JEREMIAH 42
42
Mipi In Jeremiah Thlacam An Fial
1Cun ralkap hotu pawl hmuahhmuah le Kareah ih fapa Johanan le Hoshaiah ih fapa Azariah#Azariah timi hi Grik Baibal thlun ih leh mi a si. (Jer 43.2, tla ah zoh.) Hebru Baibal ahcun Jezaniah tiin a um. le mipi pawl a tum a seen in ka hnenah an ra ih, 2annih in, “Kan lo dilmi hi in tuahsak hram aw. Bawipa kan Pathian hnenah kan hrangah thlacam hram aw. A nungmi kan zate hrangah hin thla in cam sak aw. Tuih hlanah cun minung kan tamzet, a sinan atu-ah cun in hmuh vekin mi malte lawng kan taang a si. 3Kan fehnak ding lamzin le kan tuah dingmi thil kan hmuh theinak dingah Bawipa kan Pathian hnenah thla in cam sak hram aw,” tiah in ra dil.
4Cutikah kei in, “A ṭha; nan dil vekin Bawipa kan Pathian hnenah cun thla ka cam ding. A simmi hmuahhmuah cu ka lo sim ṭheh ding; zianghman ka suup lo ding,” ka ti.
5Cule annih in, “Bawipa kan Pathian in kan hrangih thu a lo pekmi kan thlun duh lo a si ahcun Bawipa cu in dodaltu sisehla kan parah thu theitu dikzet le felzet si hram seh! 6A hnenah thlacam sak dingih kan lo dil ruangah kan duh ah siseh, duh lo ah siseh, Bawipa kan Pathian ih thu cu kan ngai ding. A thu kan ngai asile kan lamzin a tluang ding a si,” tiah in ti.
Bawipa In Jeremiah Ih Thlacamnak A Let
7Ni hra hnuah Bawipa ih ṭong cu ka hnenah a rung thleng. 8Curuangah Johanan le a hnen ih a ummi ralkap hotu pawl le misenpi pawl cu ka ko. 9An hnenah, “A hnenah dil dingih in thlahmi Bawipa Israel ih Pathian in nan hnenah, 10‘Hi ram sungih um nan duh ahcun ka lo siatsuah lo ding, ka lo tungding sawn ding; ka lo phawi lo ding, ka lo phunhnget sawn ding a si. Nan parih ka thlentermi siatralnak hin ka thin in natter zo a si. 11Curuangah Babilon siangpahrang cu ṭih nawn hlah uh. Nan hnenah ka um ih a cahnak huham sungin ka lo run ding. 12Zaangfah thinpemnak neitu ka si ruangah nan parah zaangfahnak ka neihter ding ih nan khua le nan ram ah a lo kirter ding. Keimah Bawipa in ka sim zo,’ a ti.
13-15“Sikhalsehla nannih Judah ram ih a taangmi pawl in Bawipa nan Pathian thu cu nan el lo pei ih hi ram sungih um khal nan nuar lo pei. Nannih in ‘Asilo, Izipt ram ah kan feh ding ih kan vung um sawn ding. Izipt ram ahcun ral kan do nawn lo ding, raldo ding kawhnak aw tla kan thei lo ding ih kan ril tla a rawng lo ding,’ nan ti lo pei. Nan ti a si ahcun Cungnungbik Bawipa, Israel ih Pathian in, ‘Izipt ram ah feh in a um nan tumtah hrimhrim a si ahcun, 16nan ṭih zetmi ral in a lo man ding. Nan phan zetmi rilrawnnak cun a lo thlun ding ih Izipt ram ah nan thi ding. 17Izipt ram ah feh in um a tum hrimhrimtu pawl cu ral kut in maw, paamnak in maw, a si lole natnak in maw an thi ṭheh tengteng ding. Zohman an nung lo ding. An parih ka thlenter dingmi siatralnak in zohman an luat lo ding,’ a ti.
18“Bawipa, Israel ih Pathian in, ‘Ka thinhengnak le ka ai-thawhnak cu Jerusalem khuami parih burh a si vekin Izipt ram ih nan feh a si ahcun nan parah burh a si ve ding. Midang pawl mithmuh ah tuksumza nan si ding. Mi ih puahcokmi ah nan cang ding ih nan hmin cu midang siatcamnak ah an hmang ding. Cule hi ram hi nan hmu sal nawn lo ding,’ a ti,” tiah ka sim.
19Cuih hnuah hiti in ka sim beet sal, “Bawipa in Judah ram ih a taangmi nannih pawl cu Izipt ram ih feh lo dingin a lo sim zo. Atu ah ralrinnak ka lo pek. 20Nan feh a si ahcun nan ti sualzet ding a si. Bawipa kan Pathian hnenah nan hrangih thlacam sak dingin in dil ih a thupek mi hmuahhmuah tuah dingah thu nan kam aw. 21Atute ah ka lo sim ṭheh. Asinain Bawipa kan Pathian in i simtermi hmuahhmuah nan el thluh fawn. 22Curuangah ciing ṭha uh: Um nan duhnak ram ah feh tahrat in ral in maw, rawl loin maw, a si lole natnak in maw nan thi ding a si,” ka ti.
Currently Selected:
JEREMIAH 42: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
