SUAHLANNAK 15

Moses Ih Hla

1Cun Moses le Israel mi pawl cun hi hla hi Bawipa hnenah an sak,

“Mangbangza in a neh ruangah,

Bawipa ih hnenah

hla ka sak ding.

Ti sungah rang le a cuangtu pawl,

A hlon ṭheh zo.

2 Bawipa cu ka cahnak le

ka thazaang a si,

I runsuaktu khal Amah a si.

Ka Pathian a si ih

ka thangṭhat ding;

Ka pa ih Pathian,

a maksaknak ka cawimawi ding.

3 Bawipa cu ralnehtu a si;

A hminah Bawipa a si.

4Faro ih rangleng le ralkap pawl,

Tifinriat sungah a paih ṭheh.

A kuthnuai bawi ṭhaṭha pawl,

Tipi Sen sungah an pil ṭheh.

5A thukmi tipi cun a khuh hai ih,

A tawne ah lungto bangin an pil.

6Na vorhlam baan thacak cu,

Maw Bawipa mangbangza a si.

Na vorhlam baan thacak cu,

Ral pawl ṭhio thluhtu a si.

7A nasami na mi nehnak in,

Na ral pawl na hlon ṭheh ih,

Na thinhengnak a alh tikah,

Annih cu fang kuang ro bangin

an kaang ṭheh.

8Na hnar na phawt tikah,

Tidai pawl an tiang aw,

A luanglaimi tidai cu,

Phar bangin an ding.

A thuk zetmi tifinriat cu,

Tikhal bangin a khal ṭheh.

9Kan ral in, ‘Ka dawi pei ih

ka man mai ding;

An hlawn le an thil hmuahhmuah

ka ṭhen thluh pei ih,

An hnen ihsin ka duh pohpoh

ka duh zatzat ka lak ding;

Ka ralnam ka zuk pei ih,

An ci ka mit ṭheh ding,’ a ti.

10Asinain na thaw voikhat na phawt

tikah,

Tifinriat in a khuh ṭheh hai.

Ṭihnungza tidai sungah,

Suantum bangin an pil ṭheh.

11Maw Bawipa, leilungih

khawzing pawl lakah,

A lo bangtu zoso a um?

Nangmah a lo bangtu zoso a um?

Thianhlimnak ah na ropi,

Sunlawinak ah ṭihnungza,

Thilti theinak ah mangbangza.

12Na vorhlam baan na phar ih,

Kan ral pawl cu

leilung in a dolh thluh.

13Na duhdawtnak ah rintlak na si,

Na tlen ciami pawl na hruai hai.

Na cahnak in na minung pawl hi

Na hmun thianghlim tiang na khor

hai.

14Leitlun ih ramtin in an thei ih,

ṭihphang in an khur.

Nausuaknat ih thlaphannak bangin,

Filistin mi cu an thla a phang.

15Cun Edom ram ih uktu pawl cu,

ṭihnak thawn an bei a dong.

Moab ram ih micak pawl cu,

An thin a thir thlohthlo.

Kanaan ram ih a ummi hmuah tla,

An ralṭhatnak a reh.

16Ṭihnak le thlaphannak in

an khat,

Na baan thacak an hmuh tikah cun;

Lungto bangin caang loin an ding,

Maw Bawipa na luattermi

Na minung pawl an lan hlanah cun.

17Nangmah in na hruai hai dingih,

Nangmah ih tlangpar ah na phun

hai ding.

Maw Bawipa na umnak dingih

Na tuah mi hmunah,

Maw Bawipa nangmah ih na sakmi

biakinn ah na fehpi hai ding.

18 Bawipa cu kumkhua in

kumkhua tiang,

Siangpahrang a si ding,” an ti.

Miriam Ih Hla

19Izipt rang pawl, rangleng le a mawngtu pawl cu Israel mi dawi in ti sungih an vung luh tikah, Bawipa in tidai cu a ciip awkter sal ih annih cu a khuh ṭheh hai. Asinain Israel mi pawl cu tifinriat sungih leiro parin an feh a si.

20Aaron ih farnu, nunau profet a si mi, Miriam in khuang pakhat a lak ih a dang nunau tla in khuang tum phah in an laam ih Miriam cu an thlun. 21Miriam cun an hnenah,

“Bawipa hnenah hla sak uh,

Sunglawi zetin a neh zo.

Rang le rang ralkap pawl cu,

Ti sungah a thlak ṭheh zo,”

tiah a sak.

Tidai Khaa

22Moses in Israel mi pawl cu an tim a tuahter ih Tipi Sen ihsin pok dingin a fial. Cule Shur nelrawn ah an feh. Nithum sung nelrawn ah an feh naón tidai an tong lo. 23Cutiin Marah ah an va thleng naón cutawkih tidai cu a khaat tuk ruangah an in thei lo. Curuangah Marah#15.23 Marah: timi cu a khaa tican a si. tiih an kawhnak a si. 24Cutikah Moses hnenah, “Ziang so kan in ding?” tiah an phunzai. 25Moses cu napi in Bawipa hnenah thla a cam ih, Bawipa in Moses hnenah thingtan pakhat a hmuh. Cuih thingtan cu Moses in ti sungah a vun thlak ih tidai cu a kha nawn lo.

Cutawkah Bawipa in a hniksak hai ih an thlun ringring dingah daan a pek. 26Bawipa in, “Keimah nan Bawipa le nan Pathian thu feltein nan ngai ih a dik ka timi nan tuah ih ka thukham thlun in ka daan hmuahhmuah nan ul asile, Izipt mi pawl hnenih ka thlenter mi natnak pawl kha pakhatte hman nan tuar lo ding. Keimah cu a lo damtertu Bawipa ka si,” tiah a ti.

27Cuih hnuah cirh hleihnih le tuumkung sawmsarih umnak Elim ah an va thleng. Cutawkih tikap ah buuk an saam.

Currently Selected:

SUAHLANNAK 15: FCL

Highlight

Copy

Compare