JOB 31
31
1Sual duhnak thawn fala zoh lo
dingah siatcam in thu ka kam zo.
2Van ih um Ziangkimtithei Pathian
hnenin ka covo ziangso a um?
Milai hnaṭuannak parah ziangtin
so ro a zem hai?
3Ṭhat lonak a tuahtu hnenah cun
Siatsuah le hlohralnak a thlenter.
4Pathian in ka tuahmi hmuahhmuah
a thei ṭheh,
Ka ke kar khal a hmu ṭheh.
5Thuphanper in ka feh dah lo;
Midang bum khal ka tum dah lo.
6Pathian amah in a dikmi cuai in
i thlai seh,
Mawhnak ka neih lo zia kha a hmu
ko ding.
7A dikmi lamzin in ka pial ih,
Thilsual tuah duhnak in i leem ih,
Sualnak in ka kut ka borhhlawhter
a si ahcun,
8Ka lo rawl siat ṭheh sehla,
Ka cinmi rawl cu midang in
ei ṭheh hai seh.
9Ka innhnen pa ih nupi cu mawi in
ka hmu ih,
A inn sangka lengah relh in ka
bawh a si ahcun,
10Ka nupi in mipa dang hrang rawl
suang sehla,
Mipa dang in a ihkhun ah ihpi seh.
11Cubangtuk sualnak cu a siava mi
a si ruangah daan vekin cawhkuan
pek ding a si.
12Cubangtuk sualnak cu ka neih cia
mi hmuahhmuah a kang ṭhehtu Hell
meisa bangtuk a si.
13Ka hnen-um pakhatkhat ka parah
lungkim loin a phunzai a si ahcun,
A simmi ṭhatein ka ngaihsak ding,
Cule diktein a parah ka nung ding.
14Cutiih ka tuah lo asile,
Pathian hmai ka zoh ngam ding maw?
Ka thu ṭhen ding ih a rat tikah,
Ziang so ka ṭong thei ding?
15Ka nu pum sungih i siamtu
Pathian cu,
Ka siahhlawh pawl a siamtu Pathian
thotho a si.
16Mifarah bawm ding ka el dah lo;
Nuhmei pawl khal riahsia in ka ret
dah lo.
17Kei rawl ka ei laiah ngakṭah
farah rilrawng in ka umter dah lo.
18An hnenah pa bangtuk in ka um ih,
Ka nun sung ṭhatein ka kilkhawi
hai a si;
19Mi tlasam zet ka hmu ih an farah
tuk ruangah hruk ding hnipuan hman
an lei thei lo a si ahcun,
20Ka tuurual ihsin ka lakmi tuuhmul
hnipuan ka pe ṭheu.
Cutin ka parah an lung a awizet
ṭheu.
21Thuṭhennak hmunah ka neh ding
ti thei in,
Ngakṭah farah ka bum a si ahcun,
22Ka baan kiak ṭheh sehla,
Ka liang ihsin tlongthluh hai seh.
23Pathian ih cawhkuan pek ka ṭih
ruangah,
Cubangtuk thil ṭha lo cu ka tuah
dah lo ding.
24Sui parah ka rinsannak ka re lo,
Sui ṭha bik khal ka ring cuang lo;
25Mi neinung ka si ruangah ka puar
dah lo;
Lennak tampi ka khawm ruangah ka
puarthau dah lo.
26A tleu-aw tiah ni ka bia dah lo;
A mawi-aw tiah thlapi hmaiah ka
kun dah lo.
27Cubangtuk sualnak tuah dingah
thlemnak ka tong dah keel lo;
Anmah upatnak ah ka kut zaphak
khal ka hnam dah lo.
28Cuvek sualnak a tuahtu cu thah
tlak a si;
Ziangahtile Pathian a dungtun ih
a hnong a si.
29Ka ral pawl harsatnak an tuar
tikah ka lung a awi lo;
Siatsuahnak an ton tik khalah ka
di a riam lo.
30An thihnak ding siatcam thlacam
in ka sual dah keel lo.
31Ka hrangih hnaṭuantu pawl in
Mikhual pawl ka inn ih ka tlunter
cu an thei ṭheh ko.
32Sukso tawivak pawl ka inn ah
ka riahter ih,
Lamzin ah ka itter dah lo.
33Midang cun an sual an thup tum;
Asinain kei cu ka sualnak ka thup
dah lo.
34Mipi in ziangtin in rel ding
ti ka phang dah lo;
In hnihsan pang ding ti phang in
innsung khalah ka khum-aw dah lo.
35Ka ṭong hi zotal in in ngai
lo ding maw?
Siatcam in ka kam: Ka thusimmi hi
kam khat hman a dik lo a um lo.
Ziangkimtithei Pathian in i sawnseh.
I raltu pawl in mawh in phurhnak cu
Ka hmuh dingah ngan suak thei hai
sehla,
36Hmaihngal zetin ka liangah ka
pu ding ih,
Sui lukhuh bangin ka lu ah ka
khum ding.
37Pathian hnenah ka tuah mi
hmuahhmuah ka sim ṭheh ding;
A mithmai ah hngalzet in ka um ding.
38Ka thlawhmi lo in i mawhthluk ih,
Riahsia in a mitthli ka tlakter
a si ahcun,
39A khomi rawl ka ei ih,
Lo a thlotu sawn rilrawng ih ka
ret a si ahcun,
40Ka lo ah sangvut le fang ai ah
Hrampi le hling kho sawnseh.
Job ih ṭong cu cutiin a cemta.
Currently Selected:
JOB 31: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
