التكوين 9
9
عهد الله ويا نوح
1و بارَك ﷲ نوح و أولاده و قال ليهم: «اثمروا و تكاثروا واترسوا الأرض. 2بخلّي كل الكائنات الحیة الا تمشي على الأرض، و كل طیور السما و كل ما یتحرك على الأرض، و سمچ البحر یخضعوا ليكم و یهابوكم، بتكون كلها تحت ایدیکم و سیطرتكم. 3و كل شي حي یجوز تاكلوه، زي ما تاكلوا النباتات الخضرا، تقدروا تاكلوا لحم الحیوانات بعد، 4لكن لا تاكلوا لحم بدمّه. 5و دم البشر أنا الا بطالب به، بطالب به من إید الحیوانات المتوحشة، و بطالب الإنسان بدمّ أخوه الإنسان. 6إلا یقتل و یهدر دم ینهدر دمه، لأن ﷲ خلق الإنسان على صورته. 7الحین إنتون تكاثروا وجیبوا أولاد و أترسوا الأرض بنسلكم.»
8و بعد قال ليهم: 9«هدانا الحين بعطيكم وعد إليّكم والى نسلكم الا بيجوا 10بعدكم و كل المخلوقات الحية إلا وياكم، الطّيور والحيوانات والزواحف الا طلعت وياكم من الفلك، و كل كائن حي على هالأرض.
11وعدي ليكم إني ما أهلك البشریة مره ثانية بالطوفان، ولا عمره بصیر في طوفان ثاني یخرب الأرض والحیاة.»
12و قال ﷲ: «و هدیها العَلامة للوعد الا وعدتكم إیاه، و لكل كائن حي موجود بينكم و بتستمر هالعلامة لكل الاجيال الجايّة بعدكم للأبد. 13هدانا بخلّي قوس قزح یطلع إليّكم في السحاب، و بتكون علامة الوعد الأبدي بیني و بین كل المخلوقات الحية على الأرض.»
14إدا شفتوا القوس قزح فوق السحاب هدي علامة الوعد بیني و بین كل الأرض. 15معناها إني متدكر وعدي إليّكم والى كل المخلوقات الحية، ولا عمري ابداً بخلّي الماي یصیر طوفان و یدمر الحیاة و كل كائن حي.
16و كل ما تشوفوا قوس قزح في السحب، تأكدوا إني أنا بعد أشوفه و أدكر وعدي الأبدي بیني و بین الكائنات الحية على الأرض.
17و قال ﷲ لنوح: «خلاص هدیها علامة عهدي بیني و بین كل كائن حي على هالأرض.»
18وهدي أسماء أولاد نوح إلا نجوا وياه وطلعوا من الفلك: سام و حام و یافث. و حام هو أبو كنعان، 19و من أولاد نوح الثلاثة تشعبت منهم كل شعوب الأرض.
20نوح كان فلاح و كان یزرع عنب. 21وفي یوم شرب خمر و سكر، و قام أنبطح مفصّخ داخل خیمته.
22و شاف حام «أبو كنعان» أبوه مفسخ، و قام طلع بره، و راح قال لأخوته إلا شافه. 23بعدین سام و يافث قاموا أخدوا ثوب وحطوه على كتفهم و دخلوا الخیمة یمشوا بالعكس (عاطین أبوهم ظهرهم)، و غطوا أبوهم، و ستروا عورته، بدون ما یدوروا وجههم، عشان ما یشوفوا أبوهم مفصخ.
24یوم أوتعى نوح، وعرف وش سوّى ولده الصَّغير 25قال: إنشاء ﷲ یكون كنعان ملعون و یكون عبد العبید لاخوته.
26و بعدین قال: مبارك إسمه إله سام و إن شاء ﷲ كنعان بیصیر عبد عنده، 27الله یفتحها في وجه یافث و یسكن في خیام سام و یصير كنعان عبد عنده.
28وعاش نوح بعد الطوفان ثلاثمیه و خمسین سنة، 29و كان عمره تسعمیة و خمسین سنة یوم مات.
Currently Selected:
التكوين 9: QNAV
Highlight
Share
Compare
Copy
Want to have your highlights saved across all your devices? Sign up or sign in
Qatifi New Arabic Version © 2024 Strategic Resource Group
Videos for التكوين 9
Episode 36:Are We Near the End? The Bible’s Hidden Pattern
Under The Hood
EP 25. Why Do So Many Cultures Have Flood Myths? The Truth Behind the Stories
Under The Hood
Ep 34. Genesis 10: How Noah’s Sons Shaped the World & God's Redemption Story
The Bible Show
Episode 19: Feeding of Four thousand with the Syrophonecian woman
The Bible Show