Phŭn Blŭng 50

1Pah anŭn Yôsep kô̆p tr̂ŭn pơ ƀŏ ma ñu dăp hia dăp čô̆m ma ñu he mơ̆n.#An Phŭn 46:4. 2Jr̂ŏng nŭn Yôsep iâo r̂ai môt gru pet ngă buă ñu, nŭn ñu pơđơi gơñu met-set dr̂ơi-jĕn ma ñu bĭ br̂ơi br̂ŭ.#50:2 Sô̆n-sat Êjĭp mơ̆ng đim juăt met-set tâo bĭ br̂ơi br̂ŭ hla ti ne: Gơñu mă biă kŏ glo dăp bih nŏ yĕt tăm dr̂ơi-jĕn hlâo ƀơĭ, jr̂ŏng nŭn gơñu čr̂oh lôi dr̂ơi-jĕn tăm hr̂a lô wĭ r̂ơi tơl ñu hơiă lôi, jr̂ŏng nŭn dŏng gơñu čr̂ŏ glaĭ bơgŏl hađăp ñu tăm dr̂ơi-jĕn hr̂ŏm bơgang ƀâo hiam mơ̆n, nŭn gơñu pŏn lôi tâo mơ̆ng jiă, čr̂oh lôi mơ̆ng bong. Hla nŭn yơh môt gru pet met-set dr̂ơi-jĕn Israel. 3Gơñu ngă buă nŭn pă pluh r̂ơi, tui klơi juăt môt Êjĭp juăt met-set tâo. Môt sô̆n-sat Êjĭp kơ-ŭ-kơ-uăn ñu juh pluh r̂ơi.

4Tơl kloh lôi r̂ơi kơ-ŭ-kơ-uăn boih, Yôsep pơhiăp hr̂ŏm môt dŏ mơ̆ng sang Pharon: «Jơ̆ laĭ gô-ih dŏ pap-dr̂ap kâo, dueh mơ̆ng gô-ih r̂ă br̂ơi Pharon hla ne:

5“Ma kâo pơđơi kâo hiăp uăn hr̂ŏm ñu, ñu laĭ:

‘Ep wŏ, kâo iă ti djai boih. Tơl kâo djai, br̂ơi ih ba nao dŏl lôi kâo mơ̆ng ƀon kâo pơkr̂a#50:5 Ƀon kâo pơkr̂a lơ «Ƀon kâo klơi.» čr̂oh pơ lŏn-ia Kanan.’”

Nĭng nŭn yơh, kâo dueh mơ̆ng ih br̂ơi kâo ba nao dŏl lôi ma kâo. Jr̂ŏng dŏl lôi boih kâo ti wŏt glaĭ pơ ane dŏng.»#An Phŭn 47:29-31. 6Pharon pơhiăp til glaĭ: «Đĭ nao dŏl lôi ma ih wŏ, tui klơi ñu pơđơi ih uăn hr̂ŏm ñu.»

7Nĭng nŭn yơh, Yôsep đĭ nao dŏl lôi ma ñu. Bih môt khua ngă buă Pharon, dăp bih môt kŏng-tha mơ̆ng sang Pharon, dăp bih môt kŏng-tha mơ̆ng čal Êjĭp đĭ nao hr̂ŏm mơ̆n, 8wŏt bih mơnuih dŏ mơ̆ng sang Yôsep, dăp môt yŏng dơi ñu, wŏt mơnuih mơ̆ng sang ma ñu đĭ nao hr̂ŏm mơ̆n. Čr̂oh glaĭ kăn nă muai, dăp phung triw phung be, wŏt phung mo gơñu, dŏ mơ̆ng ƀon Kôsen. 9Hmâo lơdeh blah-wang, dăp môt tơhan đĭ kŏ lơdeh blah-wang nŭn nao hr̂ŏm Yôsep mơ̆n. Nŭn yơh hmâo mơnuih nao hr̂ŏm ñu lô kĕt-keng. 10Tơl môt gơñu tr̂uh nao pơ ƀon Athăt, lan a teh dai, hang gah dih hnoh ia Yuđăn, pơ anŭn môt gơñu čŏk hia kơtang jat. Yôsep kơ-ŭ-kơ-uăn ma ñu pơ ƀon nŭn juh r̂ơi dŏng. 11Tơl mơnuih mơ̆ng lŏn-ia Kanan ƀôh klơi kơ-ŭ-kơ-uăn mơ̆ng ƀon Athăt lan a teh dai, nŭn gơñu laĭ: «Ne klơi kơ-ŭ-kơ-uăn pr̂ŏng môt sô̆n-sat Êjĭp.» Yua nŭn yơh r̂ăng mơ̆ng iâo ƀon nŭn, “Êƀĕl-misrem” (čiăng laĭ “Klơi kơ-ŭ-kơ-uăn môt sô̆n-sat Êjĭp”), ƀon nŭn dŏ hang gah dih ia Yuđăn. 12Nĭng nŭn yơh, nă-bă Yakô̆p ngă tui buă Yakô̆p pơtă čr̂oh br̂ơi gơñu hla ti ne: 13Gơñu čơ ba glaĭ tâo pơ lŏn-ia Kanan, jr̂ŏng nŭn gơñu dŏl lôi ñu tăm pal pơ hua mơ̆ng ƀon a iâo Măkpêla jĕ plơi Mamrê, hua nŭn yơh Abrahăm blơi mơ̆ng Êbrô̆n sô̆n-sat Hêt, čr̂oh ƀon a dŏl tâo. 14Jr̂ŏng ñu dŏl lôi ma ñu boih, Yôsep glaĭ nao pơ Êjĭp dŏng, dăp môt yŏng dơi ñu, wŏt bih-tih mơnuih đĭ nao dŏl lôi ma ñu, glaĭ nao hr̂ŏm ñu mơ̆n.

Yôsep pap br̂ơi môt yŏng ñu

15Tơl môt yŏng Yôsep ƀôh laĭ ma gơñu djai lôi boih, nŭn gơñu pơhiăp nao r̂ai gŏp gơñu: «Ai-ñu, Yôsep dŏ gĭm ta thâo. Jơ̆ nĭng nŭn, ñu ti ngă ƀong glaĭ bih dơm klơi set ta ngă hr̂ŏm ñu.» 16Nĭng nŭn yơh, gơñu pơđơi r̂ăng nao laĭ thâo br̂ơi Yôsep: «Hlâo ma ih ka djai, ñu pơtă čr̂oh br̂ơi mơi hla ne, ma ih laĭ:

17“Br̂ơi gô-ih r̂ă br̂ơi Yôsep hla ne:

‘Kâo dueh mơ̆ng ih klaih lôi kơđi môt yŏng ih ngă glaĭ hr̂ŏm ih he, yua gơñu ngă set hr̂ŏm ih.’”

Nĭng nŭn yơh, mơi dueh mơ̆ng ih klaih lôi klơi glaĭ mơi he wŏ, mơi môt hlŭn Ơi Adai, Yang ma ih.» Tơl Yôsep hmĭ r̂ăng r̂ă nĭng nŭn, ñu hia. 18Jr̂ŏng nŭn môt yŏng ñu mŭt nao mơ̆n, gơñu bon tr̂ŭn ti năp Yôsep dăp pơhiăp laĭ: «Nêne môt mơi ti ngă hlŭn ih.» 19Jr̂ŏng nŭn Yôsep pơhiăp hr̂ŏm môt gơñu: «Anăm huĭ ôh. Hiư̆m lĕ, kâo Ơi Adai ah? 20Gah gô-ih khư̆t čiăng ngă set kâo, plai Ơi Adai ngă br̂ơi buă set gô-ih ngă nŭn jr̂ŏng glaĭ buă hiam dŏng, čiăng r̂ăk čr̂oh klơi hơdĭp mơnuih lô-lĭn hla ti r̂ĭm r̂ơi ne. 21Nêne gô-ih anăm huĭ ôh, kâo ti čem r̂ong gô-ih, dăp nă-bă gô-ih he mơ̆n.» Hla nŭn yơh Yôsep pơhiăp wăn alôm bŭt gơñu.

Yôsep djai

22Nĭng nŭn yơh, Yôsep dăp khŭl-khap sang-nŏ ma ñu dŏ mơ̆ng čal Êjĭp. Yôsep dŏ dĭp hmâo 110 thŭn. 23Ñu ƀôh nă čo Êbraĕm khă tơl klâo nôk. Gah nă Manasê dŏng a iâo Makie, pah Makie pơpôn r̂ai nă-bă ñu, Yôsep pi gơñu čr̂oh mơ̆ng pha ñu mơ̆n.

24Jr̂ŏng nŭn Yôsep pơhiăp hr̂ŏm yŏng dơi ñu: «Kâo jĕ ti djai boih. Plai Ơi Adai, ñu ti r̂ai dŏng môt gô-ih dơdi, jr̂ŏng nŭn ñu ti ba biă môt gô-ih mơ̆ng čal ne, glaĭ nao dŏ pơ lŏn-ia Ơi Adai uăn laĭ ti br̂ơi Abrahăm, Isă, dăp Yakô̆p.»#An Phŭn 48:21. 25Jr̂ŏng nŭn Yôsep pơđơi môt nă čo Israel uăn hr̂ŏm ñu, ñu laĭ: «Ơi Adai ti r̂ai dŏng môt gô-ih dơdi, tơl gô-ih biă đuĕ mơ̆ng ane, br̂ơi môt gô-ih djă ba klang kâo ho.»#An Biă 13:19; Yôs 24:32; Hêb 11:22. 26Jr̂ŏng nŭn Yôsep djai hĕ, pah ñu ayŭ 110 thŭn, jr̂ŏng nŭn môt sô̆n-sat Êjĭp met-set dr̂ơi-jĕn ñu tui klơi juăt gơñu,#An Phŭn 50:2. dăp čr̂oh ñu tăm bong mơ̆ng čal Êjĭp.

Currently Selected:

Phŭn Blŭng 50: JKB

Highlight

Copy

Compare