SAAM HLABU 7
7
Dingnak Hrang Thlacamnak #David Ih Phuahmi Hla
1Maw Bawipa, ka Pathian,
nangmah cu ka beunak na si.
I duumtu pawl hnenih sin i run
awla i hum aw.
2Cuti lo cun zohman ih in run
thei nawn lonak hmun ah,
Kiosa bangin in thiarhlo ding ih
Cutawkah in botthleek thluh ding
a si.
3Maw Bawipa ka Pathian,
Mi pakhatkhat parah thil ka ti
sual ih,
4Ka lamṭang pawl ka phiarsawm ih,
A um meenmi ka ral ka tuahmawh
a si ahcun,
5Ka ral in i dawi in i kai seh;
I saat aw sehla i that seh,
Ka ruak cu mualpho in leidip
lakah taan seh.
6Maw Bawipa, na thinheng in
tho aw;
Ka ral pawl ih thin ai-thawhnak
do dingah ding aw.
ṭhang awla i bawm aw,
Ziangahtile dingthluk lairelnak
thawn thu ṭhen cu na duhmi a si.
7Na kiangkap ah mi hmuahhmuah
kokhawm awla,
Tlunlam ihsin run uk hai aw.
8Maw Bawipa, Nang cu mi
hmuahhmuah ih thuṭhentu na si;
Curuangah ka felnak le ka ṭhatnak
bangin ka thu ṭhen aw.
9Nang cu a dingmi Pathian na si,
Kan ruahnak le kan duhnak tla
thu na ṭhen.
Mi ṭha lo pawl ih ṭhat lonak
cemter awla,
Mi ṭha pawl laksawng pe aw.
10Pathian cu ka ralphaw a si ih
i humtu a si.
Amah ih duhnak a thlun tu pawl
a humtu a si.
11Pathian cu a dingmi thuṭhentu
a si;
Mi ṭha lo pawl cu a hnong
ringring a si.
12Milai pawl an siir awk lo a si
ahcun,
Pathian in a ralnam a taat ding;
A li a nawp ih sai dingah
a tiar zo.
13A mi thahnak hriamnam pawl
a lak ih,
A vaam hluahhlomi a conkiang
pawl a bih.
14Zohhnik uh, mi ṭha lo pawl ih
thupol mi cu ṭhat lonak lawng
a si,
Siatsuahnak lawng an ngaihtuah ih
Mi bum hlir in khua an sa.
15Leilung ah khur thuk zet an lai,
Cule an laihmi khur sungah anmah
riangri an tla.
16Ṭhat lonak an tuahmi cu
an hnenah a thlengkir ih,
Mi thisen an suahmi cu an lu
parah a thleng sal.
17 Bawipa cu a dingmi a si
ruangah lungawi thu ka sim ding.
Cungnungbik Bawipa ih hnenah
Thangṭhatnak hla ka sak ding.
Currently Selected:
SAAM HLABU 7: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
