EZEKIEL 19
19
Ṭah Hla
1Pathian in hi ṭah hla hi Israel siangpahrang fapa pahnih hrangah sak dingin i fial:
2Ziangvek kiosa pinu so na nu hi
a rak si!
Ṭihnungza kiosa cang lakah a fano
a cawm hai.
3Fanote a cawm ih sadeh daan a zirh;
A fano cu milai dehtu ah a cang.
4Miphun pawl in cuih a fano thu
cu an thei ih,
Khurthang an kam ih an awk;
Sio thawn Izipt tiang an hruai.
5A nu cun zianghman ruahsannak
a um nawn lo hnu tiang a hngak.
Cule fano dang pakhat a cawm sal,
Cuih a fano khal ṭihnungza kiosa
ah a cang.
6Kiosa cang pitling a hung si tikah,
Kiosa dang thawn an vak.
Sa deh daan a zir ve ih,
Milai dehtu ah a cang ve.
7Khawsung ruhkulh pawl a bauh ih,
Khua tampi a siatsuah a si.
Ramsung milai pawl cun an ṭihzet,
Nasa zetih a huuk tinte in.
8Miphun tampi amah do dingah
an pum aw;
Khawzakip in an ra suak.
Ramsa awhnak sur an kam ih,
Cuih an thang cun an awk.
9Thir bawm sungah an ret ih,
Babilon siangpahrang hnenah
an kuat.
Amah kilvengtu ding an ret,
Israel tlang par ramah,
A huuk thawm thei nawn lo
dingah.
10Na nu cu sabit hri vek a si,
Tiva kapih cinmi sabit hri vek.
Cuih sabit hri cu a rah le a hnah
in a khuh;
Tidai tampi a um ruangah.
11A hnge pawl tla an khoh zet ih,
Siangpahrang kianghrol ah
an cang.
Cuih sabit hri cu a ṭhang zet ih,
Mero tawt tiangin a saang.
Hnah a neihzia le a san zia cu,
Mi hmuahhmuah in an hmu.
12Sikhalsehla thinhengtu pawl in,
An kut in an phawi ih leilung
ah an hlon.
Nisuah lam thli in a rah a carter
ṭheh.
A hnge pawl tla an khiak ṭheh,
An ro ṭheh ih meisa in an ur.
13Atu ahcun nelrawn ah an ciing,
Ramcaar le tidai um lonak ramah.
14Sabit hri ihsin meisa a alh,
A hnge le a rah pawl an kaang
ṭheh.
A hnge pawl cu an cerh sal nawn
lo ding,
Siangpahrang kianghrol ah an
cang nawn lo ding.
Himi hi ṭahnak hla a si ih an sak leuhleuh mi a si.
Currently Selected:
EZEKIEL 19: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
