EZEKIEL 15
15
Sabit Hri Thawn Tahṭhimnak
1 Bawipa in ka hnenah, 2“Milaipa, sabit hri khi thingkung thawn ṭhim ding a um maw? sabit hnge pakhat cu tupi sungih thingkung pawl thawn ṭhim tikah ziangso ṭhathnemnak a neih? 3Sabit hnge cu ziangah a ṭhahnem maw? Thil zaarnak bantlang hri hman ah a ṭhahnem maw? 4Meisa muahnak lawngah a ṭhahnem a si. Sabit hnge cu a hram le a zim meisa in a kang ih a laifang tla a ro ṭheh hnu ahcun zianghman ah a ṭhahnem lo. 5Meisa ih ur hlan hrimhrim in santlaihnak a nei lo. Meisa in a ur ih a ut hnu sinsin ahcun santlaihnak zianghman a nei lo,” tiah a ti.
6Cungnungbik Bawipa cun hiti in a ti: “Sabit hri cu tupi sungin an lak ih an ur vekin, Jerusalem khawsungih a ummi pawl cu ka la ding ih, 7ka hrem ding. Voikhatnak meisa ihsin an luat zo, asinain atu-ah meisa in ur an si ding. Ka hrem tikah cun Bawipa ka si kha in thei ding. 8Rintlak ding um loin ka parih an nuncan ruangah hi ram cu ramṭhingah ka tuah ding,” a ti. Cungnungbik Bawipa in a sim zo.
Currently Selected:
EZEKIEL 15: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
