Phŭn Blŭng 49
49
Yakô̆p r̂ă br̂ơi nă ñu mơ̆ng buă gơñu ti pŏ gah năp kơñ
1Yakô̆p iâo r̂ai môt nă đahkơi ñu, jr̂ŏng nŭn ñu laĭ: «R̂ai pơtŭm gŏp gô-ih wŏ, nŭn kâo ti laĭ br̂ơi gô-ih thâo kr̂ăn mơ̆ng buă gô-ih ti pŏ r̂ơi gah năp kơñ.
2«Ơ môt nă Yakô̆p,
Pơtŭm gŏp gô-ih hmĭ wŏ,
Br̂ơi hmĭ Israel ma gô-ih ho.
3«Ơ Ruƀên, ih nă phŭn kâo,
Ih yơh a pơpôn hlâo mơ̆ng r̂ăng pah kâo dŏ gơjăl,
Ih hla ti dai nuăl dr̂oh đĭ pah kâo dŏ kơtang.
Ih yơh ngă pr̂ŏng hloh mơ̆ng r̂ăng,
Wŏt ih kơtang-kơtĭt hloh mơ̆ng r̂ăng mơ̆n.
4Nêne dŏng ih bĭ hloh mơ̆ng r̂ăng dŏng tah,
Yua ih hla ti ia kơpr̂oh a bĭ anăm kr̂ĭ lôi,
Ih đĭ đih hr̂ŏm bơnai kâo,#49:4 Ih đĭ đih hr̂ŏm bơnai kâo Hêbrơ laĭ «Ih đĭ đih mơ̆ng gr̂e ma ih.» An Phŭn 35:22.
Nŭn ih đĭ ngă pơset lôi gr̂e ma yơh.
5«Plai Simien dăp Lêwi,
Dua yŏng dơi gơñu djơ̆ hr̂ŏm ha bŭt,
Đao gơñu khui ƀiah.
6Anăm br̂ơi kâo pơpong hr̂ŏm môt gơñu ôh,
Anăm br̂ơi bŭt kâo pơtŭm hr̂ŏm gơñu le,
Yua tơl gơñu r̂ŏt,
Gơñu pơdjai lôi môt đahkơi,#An Phŭn 34:25-26.
Tơl gơñu hăt ak,
Soh-soh gơñu nao koh ngui jon mo kơno.
7Klơi hêl gơñu tô̆ klơi hơtŏm yơh,
Tơl gơñu hêl gơñu khui ƀiah jat,
Tơl gơñu hiw gơñu hơtai jat.
Kâo ti pơklah lôi gơñu br̂ơi dŏ ƀon phar̂a-phar̂a tăm lŏn-ia môt Yakô̆p,
Kâo ti ngă br̂ơi gơñu dŏ čah-čap tăm čal Israel mơ̆n.
8«Ơ Yuđa, yŏng dơi ih ti pơ-i-bli ih,
Ngan ih ti mă tơkoi môt ayăt ih,
Nă-bă ha ma hr̂ŏm ih ti bon ti năp ih mơ̆n.
9Yuđa hla ti nă mông dŭl dơdăm,
Ơ nă, ih glaĭ r̂ai mơ̆ng mă ƀŏng čĭm.
Ih bon tr̂ŭn,
Ih pĕt hla ti mông dŭl,#An Yap 24:9; Pơƀôh 5:5.
Lơi ti khĭn nao r̂âo ih?#49:9 Lơi ti khĭn nao r̂âo ih Hêbrơ laĭ «Hla ti mông dŭl lơi ti khĭn nao r̂âo ñu.»
10Gai jr̂a pơtao bĭ đuĕ mơ̆ng Yuđa ôh,
Djuoi Yuđa ti wai-lăng hayoh,#49:10 Djuoi Yuđa ti wai-lăng hayoh Hêbrơ laĭ «Gai jr̂a wai-lăng bĭ đuĕ mơ̆ng plah-wah le ñu ôh.»
Khă tơl Silô tơl r̂ai,#49:10 Silô tơl r̂ai lơ «Ñu tơl nao pơ Silô» lơ «Pô gai jr̂a nŭn tơl r̂ai.»
Jr̂ŏng nŭn tơgr̂ư̆ sô̆n-sat ti ngư̆ tui ñu.
11Ñu ti hmâo boh ƀâo lô jat,
Tơl ñu bĭ pơanĕñ kă lie mơ̆ng phŭn wĕ boh ƀâo nŭn,
Dăp kă nă lie mơ̆ng phŭn hiam hloh.
Ñu hmâo ia pai boh ƀâo lô đơi,
Tơl ñu thâo boh khô ao tăm ia pai nŭn,
Dăp ao phyông ñu boh tăm ia pai myah#49:11 Ia pai myah Hêbrơ laĭ «Dr̂ah boh ƀâo.» mơ̆n.
12Săl ta ñu myah r̂ai mơ̆ng ia pai boh ƀâo,#49:12 Săl ta ñu myah r̂ai mơ̆ng ia pai boh ƀâo lơ «Săl ta ñu tăm hiam hloh mơ̆ng ia pai boh ƀâo.»
Gơi ñu tih r̂ai mơ̆ng ia sâo.#49:12 Gơi ñu tih r̂ai mơ̆ng ia sâo lơ «Gơi ñu tih hloh mơ̆ng ia sâo.»
13«Săpyulôn ti dŏ r̂ok hang ia sĭ,
Ƀon ñu dŏ ti jr̂ŏng pên kŏmpăn,
Goi ñu tơl gơi plơi Siđôn.
14«Isakha hla ti lie kơno găng,
Ñu pôn plah-wah wal triw.#49:14 Ñu pôn plah-wah wal triw lơ «Ñu pôn dăng hmâo gơdŭng dua gah mơ̆ng r̂ŏng ñu.»
15Tơl ñu ƀôh ƀon bơdơi hiam dăp lŏn-ia ak,
Nŭn ñu dr̂um tr̂ŭn br̂a tô̆ nŏ tr̂ă,
Ñu ngă buă br̂ơi r̂ăng hla ti hlŭn.
16«Đăn ti tr̂ĕ kơđi nă plơi lan ñu pô,
Hla ti phung wang pơkŏn tăm môt Israel mơ̆n.
17Đăn ti ngă hla ti alua hr̂o r̂ok glan kơnŭn,
Hla ti alua bơbăk dŏ r̂ok glan a bat,
Ñu ti čoh kơđôl le seh,
Ngă br̂ơi mơnuih đĭ lĕ hr̂ah-đang glaĭ.
18«Ơ Yêhôwa, kâo dŏ gon klơi pơklaih mơ̆ng ih!
19«Gah Kat dŏng, môt tơhan ti r̂ai bơblah lôi ñu,
Plai ñu ti čiă bơblah glaĭ gah r̂ŏng gơñu.#49:19 Gah r̂ŏng gơñu Hêbrơ laĭ «Gah kơđôl le gơñu.»
20«Êsơ ti hmâo djăm ƀŏng hiam jat,
Ñu ti ngă nŏ ƀŏng huă ăm-ăm pô̆ br̂ơi pơtao.
21«Nepthali hla ti sa ña r̂ăng klaih br̂ơi ñu lơngai,
Ñu tuh r̂ai nă hiam-hiam.#49:21 Ñu tuh r̂ai nă hiam-hiam lơ «Ñu pơhiăp boh hiăp hiam-hiam.»
22«Yôsep hla ti lie glai,#49:22 Yôsep hla ti lie glai lơ «Yôsep hla ti wĕ kơyâo hmâo boh lô.»
Hla ti lie glai dŏ jĕ hơlâo ia,#49:22 Hla ti lie glai dŏ jĕ hơlâo ia lơ «Hla ti wĕ kơyâo čă jĕ hơlâo ia.»
Hla ti nă lie dŏ mơ̆ng kŏ čĭ.#49:22 Hla ti nă lie dŏ mơ̆ng kŏ čĭ lơ «Kơƀeng ñu tr̂ai yô ngŏ dăp plơi.»
23Môt ayăt bơblah hr̂ŏm Yôsep kơtang,
Gơñu ngă set ñu,
Gơñu pơnah ñu mơ̆ng hr̂ă.
24Plai ngan Yôsep hơlĕñ,
Hr̂ă ñu hơđŏng,
R̂ai mơ̆ng ngan Ơi Adai kơtang,
Ñu Yang Yakô̆p,
Ñu r̂ăk-r̂em Israel hla ti pô čiă triw,
Ơi Adai yơh bohtâo môt Israel ing.
25Ơi Adai Yang ma ih ñu ti dŏng ih,
Ơi Adai Yang Kơtang Hloh ñu ti pha br̂ơi ih klơi nŭk-nua,
Ñu ti pha br̂ơi ih,
Ia jan lĕ mơ̆ng adai dih,#49:25 Ia jan lĕ mơ̆ng adai dih Hêbrơ laĭ «Klơi nŭk-nua mơ̆ng adai dih»
Dăp ia bluh đĭ mơ̆ng đah tul kơnah,#49:25 Ia bluh đĭ mơ̆ng đah tul kơnah Hêbrơ laĭ «Klơi nŭk-nua mơ̆ng ia khlăm đah tul kơnah.»
Wŏt nă čo lô dăp ia sâo mĭ gơñu hiam he mơ̆n.#49:25 Nă čo lô dăp ia sâo mĭ gơñu hiam he mơ̆n Hêbrơ laĭ «Klơi nŭk-nua mơ̆ng sâo mĭ dăp huh nă he mơ̆n.»
26Klơi nŭk-nua kâo br̂ơi ih ne,
Pr̂ŏng hloh mơ̆ng klơi nŭk-nua ơi yă kâo,
Dăp hiam hloh mơ̆ng dr̂ăm-gơnăm a gĭt dŏ tăm kŏ čĭ mơ̆ng đim-đă.
Br̂ơi klơi nŭk-nua bih ne,
Dŏ mơ̆ng kŏ Yôsep,
Ñu yơh pô ngă khua tăm môt yŏng dơi ñu.#49:26 Ñu yơh pô ngă khua tăm môt yŏng dơi ñu Hêbrơ laĭ «Mơ̆ng đông pô ngă khua tăm môt yŏng dơi ñu.»
27«Ƀênyamin hla ti sâo tan,
Mơ̆ng guah ñu kĕ hek ƀŏng čĭm,
Tơl klăm ñu ček pha gŏp ñu.»
28Bih-tih gơñu ne pluh dua phung wang mơ̆ng čal Israel, ne yơh klơi ma gơñu pơhiăp hr̂ŏm gơñu, dăp pha br̂ơi gơñu klơi nŭk-nua, djơ̆ tui tam pô gơñu ha r̂ăng ha r̂ăng.
Yakô̆p djai
29Jr̂ŏng nŭn Yakô̆p pơtă br̂ơi gơñu: «Kâo dŏng, kâo jiăm ti tui nao pơtŭm hr̂ŏm ơi yă kâo boih. Tơl kâo djai, br̂ơi gô-ih ba nao dŏl lôi kâo hr̂ŏm ơi yă kâo dăp mĭ ma kâo tăm pal mơ̆ng hua Êbrô̆n sô̆n-sat Hêt nŭn hŏ, 30pal nŭn dŏ pơ hua mơ̆ng ƀon a iâo Măkpêla jĕ plơi Mamrê pơ lŏn-ia Kanan, hua nŭn hua Abrahăm blơi mơ̆ng Êbrô̆n sô̆n-sat Hêt pr̂ăp čr̂oh ƀon a dŏl tâo. 31Mơ̆ng ƀon nŭn r̂ăng dŏl lôi Abrahăm dăp bơnai ñu Sara, mơ̆ng ƀon nŭn r̂ăng dŏl lôi Isă dăp bơnai ñu Rêƀêka, mơ̆ng ƀon nŭn mơ̆n kâo dŏl lôi Lêa. 32Hua dăp pal nŭn Abrahăm blơi mơ̆ng môt sô̆n-sat Hêt.»#An Phŭn 23:17-20; 25:9-10; 35:29. 33Tơl Yakô̆p pơtă čr̂oh br̂ơi môt nă ñu jr̂ŏng boih, ñu yŏng đĭ le ñu mơ̆ng gr̂e dŏng, jr̂ŏng nŭn ñu lŭč hĕ pr̂an, nĭng nŭn yơh ñu tui nao pơtŭm hr̂ŏm ơi yă ñu.
Currently Selected:
Phŭn Blŭng 49: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.
