơi pô anăm ĕñ tơl pơ nŭč, Ơi Adai ti dŏng ñu br̂ơi hmâo klơi pơklaih.#An Mat 24:13; Pơƀôh 2:10. 23Jơ̆ plơi pă bơjăm bơjuă ngă set, br̂ơi gô-ih đuĕ nao pơ plơi pơkŏn dŏng,#An Buă 8:1; 9:29-30; 14:6. yua kâo r̂ă br̂ơi gô-ih dơdi laĭ, kâo Nă Mơnuih ti tơl r̂ai, hlâo gô-ih bat yô ka gr̂ư̆ plơi mơ̆ng čal Israel ôh.
24«Pô hyĕn tui bĭ hloh mơ̆ng gru pơto ôh, wŏt hlŭn bĭ hloh mơ̆ng khua ñu le. 25Jơ̆ pô hyĕn tui hla ti gru pơto, wŏt hlŭn hla ti khua, nŭn găl yơh. Pha laĭ r̂ăng khĭn iâo pô sang, “Ƀêlsêƀul” boih» (čiăng laĭ khua yang set),#An Mat 9:34; 12:24. «Nŭn r̂ăng ti iâo bih mơnuih dŏ tăm sang nŭn set hloh mơ̆ng nŭn dŏng.»
Lơi ta huĭ
(Lŭk 12:2-7)
26«Nĭng nŭn yơh, gô-ih anăm huĭ gơñu ôh, yua klơi yĕt a gom čiăng hơ-et, gr̂ư̆ klơi nŭn r̂ăng ti ƀôh jel, wŏt klơi yĕt a bơdŏp, gr̂ư̆ klơi nŭn r̂ăng ti thâo mơ̆n. 27Klơi yĕt kâo r̂ă br̂ơi gô-ih mơ̆ng ƀon kơnăm, nŭn br̂ơi gô-ih nao hiăp mơ̆ng ƀon đaih, klơi yĕt gô-ih hmĭ kâo hiăp bơhač, nŭn br̂ơi gô-ih r̂ă r̂oi mơ̆ng bŭng sang. 28Anăm huĭ ôh mơnuih thâo pơdjai gah dr̂ơi-jĕn,#An Yêr 1:8. plai gah bơngăt dŏng, gơñu bĭ thâo pơdjai ôh. Huĭ wŏ Ơi Adai, ñu thâo bơr̂ăm lôi bơngăt dăp dr̂ơi-jĕn tăm wal phui.#An Êsai 8:12-13; Hêb 10:31. 29Hiư̆m, bĭ djơ̆ ôh? Čĭm gŏč a ƀuo dua dr̂ơi, kha ha kăk đơč. Plai bĭ hmâo ôh čĭm gŏč ha dr̂ơi lĕ pơ kơnah, Ơi Adai Ma gô-ih ñu bĭ thâo. 30Wŏt ƀô̆k gô-ih dŏ mơ̆ng kŏ, ñu yap bih mơ̆n. 31Jơ̆ nĭng nŭn, gô-ih anăm huĭ ôh. Gô-ih hmâo kha hloh mơ̆ng čĭm gŏč lô dŏng.»#An Mat 6:26.
(Lŭk 12:8-9)
32«Hla nŭn, lơi pô pơhiăp laĭ ñu thâo kr̂ăn kâo ti năp mơnuih,#An Rôm 10:9-10. kâo ti pơhiăp laĭ kâo thâo kr̂ăn ñu ti năp Ơi Adai Ma kâo dŏ mơ̆ng adai dih mơ̆n. 33Lơi pô hơngah laĭ ñu bĭ thâo kr̂ăn kâo ti năp mơnuih, kâo ti hơngah laĭ kâo bĭ thâo kr̂ăn ñu ti năp Ơi Adai Ma kâo dŏ mơ̆ng adai dih mơ̆n.»#An 2Tim 2:12.
Pơklah gŏp yua mơ̆ng klơi ngư̆
(Lŭk 12:51-53; 14:26-27)
34«Anăm khư̆t laĭ, kâo r̂ai čiăng ba klơi nŭk-nua pơ lŏn kơnah ne ôh, kâo bĭ djơ̆ r̂ai čiăng ba klơi nŭk-nua ôh, kâo r̂ai djă ba đao! 35Kâo r̂ai čiăng ngă br̂ơi “Nă đahkơi pơklah mơ̆ng ma ñu, wŏt nă đahmơi pơklah mơ̆ng mĭ ñu, nă pơtâo đahmơi pơklah mơ̆ng khma đahmơi ñu.#An Mat 10:21. 36Khŭl-khap dŏ tăm sang gô-ih pô, gơñu nŭn yơh ti jr̂ŏng ayăt gô-ih.”#Klơi ne tô̆ mơ̆ng Mik 7:6. 37Lơi khăp mĭ ma hloh mơ̆ng kâo, ñu nŭn bĭ găl ti tui kâo ôh. Wŏt lơi khăp nă đahkơi nă đahmơi hloh mơ̆ng kâo, ñu nŭn bĭ găl tui kâo le. 38Lơi bĭ glăm kơyâo pơkăl ñu pô bat tui kâo, ñu nŭn bĭ găl tui kâo ôh. 39Lơi sem klơi hơdĭp ñu pô, ñu ti ñă klơi hơdĭp, lơi pơñă klơi hơdĭp ñu pô, yua kâo, ñu ti hmâo glaĭ klơi hơdĭp dŏng.»#An Mat 16:24-25.
Dr̂ăm bơni
(Mak 9:41)
40«Lơi hăp tô̆ gô-ih, ñu nŭn hăp tô̆ kâo,#An Mat 18:5; Kal 4:14. wŏt lơi pô hăp tô̆ kâo, ñu nŭn hăp tô̆ Ơi Adai Ma kâo mơ̆n, yua ñu pơđơi r̂ai kâo. 41Lơi pô hăp tô̆ pô ba pơhiăp Ơi Adai, yua ñu ba pơhiăp Ơi Adai, nŭn Ơi Adai ti pha br̂ơi dr̂ăm bơni ñu hla ti dr̂ăm bơni pô ba pơhiăp Ơi Adai mơ̆n.#An 1Pơtao 17:10-15; 2Pơtao 4:8; 3Yôh 1:5-8. Wŏt lơi pô hăp tô̆ mơnuih kơpă, yua ñu mơnuih kơpă, nŭn Ơi Adai ti pha br̂ơi dr̂ăm bơni ñu hla ti dr̂ăm bơni mơnuih kơpă mơ̆n. 42Lơi pha br̂ơi mơnuih anĕt ne ia ƀlăng ha čok đơč, yua ñu hyĕn tui kâo, kâo r̂ă br̂ơi gô-ih dơdi laĭ, ñu nŭn bĭ ñă dr̂ăm bơni ñu ôh.»#An Pơđĭk 19:17; Mat 25:35-40.
© 2024, Wycliffe Bible Translators, Inc.