JOB 27
27
Job in a peh sal:
1-2Ziangkimtithei Pathian,
ding thluk lairelnak i coter lotu le,
Ninghang in i tuahtu a nungmi
Pathian hmin saal in thu ka kam:
3Pathian in nunnak thaw i pekmi
ka neih sungah cun,
Pathian ih i pekmi ka hnar ih ka
thawt sungah cun,
4Ka hmur in ṭongsia a suak lo
ding ih,
Ka lei in thuphan a per lo ding.
5Nannih nan dik tiah ka ti dah lo
ding;
Mawhnak ka nei lo tiah ka thih ni
tiangin ka ṭang ding.
6Thudik ih ka dinnak cu ka thlah
thei dah lo ding;
Ka lung a thiang; ka thinlung in
‘Ka mawh ngai’ a ti dah lo ding.
7Keimah i raltu le i dotu pawl cu
Mi ṭha lo le miding lo vekin hrem
si hai seh.
8Pathian a thei lotu pawl in ziang
ruahsannak so an neih ding,
Pathian in an nunnak a cemter
tikcu caan ahcun?
9Harsatnak an ton ih an au tikah,
Pathian in an aunak a thei ding maw?
10Ziangkimtithei Pathian ah
an lung a awi pei maw?
A hnenah thla an cam ringring
ngai pei maw?
11Pathian huham a makzia cu ka lo
sim hai ding;
Ziangkimtithei Pathian ih tumtah
mi cu ka lo theihter hai ding.
12Sikhalsehla nanmah rori in nan
hmu fingfing zo;
Curuangah ziangah so hivek thulolak
nan ṭong rero?
[Zofar]#27.12 Zofar Zofar ih ṭongmi a si, tiah zumnak an um.
13Ziangkimtithei Pathian in mi
ṭha lo, thisen suah ṭih lo pawl
A hrem haizia cu hivek in a si:
14Fapa tampi an neih hmanah
ralah an thi ṭheh ding;
An faate pawl in rawl khopkham ei
ding an nei dah lo ding.
15A nungsun hnihkhat cu natnak in
an thi thotho ding,
An nupi pawl hman in an ṭah hai
lo ding.
16Mi ṭha lo pawl in ngun siar
cawk lo an nei ding;
Hnipuan tla vuun liailiai in, an
ṭulmi hnakih tam an nei ding.
17Sikhalsehla miṭha hrekkhat in
cuih hnipuan cu an hruk ding,
Mifel hrekkhat in an ngun cu an
co ding.
18Mi ṭha lo pawl ih sakmi inn cu
a hnget lo;
Maimom innraang vek le, lo kiltu
sal pawl ih sakmi deute vek a si.
19Caan khat sung cu lian zetin an
it ding ih,
An hung ṭhang tikah an lennak cu
A rak cem ṭheh ti an hmu ding.
20Rinlo tilik vekin tuksumnak in
a tlak ding;
Zan thli hrang in a semhlo ding.
21Nisuahnak lam thlisia in an inn
ihsin a semhlo hai ding.
22Luat an tum rero lai hmanah,
Zaangfah nei loin a nuai hai ding.
23An tlan phah ah thlisia cun
a hran vivo ih,
ṭihnung zetin a nuai hai a si.
Currently Selected:
JOB 27: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
