التكوين 8

نهاية الطوفان

1وبعدين تفقد الله نوح وإلا وياه في الفُلك من وحوش و البهايم، و رسل رياح على الأرض و قل الماي.

2و من شهر سبعة لحد شهر عشرة، 3الماي شوي شوي صار یقل و بعد میة و خمسین یوم قل الماي. وفي اول یوم من شهر عشرة بینت قمم الجبال. 4في يوم سبعطش من شهر سبعة، و وقف الفلك على جبال، إسمها جبال أراراط. 5و بدا الماي يقلّ شوي شوي لين الشهر العاشر. و يوم بدأ الشهر العاشر بدت تبيّن قمم الجبال.

6و بعد أربعين یوم فتح نوح الدریشة الا سواها في الفلك، 7و طیر غراب، و الغراب وظل رایح جاي على الفلك، لحد ما جفت المياه على وجه الأرض.

8و بعدین طیر نوح حمامة عشان یشوف إدا الماي نزل لقاع الأرض، 9لكن الحمامة ما حصلت مكان تستقر علیه، ورجعت للفلك، لأن الماي لسه مغطي سطح الأرض، و قام مد إیده مسكها دخلها الفلك.

10و حارس سبعة أیّام و بعدین رجع طیر الحمامة، من الفلك. 11ورجعت له في المغرب و حاملة ورق زيتون اخضر في منقارها، ووقتها عرف نوح ان الماي نزل لقاع الأرض.

12و حارس سبعة أیّام ثانية، و بعدین طیر الحمامة، و هالمرة ما رجعت له.

13و جفت المياه على الأرض، في الیوّم الأول من الشّهر الأول. و عمر نوح كان ست میة و سنة. و قام نوح رفع سقف الفلك و شاف ان سطح الأرض بدا یجف.

14وفي یوم سبعة و عشرین في شهر إثنين جفت الأرض كلها.

15و كلم ﷲ نوح و قال: 16«اطلع من الفُلك أنت و زوجتك و أولادك و زوجات أولادك. 17وطلّع كل الحيوانات والطيور والزواحف عشان تتكاثر في الأرض.»

18وطلع نوح و زوجته و أولاده و زوجاتهم. 19و كل الحیوانات والطیور والزواحف.

20و بنى نوح مدبح لله الحَيّ و أخد شویة حیوانات و طیور طاهرة من كل نوع و قدمها ضحیة على المدبح.

21وﷲ شم الريحة و تقبلها و قال في نفسه: «ما بلعن الأرض مرّة ثانيه عشان خاطر البشر بس، مع ان رغبات قلوب البشر من یوم یومهم شریرة، ولا بهلك البشر زي هالمرة. 22و بتكون كل الأیّام على الأرض مواسم زرع و حصاد، برد و حرّ و صیف و شتا و لیل و نهار و بتستمر و ما بتوقف و هجدي بتدور الأیّام.»

Currently Selected:

التكوين 8: QNAV

Highlight

Compare

Copy