JOB 17
17
1Ka nunnak a cem zik thlang;
Ka thaw hman ka thaw thei nawn lo.
Thlan in i rak hngak.
2I hmuhsuamtu pawl in in kulh ṭheh,
Cupawl cu cat loin ka zoh hai.
3Maw Pathian, ka thuhrennak ah,
keimah hi i co hram aw;
Kei i ṭantu ding zoso a um cuang?
4Thuruah thiamnak neilo dingin
an thinlung na phit ṭheh;
Curuangah nehtu siter hram hlah aw.
5Khuahlan ṭongṭhimnak ah,
‘Mi pakhat in tangka duh ah
a rualpi a phiar asile,
a faate an mit a caw ding’ ti a um.
6Cuih ṭongṭhimnak cu ka parah
an thlenter;
Ka hnenah mi an ra ih ka hmaiah
cil in phui.
7Ka riahsia in ka mit khal a mal
thluh zik thlang;
Ka kut le ka ke pawl cu phenthlam
vekin an ṭawl.
8Ka fel tiih a ruat-awmi pawl
an khawruah a har ih,
An zatein Pathian thei lo tiah
in hnong ṭheh.
9Upat tlak ka si tiih a ruat-awmi
pawl in,
Kan dik a si, tiah an zum sinsin.
10Sikhalsehla an zatein ka hmaiah
ra ding hnik hai sehla,
An lakah mifim pakhatte hman
ka hmu lo ding.
11Ka nunnak ni cu a liam vivo;
Ka tumtah mi pawl an hlo deuhdeuh;
Ka saduhthah pawl an cem.
12Asinain ka rualpi pawl cun
zan khi sun an ti;
Khua a vang zik thlang an ti,
Asinain kei cu khawthim sung
thotho ah ka um.
13Ka ruahsanmi cu mithi khua Sheol
lawng a si;
Cutawkah khuathim sungah ka ihphah
ka phah ding.
14Khawhrum cu ‘Ka pa,’ ka ti dingih,
I eitu tholung pawl cu, ‘Ka nu’
culole ‘ka farnu,’ ka ti ding.
15Cuti asile ka beiseinak cu
khuiah so a um?
Ka ruahsanmi i hmuhsaktu zotal
an um maw?
16Mithi khua Sheol ka feh tikah
Ruahsannak in i thlun thei lo ding.
Currently Selected:
JOB 17: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
