SAAM HLABU 6
6
Vansan Caan Ih Zaangfah Dilnak #David Ih Phuahmi Hla
1Maw Bawipa, thinheng in
i kawk hram hlah aw,
Na thin ai-thok in i hrem hram
hlah aw.
2I zaangfah hram aw,
Ziangahtile ka baang ih ka vuai
thluh;
Ka tha tlungter saal hram aw,
Ziangahtile ka baang tuk ih
ka soprop thluh.
3Ka nunnak tiangin vansaang a lam,
Maw Bawipa, ziangtik tiangso
hiti ih ka um ding?
4Maw Bawipa, ra awla i run aw,
I zaangfahnak thawng in thihnak
ihsin i runsuak hram aw.
5Thih hnuah cun zoso a lo thei
thei ding,
Sheol ah zoso a lo thangṭhat
ding?
6Ka hui ka aihramnak in ka vuai
thluh zo;
Zantin ka ṭah ruangah ka ihkhun
a ciar ih,
Ka lukham cu ka mitthli in
a ciap ringring.
7Ka ṭahnak ah ka mit
an thling ṭheh ih;
Zianghman ka hmu thei lo.
Ka ral pawl ruangah hiti in ka cang.
8Nannih thilsual tuahtu pawl,
tlan ṭheh uh;
Bawipa in ka ṭahnak a thei
a si.
9Bomnak dil ih ka au-nak cu
a ngai ih
Ka thlacamnak a thei.
10Ka ral pawl cu an sun ruangah
ningzak in an um ding,
Mangbang le vansaang in an tlan
thluh ding a si.
Currently Selected:
SAAM HLABU 6: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
