JOSHUA 16
16
Efraim Le Nitlak Lam Manasseh Comi Ram
1Josef tesinfa pawl hnenih pekmi ramih thlanglam ramri cu Jerikho khua kiang Jordan tivakap um Jerikho cirhti ihsin nisuahnak lamah nelrawn ram tiang a si. Cule Jerikho khua ihsin tlangpar ramah Bethel tiang a hung feh. 2Bethel ihsin Luz ah a feh ih Arkhi mi pawl an umnak Ataroth Addar ah a va phei. 3Cutawk ihsin nitlaknak lamah Jaflet mi ram tiang a feh ih Thlanglam Beth Horon tiang a thleng. Cule Gezer ah a feh ih a netnak cu Mediterranean Tifinriat ah a si.
4Josef ih tefa Manasseh le Ephraim hrin pawl in Nitlak lam Manasseh ram cu an co.
Efraim
5Efraim sungkhat pawl comi ram cu hihi a si. Nisuahnak lam an ramri cu Ataroth Addar ihsin Beth Horon tiang a hung thleng. 6Cutawk ihsin Mediterranean Tifinriat tiang a thleng. Saklam ih ramri cu Mikmethath a si. Nisuahnak lamih an ramri cu Taanath Shiloh lamah a keel ih acuih khua a lan hnuah Janoah tiang a thleng. 7Cule Janoah ihsin Ataroth le Naarah ah a vung ih Jerikho khua ihsin Jordan tiva ah a net a si. 8Cun nitlaknak lam ramri cu Tappuah ihsin Kanah tiva a thleng ih cutawk ihsin Mediterranean Tifinriat ah a net a si. Hi ram cu Efraim sungkhat pawl ih comi ram a si. 9Manasseh ram sungih a ummi khawpi le khawte pawl thawn Efraim sungkhat pawl hnenih pekmi an si ṭheh. 10Sikhalsehla Gezer ih a ummi Kanaan mi pawl cu an dawi suak lo. Curuangah Efraim mi lakah Kanaan mi cu tuih san tiangin an um lai a si. Asinain sal hnaṭuan in an um.
Currently Selected:
JOSHUA 16: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
