SAAM HLABU 2
2
Pathian Ih Hrilmi Siangpahrang
1Ziangah so hi miphun pawl in
ral an thawh?
Ziangah so hi minung pawl in
a ṭhahnem lomi phiarsawmnak
khua an khan?
2 Bawipa le a hriakculhmi
siangpahrang an dodal ih,
An siangpahrang pawl ral an tho;
An hotu pawl ṭangtlang in
phiarnak an ngaihtuah ih,
3“In uknak ihsin luat uhsila,
In ṭeemnak pawl cu hlon uhsi,”
tiah an ti.
4 Bawipa cu vancung
a siangpahrang tokham ihsin a hni,
Anmah pawl cu a hnihsan a si.
5A thinheng in a kawk hai ih,
A thin ai-thok in mangbang
vansaang in a tuah hai.
6“Ka tlang thianghlim,
Zion tlang parah,
Ka siangpahrang cu ka toter zo,”
a ti.
7Cule siangpahrang cun,
“Bawipa ih thuruahmi cu
ka than ding,
Bawipa in ka hnenah
‘Nangmah cu ka fapa na si;
Tuihsun ihsin na pa ka si zo.
8I dil awla miphun hmuahhmuah
na ro ah ka lo pe ding;
Leilung pumpi hi na ta a si ding.
9Thirfung in na vuakkuai ṭheh
hai ding ih,
Tlak beel an sutkuai bangin
na sukuai ṭheh ding,’ i ti,”
tiah a ti.
10Curuangah siangpahrang pawl,
ngai hnik uh;
Mi uktu pawl tla, rak thei uh,
11 Bawipa cu ṭihzahnak
le phannak thawn in rian uhla,
12Khur phah in a hmaiah kuun uh.
Culole a thin a heng ding ih
nan hloral ding;
Ziangahtile hmakhatte-ah a thin
a heng thei a si.
Amah a beentu cu mi thluasuak
an si.
Currently Selected:
SAAM HLABU 2: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
