التكوين 7
7
1و كلم ﷲ نوح مره تانیة و قال له: «أدخل أنت و أهلك كلهم داخل الفلك، لأنك أنت لوحدك طلعت صالح بین هالجیل.»
2خد ويّاك من كل نوع من الحیوانات الطّاهرة، خد سبعة دكور و سبعة إناث. و خد دكر وأنثى من كل نوع من الحیوانات الا مو طاهره. 3و خد ويّاك سبعة من كل نوع من الطیور، دكر و أنثى. عشان ما ینقرضوا من الأرض.
4هدانا بعد سبعة ايام بنزل مطر على الأرض، لمدة أربعين یوم و لیلة. و بمحي من على الأرض كل مخلوق حي.
5وسوّى نوح زي ما أمره ﷲ یسویه.
6و كان عمر نوح ست میة سنه یوم صار الطوفان، 7و دخل نوح الفُلك هو و زوجته و أولاده و زوجاتهم عشان ينجوا من ماي الطّوفان.
8و كل الحیوانات الطّاهرة والا مو طاهره والطیور والزواحف، دخلوا إثنين إثنين زي ما قال ﷲ نوح.
9دخلوا إثنين إثنين زي ما قال ﷲ لنوح.
10و بعد سبعة ايام، نزلت الماية على الأرض.
11لما كان عمر نوح، ست میة سنه، في تاریخ سبعطعش، في الشّهر الثاني، تفجرت الماية من باطن الأرض و نزلت أمطار غزيرة من السما.
12وظل الوضع على هالحال لمدة أربعين يوم.
13وهدا هو اليوم نفسه إلا دخل فيه نوح الفُلك. هو و أولاده سام و حام و یافث، و زوجة نوح، و نسوان أولاده.
14و كل أنواع الحیوانات الا قال له ﷲ ياخدهم دكر و أنثى، 15كم كل الخلايق الحَيّة إلا جت للسفينة، و ركبت ويا نوح اثنين اثنين، 16ذكر و أنثى ركبوا السفينة، من كل نوع، زي ما أمره الله. و بعدین ﷲ بنفسه سكر باب الفُلك.
17و زاد الطوفان و غمر الأرض خلال الأربعين یوم، و من كثرته صار الفلك یطفوا فوق الماي. 18و زاد الماي على الأرض وصار واجد، وصارت السفينة تطفوا فوق المياه.
19و زادت الماي أكثر و أكثر، لدرجة إنه غرقت كل الجبال العالية، تحت السما. 20و إرتفعت المياه خمسطعشر دراع فوق الجبال و غطت الجبال.
21ماتوا كل الكائنات الحیة الا كانت عایشة على الأرض، الطیور والحیوانات والزواحف و كل الناس. 22كل مخلوق كان عایش على الأرض مات. 23و انباد كل شي على الأرض من كل الخلايق من الناس و البهايم و الحيات والطيور، و ما بقى غير نوح و كل الموجودين إلا وياه في السفينة.
24و غطت المياه الأرض لمدة میة و خمسین یوم.
Currently Selected:
التكوين 7: QNAV
Highlight
Share
Compare
Copy
Want to have your highlights saved across all your devices? Sign up or sign in
Qatifi New Arabic Version © 2024 Strategic Resource Group
