Apocalipsa 12
12
Muljearea sh-Lamnja
1Un semnu mari s-vidzu tu tser. Eara unã muljeari nviscut cu soarili, sh-luna eara sum cicioarili a ljei sh-pri caplu a ljei unã curunã cu doisprãdzatsi di steali. 2Ea eara greauã sh-aurla di durearili a amintariljei shi s-munduia s-aminta.#Isa 66:7; Mic 4:10. 3Atumtsea tu tser s-vidzu un altu semnu. Ia, eara unã lamnji mari rosh-fleac, cai avea shapti capiti sh-dzatsi coarni sh-pri capitli a ljei avea shapti curuni.#Dan 7:7. 4Coada a ljei trapsi unã a treia parti di stealili a tserlui sh-li arcã pri loc. Lamnja stãtu nãintea a muljeariljei cai eara trã amintari tra s-lji mãca cilimeanlu anda va aminta.#Dan 8:10. 5Muljearea amintã un ficior, un mascru, tsi prindea s-picurãreascã tuti fãrili cu unã veargã di her, iarã cilimeanlu a ljei s-arãchi ningã Dumnidzãlu sh-ningã thronlu a lui.#Isa 7:14; 66:7. 6Deapoea muljearea fudzi tu irnjii, aclo eara un loc etimãsit di Dumnidzãlu, iu s-hrãnea ea di unã njilji doauã suti shaidzãtsi di dzãli.#Apo 11:2; 13:5.
7Atumtsea s-featsi alumtã tu tser. Mihailu sh-anghilji a lui alumtarã contra a lamnjiljei. Alumtã sh-lamnja sh-anghilji a lui.#Dan 10:13,21. 8Ghini ma, lamnja nu anichisi shi loclu tu tser chiru trã nãshi. 9Ashãtsi, s-arcã pri loc lamnja atsea marea, sharpili atsel vecljiul, acljimat Drac shi Satan, tsi arãdi tut lumea sh-cu nãsu s-arcarã pri loc sh-anghilji a lui.
10Atumtsea avdzãi unã boatsi mari tu tser dzãcãnda:
“Tora agiumsi ascãparea sh-fuchia,
amirãriljea a Dumnidzãlui a nostru,
autoritatea a Hristolui a lui,
cã s-arcã n-clo acuzatorlu a fratsilor a noshtri,
atsel cai lji acuza nãintea a Dumnidzãlui a nostru
dzua sh-noaptea.#Iac 1:9-11; Zac 3:1.
11Ma elji nichisirã pri nãsu prit sãndzili a Njelui
sh-prit zborlu a mãririljei a lor.
Sh-nu u-vrurã bana a lor pãnã tu moarti.
12Trã atsea hãrsits-vã, tseruri,
sh-voi tsi bãnats tu nãshi!
Cavai di loclu sh-di amarea,
cã dipunã draclu la voi,
avãnda mari inati,
metsi shti, cã ari putsãn chiro.”
13Cãndu lamnja vidzu cã s-arcã pri loc, priaĝuni muljearea tsi amintã cilimeanlu atsel mascru. 14Ghini-ma a muljeariljei lji si deadirã doauã peani di a marlui vultur, tsi s-azboairã tu irnjii, tu loclu a ljei sh-aclo si s-hrãneascã di un chiro, di multu chiro sh-di giumitati di chiro, diparti di fatsa a sharpilui.#Dan 7:25; 12:7. 15Atumtsea sharpilu scoasi dit gura a lui dupã muljearea apã, ca arãulu, tsi ea s-lu loa arãulu. 16Sh-loclu u-agiutã muljearea, discljisi gura a lui sh-ascãpitã arãulu, tsi lamnja avea scoasã dit gura a ljei. 17Atumtsea lamnja s-nãrãi cu muljearea shi s-dusi s-alumta cu alantsã dit fara a ljei, cu atselji tsi tsãn dimãndãrili a Dumnidzãlui sh-au mãrtiria al Isus.#Dan 7:7,21; Apo 11:7; 13:7. 18Sh-lamnja stãtu pri arina a amariljei.
Currently Selected:
Apocalipsa 12: BLRR
Highlight
Copy
Compare
Share
Want to have your highlights saved across all your devices? Sign up or sign in
