JOSHUA 15

Judah Comi Ram

1A hnuailam ih ram cu Judah hrinmi innsang khat ciarih comi ram a si:

An ram cu thlanglam ah Edom ramri ihsin thlanglam bikih Zin nelrawn tiang a si. 2Hi thlanglam an ramri cu Tipi Thi ih thlanglam tikel ihsin, 3thlanglam ah a vung ih Akrabbim tlangkawn ihsin Zin tiang a si. Cule Negev ihsin Kadesh Barnea tiang a hung ih Hezron a lan ih Addar tiang; cule Karka lamah a feh ih, 4Azmon lamih a feh hnuah Izipt ramri ih tiva thlun in Mediterranean Tifinriat a thleng ih cu tawkah a net. Judah ramih thlanglam ramri cu cu bangtuk in a si.

5Nisuahnak lamih an ramri cu Tipi Thi a si ih saklam ah Tipi Thi sungih Jordan tiva a vung luhnak kaa tiang a si. Cutawk tikel ihsin saklam ramri a thok ih, 6Beth Hoglah le saklam sin ah Beth Arabah tiang a si. Cutawk ihsin saklam ah Bohan ih Lungpi tiang, Bohan cu Reuben ih fapa a si; 7cule Akhor, Harsatnak Horkuam an timi ihsin Debir tiang saklam ah a hung so ih horkuam thlanglam kapih a ummi Adummim tlangkawn a vun hoihtu Gilgal lamah a keel. Cutawk ihsin Enshemesh ih cirh pawl le Enrogel lamah a phei ih, 8Hinnom fapa ih phairawn an timi ihsin a so ih Jerusalem khua a umnak Jebus tlangtluan ih thlanglam ah a hung. Cule Refaim phairawn ih saklam zimah nitlaknak lam Hinnom phairawn thawn a zawn awmi tlang zim ihsin a hung. 9Cutawkih tlang zim ihsin Neftoah ih Cerhti umnak ah a hung ih Efron Tlang kiangih khawpi pawl a hung thleng. Cule Baalah, a si lole Kiriath Jearim, lamah a keel ih, 10Baalah ih nitlaknak lam ihsin Seir tlang a vel ih Jearim, a si lole Khesalon, Tlang ihsin Beth hemesh a vung thleng ih Timnah a lan. 11Cule an ramri cu Ekron ih saklam tlangtluan ah a hung feh ih Shikkeron lamah a keel ih Baalah Tlang a lan hnuah Jabneel a thleng. An ramri cu Mediterranean Tifinriat a thleng ih cutawk cu a netnak a si.

12Nitlaknak lam ramri cu Mediterranean Tifinriat a si. Judah hrin sungkhat pawl ih ramri cu a tlunih kan timi bangtuk in a si.

Kaleb In Hebron Le Debir A Neh

(Thuṭ 1.11-15)

13 Bawipa in Joshua hnenih a sim bangtuk in Judah hrin Jefunneh ih fapa Kaleb hnenah Judah mi pawl ih ram a hrekkhat cu pek a si. A cuih khua pakhat cu Hebron a si. Hebron cu Anak ih pa Arba ih khawpi a si. 14Cutikah Anak ih fapa pathum, Sheshai, Ahiman, le Talmai pawl cu hi khua ihsin a dawi suak. 15Cuih hnuah Kaleb cu a feh ih Kiriath Sefer ti ih an rak kawh ṭheumi, Debir khuami pawl a do. 16Cutikah Kaleb cun, “Kiriath Sefer khua a neh theitu cu ka fanu Aksah ka pe ding,” tiah a ti. 17Cule Kaleb ih unau Kenaz ih fapa Othniel in cuih khua cu a lak; curuangah Kaleb in a fanu Aksah cu a pek. 18A pasal Othniel hnenih a thlen tikah a pa Kaleb hnen ihsin lo pakhat dil dingah a pasal Othniel#Othiel timi hi Hebru Ca Thianghlim sung ahcun Aksah in Othniel a fial tiin a um. (Thut 1.14, thawn ṭhim.) cun a rak fial. A fial vekin a pa Kaleb hnenah cun laak in a va feh. Laak par ihsin a ṭum tikah a pa cun, “Ziang so na poi?” tiah a rak sut. 19Cutikah Aksah in, “Thil ka lo dil duhmi a um. Negev ramcaar ih ram i pek ruangah tikhur kan ṭul ih i zaangfah hram aw,” tiah a ti. Curuangah a pa cun saklam tikhur le thlanglam tikhur a rak pek.

Judah Ram Ih Khawpi Pawl

20Judah hrin an innsang ciarih an comi ram cu hihi an si: 21An comi khawpi pawl, Edom ram kiangih a ummi, thlanglam bik khawpi pawl cu, Kapzeel, Eder, Jagur, 22Kinah, Dimonah, Adadah, 23Kedesh, Hazor, Ithnan, 24Zif, Telem, Bealoth, 25Hazor Hadattah, Kerioth Hezron (a si lole Hazor), 26Amam, Shema, Moladah, 27Hazar Gaddah, Heshmon, Beth Pelet, 28Hazar Shual, Beersheba, Biziothiah, 29Baalah, Iim, Ezem, 30Eltolad, Khesil, Hormah, 31Ziklag, Madmannah, Sansannah, 32Lebaoth, Shilhim, Ain le Rimmon an si. A kiangkap ih khawte pawl thawn an zatein khua kul hluan kua an si.

33Tlang hramih khawpi pawl cu, Eshtaol, Zorah, Ashnah; 34Zanoah, En Gannim, Tappuah, Enam, 35Jarmuth, Adullam, Sokoh, Azekah, 36Shaaraim, Adithaim, Gederah, le Gederothaim an si. An kiangkapih khawte pawl thawn an zatein khua hleili an si.

37Cuih tlunah Zenan, Hadashah, Migdal Gad, 38Dilean, Mizpah, Joktheel, 39Lakhish, Bozkath, Eglon, 40Kabbon, Lahmam, Khitlish, 41Gederoth, Beth Dagon, Naamah, le Makkedah khawpi pawl tla an tel. An kiangkapih khawte pawl thawn an zatein khua hleiruk an si.

42Khawpi dang pawl cu Libnah, Ether, Ashan, 43Iftah, Ashnah, Nezib, 44Keilah, Akzib, le Mareshah an si. An kiangkapih khawte pawl thawn an zatein khua kua an si.

45Cun Ekron khawpi, a kiangkapih ummi khawpi le khawte pawl le, 46Ekron le Tifinriat karlakih ummi, Ashdod khua kiangih khawte pawl tla an tel.

47Cule Ashdod le Gaza tla, an kiangkapih khawte pawl thawn an tel ih Izipt ramri ih tiva le Mediterranean Tifinriat a thleng.

48Tlangpar ramih khawpi pawl cu Shamir, Jattir, Sokoh, 49Dannah, Kiriath Sefer (a si lole Debir), 50Anab, Eshtemoa, Anim, 51Goshen, Holon, le Giloh an si. An kiangkapih khawte pawl thawn khua hleikhat an si.

52Cule a dang khawpi pawl cu Arab, Dumah, Eshan, 53Janim, Beth Tappuah, Afekah, 54Humtah, Kiriath Arba (a si lole Hebron), le Zior an si. An kiangkapih khawte pawl thawn khua kua an si.

55Cule Maon, Karmel, Zif, Juttah, 56Jezreel, Jokdeam, Zanoah, 57Kain, Gibeah, le Timnah tla an si.An kiangkapih khawte pawl thawn khua hra an si.

58A dang khawpi pawl cu Halhul, Bethzur, Gedor, 59Maarath, Beth Anoth, le Eltekon an si. An kiangkapih khawte pawl thawn khua ruk an si.

60Cuih tlunah Kiriath Baal (a si lole Kiriah Jearim) le Rabbah tla an tel. An kiangih khawte pawl thawn khua hnih an si.

61Nelrawn ramah Beth Arabah, Middin, Sekakah, 62Nibshan, Ci khawpi timi le Engedi khawpi pawl an um. An kiangkapih khawte pawl thawn khua ruk an si.

63Asinain Jerusalem ih a ummi Jebus mi pawl cu Judah mi pawl in an dawisuak thei lo. Curuangah Jebus mi le Judah mi pawl cu tuih san tiangin Jerusalem khua ah an umtlang a si.

Currently Selected:

JOSHUA 15: FCL

Highlight

Copy

Compare