Biă 1
1
1Ne yơh ƀŏ nă đahkơi Israel tr̂ŭn nao pơ čal Êjĭp hr̂ŏm Yakô̆p,#1:1 Yakô̆p ha tô̆ Israel nŭn yơh. Nă čo Israel nŭn yơh a iâo môt sô̆n-sat Israel. bih khŭl-khap sang-nŏ gơñu ha r̂ăng ha r̂ăng nao hr̂ŏm mơ̆n: 2Ruƀên, Simien, Lêwi, dăp Yuđa, 3Isakha, Săpyulôn, dăp Ƀênyamin, 4Đăn dăp Nepthali, Kat dăp Êsơ.#An Phŭn 46:8-25. 5Bih nă čo biă r̂ai mơ̆ng Yakô̆p hmâo juh pluh r̂ăng. Gah Yôsep dŏng, ñu dŏ lôi hlâo mơ̆ng čal Êjĭp boih.#An Phŭn 46:26-27. 6Jr̂ŏng nŭn Yôsep djai lôi boih, dăp bih môt yŏng dơi ñu, wŏt tơgr̂ư̆ nă čo hơdĭp hr̂ŏm ñu#1:6 Tơgr̂ư̆ nă čo hơdĭp hr̂ŏm ñu lơ «Tơgr̂ư̆ mơnuih nôk nŭn.» djai mơ̆n. 7Plai nă čo Israel pơpôn r̂ai nă-bă lal đĭ lô tui lô tui,#An Phŭn 1:28; 8:17; 9:1, 17; 47:27. gơñu hmâo pĕn-phung-pĕn-phung bŏ mơ̆ng čal nŭn, dăp gơñu kơtang tui kơtang tui he mơ̆n.
Môt nă čo Israel ngă hlŭn r̂ăng
8Hmâo pơtao phr̂âo ha r̂ăng đĭ wai-lăng mơ̆ng čal Êjĭp, pơtao nŭn bĭ thâo kr̂ăn Yôsep ôh. 9Ñu pơhiăp nao pơ nă plơi lan ñu: «Nêne nă čo Israel, gơñu lô jat, dăp gơñu kơtang hloh mơ̆ng môt ta dŏng. 10Br̂ơi ta ngă lơgơi iă mơ̆ng môt gơñu, huĭ lah gơñu lal đĭ lô tui dŏng. Jơ̆ laĭ hmâo klơi blah-wang, nŭn môt gơñu ti mŭt gah môt ayăt bơblah glaĭ ta, jr̂ŏng nŭn jak gŏp gơñu biă đuĕ mơ̆ng čal ne.» 11Nĭng nŭn yơh, môt gơñu pơkhŏm môt Israel ngă hlŭn gơñu,#An Phŭn 15:13-14. dăp bơdŏ br̂ơi khua wai-lăng ngă pơkơnap bơjăm bơjuă môt Israel mơ̆ng buă tr̂ă-tr̂ă, čiăng môt Israel ngă plơi dua boh br̂ơi Pharon čr̂oh dr̂ăm-gơnăm ñu, plơi nŭn a iâo plơi Pithŏm dăp plơi Ramseh. 12Môt sô̆n-sat Êjĭp ngă pơkơnap bơjăm bơjuă Israel dơ̆ pă, nŭn Israel pơpôn nă lal đĭ lô tui dơ̆ nŭn mơ̆n, nŭn yơh môt sô̆n-sat Êjĭp huĭ môt nă čo Israel. 13Nĭng nŭn yơh, môt Êjĭp pơkhŏm môt nă čo Israel ngă hlŭn, br̂ơi gơñu ngă buă tr̂ă-tr̂ă kơnap-tap jat. 14Môt Êjĭp ngă br̂ơi klơi hơdĭp môt gơñu bơngŏt-bơngañ kơnap-tap jat, dăp pơkhŏm gơñu ngă buă tr̂ă-tr̂ă, buă ĕt mơ̆ng buă lŏn ƀlit, wŏt ngă buă tơgr̂ư̆ neo mơ̆ng hua he mơ̆n. Dơm buă r̂ăng pơđơi gơñu ngă nŭn buă tĕ-nuă soh-sel.
15Nŭn pơtao Êjĭp pơhiăp hr̂ŏm môt yă ƀoi sô̆n-sat Hêbrơ dua r̂ăng, ha r̂ăng a iâo ƀŏ ñu Sipra, ha r̂ăng dŏng a iâo Pu-a, ñu laĭ: 16«Tơl gô-ih ƀoi br̂ơi môt đahmơi sô̆n-sat Hêbrơ, br̂ơi gô-ih pel nă a pơpôn r̂ai nŭn, jơ̆ laĭ nă đahkơi, pơdjai lôi, jơ̆ laĭ nă đahmơi, čr̂oh br̂ơi dŏ dĭp wŏ.» 17Plai môt yă ƀoi nŭn gơñu mơnuih huĭ pơpô̆ Ơi Adai, nŭn yơh gơñu bĭ ngă tui klơi pơtao Êjĭp pơđơi nŭn ôh, gơñu čr̂oh glaĭ nă đahkơi br̂ơi dŏ dĭp mơ̆n. 18Pơtao čal Êjĭp iâo r̂ai môt yă ƀoi nŭn, jr̂ŏng nŭn kơña gơñu laĭ: «Yua yĕt gô-ih ngă nĭng nŭn, čr̂oh br̂ơi nă đahkơi dŏ dĭp dŏng lĕ?» 19Môt yă ƀoi til glaĭ pơ Pharon, gơñu laĭ: «Yua đahmơi sô̆n-sat Hêbrơ bĭ djơ̆ hla ti đahmơi sô̆n-sat Êjĭp ôh, gơñu đih phui ƀôñ jat, hlâo yă ƀoi ka tơl nao ôh, gơñu suaih lôi boih.» 20Nĭng nŭn yơh, Ơi Adai ngă hiam hr̂ŏm môt yă ƀoi nŭn. Gah môt nă plơi lan Israel dŏng, gơñu pơpôn r̂ai nă-bă lal đĭ, dăp môt gơñu kơtang jat. 21Gah môt yă ƀoi dŏng, Ơi Adai pha br̂ơi gơñu hmâo nă-bă gơñu pô,#1:21 Hmâo nă-bă gơñu pô lơ «Hmâo khŭl-khap sang-nŏ gơñu pô.» yua gơñu huĭ pơpô̆ Ơi Adai. 22Jr̂ŏng nŭn Pharon pơđơi bih nă plơi lan ñu, ñu laĭ: «Bih nă đahkơi-đahkơi môt sô̆n-sat Hêbrơ phr̂âo pơpôn r̂ai, nŭn br̂ơi glŏm lôi tăm ia kr̂ong Nil, plai dŏng dơm nă đahmơi-đahmơi čr̂oh br̂ơi dŏ dĭp.»
Currently Selected:
Biă 1: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.
