SAAM HLABU 3
3
Zinglam Thlacamnak
1Maw Bawipa, ka ral hi
an va tam lawmmam so!
Mi tamzet keimah dotu ah an cang.
2Ka thuhla an rel ih,
“Pathian in a bawm lo ding,”
an ti.
3Asinain maw Bawipa, nang cu
ka himnak phaw na si ih,
ṭihphannak ihsin i hum ringring.
Nangmah in nehnak i pek ih,
Ralṭhatnak tla i pek sal.
4 Bawipa cu napi in ka ko ih,
A tlang thianghlim ihsin i run let.
5Ka zau ih ka itthat;
Cule himte in ka ṭhang sal,
Ziangahtile Bawipa in
i kilveng a si.
6Ka kiangkap ih i kulhtu,
A thawng le a za ka ral pawl tla,
Ka ṭih hrimhrim lo.
7Maw Bawipa, tho awla,
Maw ka Pathian, i run aw.
Ka ral pawl cu nangmah in
na neh ih,
Mi ṭha lo pawl cu na siatsuah
ṭheh a si.
8Runnak cu Bawipa na hnen
ihsin a ra,
Na minung pawl parah,
Na thlawsuahnak um hram seh.
Currently Selected:
SAAM HLABU 3: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
