Popular Bible Verses from SUAHLANNAK 15

Share

BAWIPA in, “Keimah nan BAWIPA le nan Pathian thu feltein nan ngai ih a dik ka timi nan tuah ih ka thukham thlun in ka daan hmuahhmuah nan ul asile, Izipt mi pawl hnenih ka thlenter mi natnak pawl kha pakhatte hman nan tuar lo ding. Keimah cu a lo damtertu BAWIPA ka si,” tiah a ti.

BAWIPA cu ka cahnak le ka thazaang a si, I runsuaktu khal Amah a si. Ka Pathian a si ih ka thangṭhat ding; Ka pa ih Pathian, a maksaknak ka cawimawi ding.

Maw BAWIPA, leilungih khawzing pawl lakah, A lo bangtu zoso a um? Nangmah a lo bangtu zoso a um? Thianhlimnak ah na ropi, Sunlawinak ah ṭihnungza, Thilti theinak ah mangbangza.

Na duhdawtnak ah rintlak na si, Na tlen ciami pawl na hruai hai. Na cahnak in na minung pawl hi Na hmun thianghlim tiang na khor hai.

Cutiin Marah ah an va thleng naón cutawkih tidai cu a khaat tuk ruangah an in thei lo. Curuangah Marah tiih an kawhnak a si. Cutikah Moses hnenah, “Ziang so kan in ding?” tiah an phunzai. Moses cu napi in BAWIPA hnenah thla a cam ih, BAWIPA in Moses hnenah thingtan pakhat a hmuh. Cuih thingtan cu Moses in ti sungah a vun thlak ih tidai cu a kha nawn lo. Cutawkah BAWIPA in a hniksak hai ih an thlun ringring dingah daan a pek.