JOB 18
18
Bildad in hiti in a sim:
1-2Job, nangmah vek milai hi,
Daite in na um thei lo maw si?
Kan thu ngai dingin cawl hrih awla
Kan lo sim ve hnik pei.
3Rannung vek ih aa ah in ruat,
Ziangtin so ramsa tlukih in ruah?
4Na thin a heng ruangah na tuar
deuhdeuh a si;
Nangmah ih ruangah leilung hi
a ṭhing ding maw si?
Nangmah ih ruangah tlang pawl hi
an ṭhawn ding maw?
5Mi ṭha lo pawl ih mei-inn cu
an mit ding;
An meisa cu ziangtik hmanah a alh
sal nawn lo ding.
6A puanthlam sung ih tleunak cu
khawthim ah canter a si ding.
An kiangih mei-inn an mit ṭheh.
7A ke kar a rak hngetzet,
Asinain atu cu a ke a awl;
Amah ih ruahnak ruangah a ril riai.
8Sur sungah a feh ih a ke in a awk,
Kuahrum sungah a tla.
9Thang in a kedil a awk,
Cutiin luat loin a taarhaak.
10Leilung parah palphum an siah ih,
A lamzin ah thang an kam.
11A kimvel in tuksumza in a bawh,
Khuitawk lam a feh hmanah a thlun.
12Milian a si ṭheu naón atu cu
rilrawng in a tha a cem.
A kiangin siatnak in a bawh,
A rilhbah ding lawng a hngak.
13A pumpuluk in natsia in a tlun,
A kut le a ke pawl an ṭawt ṭheh.
14Thlangam zetih a umnak puanthlam
sungih sin an dirsuak,
Thihnak Siangpahrang tong dingah
an caih hlo.
15Atu-ah zokhal a puanthlam sungah
a um thei;
Natsia um nawn hlahseh tiah
Kaat meialh thawn an ur hnuah cun!
16A hnuailam ah a hrih a thi ih,
a tlunlam ah a ṭeek pawl an vuai.
17A hmin cu an khua le an ramah,
ramdang khalah a cem riai;
Lamzin ah zohmanin an cing nawn lo.
18Minung umnak leilung ihsin
dawihlo a si ding;
Tleunak ihsin thimnak sungah
dawihlo a si ding.
19Cithlah tesinfa zohman a nei lo,
A nehhnu ih a nungtu an um nawn lo.
20Nisuahnak ihsin nitlaknak tiang
mipi in cuih thu an theih tikah,
an thinphang in an khur thlohthlo.
21Miṭha lo pawl ih tonmi le
dinhmun cu cubangtuk a si;
Pathian zianghman ih a siar lotu
pawl cu!
Currently Selected:
JOB 18: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
