JOSHUA 14
14
Jordan Ihsin Nitlak Lam Ram An Zem Aw
1Israel mi ih an lakmi Kanaan ram cu puithiam Eleazar, Nun ih fapa Joshua le Israel miphun hotu pawl in Israel mi hnenah an zem a si. 2Moses hnenih Bawipa ih thupekmi bangtuk in Israel miphun phun kua le a hrek pawl ih co dingmi Jordan ihsin nitlaknak lam ram cu camcawhfung zuk #Camcawhfung zuk timi cu lungto in tuahmi Urim le Thummim a si ih Pathian duhnak hawlnak ih an hmanmi a si. in an ṭhen. 3Jordan ihsin nisuahnak lam ram cu Moses in Israel miphun phun hnih le a hrek hnenah a pek zo; asinain Levi mi pawl hnenah ram a pek lo. 4Josef ih tesinfa pawl cu ṭhen hnih ah an ṭhen aw; Manasseh le Efraim an si. Levi mi pawl cu comi ram an nei lo. Leiram ai-ah umnak khawpi an nei ih an caw le an ṭilva hrangah ṭilva tlannak leiram an nei. 5Moses hnenih Bawipa ih thupekmi bangtuk in Kanaan ram cu Israel mi pawl in an zem aw.
Hebron Cu Kaleb Hnenah An Pek
6Gilgal ah Judah mi pawl cu Joshua hnenah an ra. Keniz mi Jefunneh ih fapa Kaleb cun Joshua hnenah, “Pathian ih minung Moses hnenah nangmah le keimah ih thu Bawipa in Kadesh Barnea timi hmunih a simmi cu na thei thluh zo. 7Kadesh Barnea ihsin hi ram thlingthla dingah Bawipa siahhlawh Moses ih i thlah tikah kum sawmli ka rak ti. Ka feh hnuah felzetin Moses hnenah ka than. 8Keimah thawn a fehtu pawl cun misenpi lung an phangter thluh. Asinain kei cun famkim zetin Bawipa ka Pathian ih thu cu ka thlun a si. 9Cule Moses cun, ‘Bawipa ka Pathian ih thu cu famkim zetin na thlun hrangah atuih na fehnak ram hi nangmah le na tefa pawl in nan co ding,’ i ti. 10Cule vun ruat ve hnik! Cutiih Bawipa in Moses hnenih a sim cu kum sawmli le kum nga a si zo. A cuih caan ahcun Israel mi cu nelrawn sungih an feh lai caan a si ih, cuih sungah hin Bawipa in harhdam zetin i kilkhawi ringring a si. Atu-ah i zohhnik aw! Kum sawmriat le kum nga ka si zo. 11Asinain tuih ni tiang Moses ih i rak thlah lai vek thotho in ka cak lai hrih. Raldo dingah siseh, a dang hnaṭuan ding vo ka neihmi ah siseh, ka cakzet lai hrih a si. 12Cu a si ruangah kha laiih Bawipa ih i tiamkam cia bangtuk in atu-ah hi tlangpar ram cu i pe hram aw. Anak mi, mitum zetzet pawl cu ralhruang kulhmi khawpi pawl sungah an um, tiah acu laiah ka rak lo sim zo. Na hnenah ka um ding, tiih i tiam cia vekin ka hnenih Bawipa a um ngaingai a si ahcun acuih Anak pawl cu ka dawi thluh ko ding,” tiah a ti.
13Cutikah Joshua in Jefunneh ih fapa Kaleb cu thlawsuah a pek ih a covo-ah Hebron khua a pek. 14Keniz mi Jefunneh ih fapa Kaleb in Israel ih Pathian Bawipa ih thu felzetih a thlun ruangah Hebron cu tuih san tiangin Kaleb tefa pawl ih ram a si. 15A cuih hlanah Hebron cu Kiriath Arba khua tiah an ko. Arba cu Anak miphun lakih mi nasa bik a rak si.
Cuticun an ram cu ral nei loin a cawl.
Currently Selected:
JOSHUA 14: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
