JOB 21
21
Job in hiti in a sawn:
1-2Ka ṭongmi hi ngaihnik uh!
In hnem theinak cu cumi lawng a si.
3Ṭong theinak tikcu i pe uh,
Ka ṭheh tikah nan duh asile
i hnihsan leh uh.
4Mihring thawn thu kan el-aw a si lo!
Ka thin a tawi khalle ka mawh lo.
5I zohhnik uh! Mangbang tuksum le
ṭong loin nan kaa nan hup a si!
6Ka parih thil cangmi ka ruah ah,
Ka khawruah har tukah ka khur rero.
7Ziangah so Pathian in miṭha lo
pawl hi an nunnak a zuah?
An san a sauter ih milian sinsin
ah a tuah hai?
8An tu le an fa pawl pitlin tiang
hmuta man ih an nun?
9Pathian in an innsang ah harsat
vansaannak a thlengter lo ih,
Thinphan thlaṭemnak tla an tong
dah lo.
10Asi, an caw pawl tla an him ih
vansiatnak tong lotein an pungzai.
11An faate pawl cu suk le so ah
an tlan ih,
tuu faate bangin an lek.
12Ṭingṭang le khuangte tum in
an laam detdo.
13Hnangam zetin tarkuun an nung ih
harsatnak tuar lo daiteón an thita.
14Mi ṭha lo in “In tlansan aw,”
tiah Pathian an ti;
“Na lamzin hi a theih khal
kan duh lo,” an ti.
15Ziangkimtithei kan biak rero
a ṭul lo,
A hnenih thlacam rero khal
a ṭhahnem lo, tiah an ruat.
16‘Kan cahnak in kan hlawhtling pam,’
an ti.
Asinain an ruahdan cu ka pom
thei lo.
17Mi ṭha lo ih meifar cu a mit
dah maw?
Anmah lakah zotal in harsatnak
an tong dah maw?
Pathian in a thinheng in mi ṭha lo
pawl a hrem dah maw?
18Hrampi ro vekin thli ih sem
dingah le
Leidip vekin thlisia ih nuai hlo
dingah a tuah hai maw?
19A pa sualnak ruangah a fa parah
Pathian cawhkuan a thleng, nan ti.
A si lo, misual parah Pathian
hremnak thleng seh.
Nan sual ruangah ka lo hrem a si,
ti tla fiangtein langter seh.
20Misual pawl in an sualman
siatsuahnak tuar hai seh;
Ziangkimtithei Pathian ih
thinhengnak tong hai seh.
21Mi pakhat a nunnak ni a cem tikah
a taantami a innsang le faate ih thu
a hun thei nawn ding maw si?
22Zotal in Pathian a zirh thei
ding maw?
Van ih a ummi pawl par hmanah thu
a ṭhentu Cungnungbik parah cun!
23-24Mihrek cu an thih ni tiang
mi harhdam an si;
Lungawi le thinnuam in an um ih
an taksa ṭhazet cing in an thi.
25Mihrek cu lungawinak an nei dah
hrimhrim lo;
Thinhar in an nung ih thinhar in
an thi cihta.
26Sikhalsehla cute pahnih cu
an thi ih phum an si;
An pahnih in tholung in
an khat ṭheh veve.
27Ziangvek ruahnak nan nei, ti
ka thei.
Keimah siatsuah dingah ruahnak
ṭha lo nan nei ti ka thei.
28Nannih in, “Milian pa ih inn cu
khuiah so a si?
Thilsual a tuahtu pa cu khuiah so
a um?” tiah nan sut.
29Khualtlawng pawl thawn nan bia
aw dah lo maw?
Annih ih an ra simmi thu nan thei
dah lo maw?
30Pathian a thin a heng ih mi
a hrem tikah,
A luattu cu mi ṭha lo an si ṭheu.
31Mi ṭha lo pa sual puhtu ding
zotal an um maw?
A tuahmi hmuahhmuah a thungrultu
zotal an um maw?
32A thih tikah ṭhateih kilmi
thlaanmual ah an zawn.
33A thlaan ih leilung an silh mi hman
a hrangah a neem;
Mi thawng tampi in an thlah,
A hmaiih siar cawk lo a rak feh
ciami pawl vek khan.
34Nannih pawl cun thulolak in
a hnem in tum;
Nan ṭongmi hmuahhmuah hi thuphan
hlir a si.
Currently Selected:
JOB 21: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
