SAAM HLABU 4
4
Zanlam Thlacamnak #David Ih Phuahmi Hla
1Ka lo kawh tikah i let hram aw,
Maw i ṭantu Pathian!
Thinpit ih ka um tikah na ra ih,
Ka thaw i ongter.
I zaangfah awla ka thlacamnak hi
ngai hram aw.
2Maw milai pawl, ziangtik tiangso
ka sunlawinak cu ningzahnak ah
nan canter ding?
Ziangtik tiangso thil ṭhahnem lo
hi nan duh hrih ding ih,
Thuphan hi nan thlun hrih ding?
3 Bawipa in mi ding pawl cu
amah ih ta dingah i hril zo ih,
Ka kawh tikah i thei a si,
tihi thei ringring uh.
4Ṭih uhla sual nawn hlah uh,
Nan ihkhun ah daitein um uhla,
ruat ciamciam uh.
5 Bawipa ih hnenah a dikmi
thawinak pe uhla,
Amah cu rinsan uh.
6“Maw Bawipa, thlawsuah
in pe sinsin hram maw!
Zaangfahnak thawn in run zoh
hram aw!” tiih thlacamtu
an tam ngaingai.
7Nangmah ih i pekmi lungawinak cu,
Rawl le sabit tampi neitu pawl ih
Lungawinak hnakin a nasa sawn.
8Ka ih vete in thlangamte in
ka itthat;
Maw Bawipa, nangmah lawng
i himtertu na si.
Currently Selected:
SAAM HLABU 4: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
