JOB 22
22
Biakson Awk Voithumnak
(22.1—27.23)
Elifas in hiti in a ti:
1-2Ziangvek milai, mifim bik khal
sisehla,
Pathian hrang ih mi ṭhahnem
an um ngai ding maw?
3Thildik na tuahmi cu Pathian
hrangah a sawtnak a um maw?
Asilole na ṭhatnak in Pathian
ziangtal a bawm maw?
4Nun a lo zirh ih hniksak na ton hi
Pathian na ṭihzah ruangah a si lo.
5Na ṭhatlonak a nasat ruangah le
Na sualnak a tamtuk ruangah a si
sawn.
6Na unau in tangka an lo baakmi
kuanter dingah thuhrennak na lak;
A hnipuan cu na long ṭheh ih hruk
ding dang zianghman nei loin na ret.
7Thabaang ih tihal mi pawl hnenah
tidai na pe lo ih,
Rilrawng mi pawl hnenah rawl na pe
duh fawn lo.
8Huham na neihnak le mi upa
na sinak cu,
Ram pumpi luah thluhnak ding
lawngah na hmang.
9Nuhmei pawl na bawm duh lo lawng
si loin
Ngakṭah farah pawl an thil
na long ih na siatsuah hai.
10Curuangah na kiangkapah a lo
awktu ding thang tampi an um;
Rinlopi in ṭihphannak in na khat;
11Thimnak a sah tuk ih zianghman
na hmu thei lo;
Tilik in a lo khuh a si.
12Vancung saangbikah Pathian a um;
Arsi pawl cu an saang ve naón,
Pathian in a run zohsuk hai a si
lo maw?
13Asinain nang in, “Pathian cun
ziangso a theih ding?
Mero in a phen a sisi!
Ziangtin so ka thu a ṭhen thei
ding?” tiah na ti.
14Vankuumpi parah Pathian lam
a len tikah,#Pathian lam a len tikah tihi Israel mi pawl an rak zum daan ahcun van khi a kuumpi a si ih a tlunah Pathian lam a leeng ṭheu tiin an zum.
Mero sahzet in a phen ih i hmu lo
ding, tiah na ruat!
15Mi ṭha lo pawl ih an thlun
ringring mi lamzin hlun cu,
Thlun dingah na duh thotho maw si?
16Mi ṭha lo pawl cu an tikcu
a kim hlanah tilik in a fen hai;
Hrihram an neihmi hmuahhmuah thawn
a fenhlo thluh hai a si.
17Himi pawl cu Pathian a eltu le
Kan parah zianghman a tuah thei lo
ding, tiih a ruattu an si.
18Asinain anmah a liantertu cu
Pathian Amah thotho a si;
Mi ṭha lo pawl ih ruahnak cu
ka ngaih lo zawng hrimhrim a si.
19Mi ṭha lo pawl hremnak an tuar
tikah cun,
Mi ṭha pawl an lung a awi ih
mawh nei lo pawl an hni.
20Mi ṭha lo pawl ih thil neihmi
hmuahhmuah cu a cem,
A taangsun cu meisa in a kaang ṭheh.
21Curuangah Job, Pathian thawn rem
aw uh,
Amah cu na ral ah ruat nawn hlah,
Cutin asile a lo thlawsuah ding.
22A thuzirh mi cu pom awla,
A ṭong cu na lung sungah ret aw.
23A si, tangdornak thinlung thawn
Ziangkimtithei hnenah kir awla,
Na inn sungih thil ṭha lo hmuah
cu a hlapi ah hlon aw;
Cutin a lo hlawhtlingter sal ding.
24Na sui hlawnthil hlon ṭheh aw;
Ofir ihsin na sui ṭha bik khal
tikua lungto bangin hlon ṭheh aw.
25Ziangkimtithei Pathian cu na sui
a si ding ih,
Amah cu hril hleice mi ngun bangtuk
na hrangah a si ding.
26Cutiin Pathian cu na lungawinak
a si ringring ding ih,
Mithmai ṭha thawn Amah lam
thinnuam in na hoi ding.
27Thla na cam tikah a lo let ding;
Na tiamkammi pawl cu feltein
na kimter ding.
28Na thu relcatmi hmuahhmuah
tuahsuak an si ding ih,
Na fehnak lamzin a tleu ding.
29Pathian in mi puarthau pawl
a ṭhum ih,
Mi tangih a dor pawl a hum a si.
30Na tuah mi a thiang ih
mawhnak neilo na si ahcun
Amah in a lo run ding.
Currently Selected:
JOB 22: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
