JOB 28
28
Fimnak Thupitzia#hittawk ah zo a ṭong ti theih thei a si lo.
1Ngun an laihnak khur a um;
Sui an thianternak hmun a um.
2Milai in thir cu leilung sungin
an lai,
Dar cu lungto sungin an titter.
3Milai cu a thuk bik thimnak hmun
tiang an thleng;
Leilung sung a thuknak ah an lut,
Thimnak sungah lungto an hawl.
4Milai umnak ihsin a hlatzet ah
Milai ke ih pal dah lonak hmunah
lungmankhung an lai leikua sungah;
Cutawkah anmah lawng hna an ṭuan,
Khur sungah hri in an thlai aw.
5Leilung parah thlairawl a kho;
Asinain cuih leilung sung cu
Meisa kaang vekin an ling an so ih
an let aw hluahhlo.
6Leilung ih lungto sungah mepian
lungmankhung a um;
A leivut lakah sui an hmu.
7Cuih khur sung fehnak lamzin cu
khaupi in a thei lo;
Langta hman a tlunah a zam dah lo.
8Kiosa siseh, sahrang dang siseh,
Cuih lamzin cu an zawh dah lo.
9Milai in a hak bikmi lungto an lai;
Tlang hman a hram in
an lailet ṭheh.
10Lungto lakih kua an laih tikah
Lungto mankhung an hmu.
11Tiva hna tla an hmusuak ih
Leilung sungih thuh mi thil an
phorh suak.
12Asinain fimnak cu khuiah so ton
a theih ding?
Theihthiamnak cu khuiah so zir a
thei ding?
13Fimnak taktak cu minung umnak
hi leilung ahhin a um lo;
A man ngaingai cu zohman in an
thei lo.
14A thuukmi tifinriat le a thuukmi
tipithuanthum in,
‘Hinah fimnak a um lo,’ an ti.
15Fimnak cu sui in lei a theih lo;
Ngun khal in lei a theih lo.
16Sui ṭha bik le lungmankhung
pawl khal in a man an tluk lo.
17A man cu sui hnakin a tam sawn;
Sui kheng le thlalang ṭha bik
man hnakin a tam sawn.
18Fimnak man ngaingai cu lungvar
mankhung, lungsen mankhung le
Lung sendup mankhung man hnakin
a tam sawn.
19A ṭha bikmi lung-aihre mankhung
le sui ṭha bik thawn khal fimnak
cu ṭhim theih ding a si lo.
20Khuiah so fimnak hram cu a si?
Khuiah so theihthiamnak cu a um?
21Leitlun ih a nungmi minung le
ramsa in an hmu dah lo;
Van ih a zammi vate khal in an
hmu dah lo.
22Thihnak le siatsuahnak hman in,
“A thluathlam ih relmi lawng
kan thei,” an ti.
23Pathian lawngin lamzin a thei;
Amah lawngin fimnak lamzin le a
hmun cu a thei.
24Ziangahtile amah in leilung
deng tiang a hmu ih,
Vanrang hnuai thil hmuahhmuah
khal a hmu ṭheh a si.
25Pathian in thli cu hmual
a neihter ih,
Tifinriat hrangih ramri a rak
tuah tikah,
26Ruah a surnak ding hmun a ruat
cia ih,
Khawri le ṭeektla hrang lamzin
a rak sial tikah,
27Culai ah Pathian in fimnak cu
a hmu ih man a neihzia a hniksak.
Cule a lungkim in a hngetter.
28Pathian in milai hnenah,
“Fimnak neih nan duh asile
Pathian ṭihzah uh;
Theihthiamnak neih nan duh asile
a ṭha lomi hrial uh,” a ti.
Currently Selected:
JOB 28: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
